Matyu 7

1 Jisas takaw olap agak, Nɨbi binɨb kɨlop takaw tɨmel ma agɨnɨmɨb agak. Chɨn binɨb tep agɨl, binɨb ogɨnap kɨlop gos tɨmel nɨgenɨgabɨm, takaw anɨb ak adɨkɨd nɨbop yɨl ownɨgab agak. 2 Anɨb ak nɨm, nɨbi binɨb ogɨnap kɨlop gos tɨmel nɨgenɨgabɨm, God nɨbop pen anɨgɨl gos tɨmel nɨgɨnɨgab agak. Pen nɨbi binɨb okok kɨli gɨpal ak tɨg asɨkɨnɨgabɨm tek, God nɨbop pen anɨb ak tek tɨg asɨkɨnɨgab agak. 3 Taynen mab bog wɨdɨn nep pak yu gɨl mɨdeb ak nɨÅɨd agɨl mel, namam tap achɨp wɨdɨn nop mɨdeb anop nɨÅɨd apan agak? 4 Tɨtay dɨl anɨb apan, Tap achɨp wɨdɨn alaÅ mɨdeb, yad dɨyokin apan agak? Nad bɨ tay yepɨs apan agak. Nɨgan, mab bog wɨdɨn nep pak yu gɨl mɨdeb agak. Nad ned mab bog ak wɨdɨn nak alaÅ mɨdeb anɨb ak dɨyoke, wɨdɨn nep suÅ lek nɨgtep gɨl tek, kɨdek namam tap achɨp mɨdeb ak dɨyokɨnɨmɨn agak. 6 God tap suÅtep ne okok, chen okok kɨlop ma ñɨnɨmɨb agak. Pen kubap mɨlep okok, chag yenɨgel wulep sɨÅak ma dɨyokɨnɨmɨb agak. Anɨgɨl genɨgabɨm, kɨli taw pag pakel amek, adɨkɨd apɨl nɨbop sunɨgabal agak. Takaw paladaÅ lɨl agak ak, jɨj ne anɨgɨl mɨdeb, Binɨb God takaw ma nɨgtep gɨpal okok, takaw teplep anɨb ak kɨlop ma agñeb. 7 Jisas takaw olap agak, Tap tay tek donɨmuÅ, God nop agnɨgem nɨbop ñɨnɨgab agak. Pen tap tay pɨyownɨmɨb ak abe dɨnɨgabɨm agak. Chɨnop kanɨb ak yɨkaÅ agɨl, pak gigu gem, yɨkɨnɨgab agak. 8 Taynen? Binɨb an God nop agnepal okok, apal tek gup agak. Tap pɨyowpal ak dɨpal agak. Pen kanɨb ak yɨkaÅ agɨl, pak gigu gel yɨkup agak. 9 Nɨbi bɨ ñapay sek okok, ñapay olap bilet nen agek, bɨ an kab olap dɨl ñɨbɨkop akaÅ agak? 10 AkaÅ pen, kubsal nen agek, yoy tɨmel olap ñɨbɨkop akaÅ agak? Ak anɨb ma gɨpɨkop agak. 11 Nɨbi bɨ tep mel ak pen, ñapay nɨbi okok kɨlop tap tep nep ñɨbɨm agak. Anɨb ak tek nɨgtep gɨpɨm, Bapi nɨbi ne man ne alaÅ mɨdeb ak bɨ tep yɨbɨl ak, binɨb nop agnɨgel, kɨlop tap tep nep ñɨnɨgab agak. 12 Anɨb ak tek, binɨb okok chɨnop gɨtep gɨnɨgel agɨl gos nepɨm tek nep, kɨlop anɨb anep gɨnɨmɨb agak. Takaw Mosis ñu kɨl tɨkak ak sek, bɨ God gos ñek agñeb okok ñu kɨl tɨkɨlak ak sek, jɨj nɨm anɨb ak agak. 13 Jisas takaw olap agak, Kanɨbtub awl ak, kɨli mɨgan ayaÅ amɨl pɨsnep kul gɨnɨgabal ak, binɨb kuÅay yɨbɨl mɨseÅ nɨÅɨd, kanɨb awl anɨb ak teplep agɨl, mɨdupsek mɨgan ayaÅ abal agak. Anɨb ak nɨbi nɨgtep gɨl, pel mɨdep kanɨbtub sɨkol ak dɨl mɨgan ayaÅ amnɨmɨb agak. Kanɨb sɨkol ak koslam ajɨpal agak. Binɨb nokom nokom nep, kanɨb sɨkol pal anɨb ak pɨyow nɨÅɨd abal agak. 15 Jisas takaw olap agak, Bɨ ogɨnap kɨli apal, Chɨn bɨ God gos ñek agñeb mɨdobun apal ak pen, yepɨs apal agak. Nɨbi pen gos nɨgtep gɨnɨmɨb, bɨ anɨb okok takaw kɨlop ma nɨgɨnɨmɨb agak. Chen ladek tek mɨdebal agak. Kɨli chag sipsip sayn tep tek sɨlok lɨl opal ak pen, chen ladek su lup tek ak nɨbop gɨnɨg opal agak. 16 Tap tay gɨnɨgabal ak nɨÅɨd, kɨli bɨ tay tek mɨdebal ak nɨgtep gɨnɨgabɨm agak. Nɨb nepɨm, nag mɨgɨñem ñu tek okok, nag tep wayn mɨdup tek ma pulɨnɨgab agak. Mab ñuñu sek kubagas tek okok, mab tep pik tek ma pulɨnɨgab agak. 17 Anɨb ak tek, mab teplep ak mɨdup tep okok pulɨnɨgab, mab tɨmel ak mɨdup tɨmel okok pulɨnɨgab agak. 18 Pen mab teplep ak mɨdup tɨmel okok pulɨnɨmuÅ tek ma lɨnɨgab, mab tɨmel ak mɨdup tep okok pulɨnɨmuÅ tek ma lɨnɨgab agak. 19 Mab ak mɨdup tep ma pulɨnɨgab okok, tɨb dam mab yɨneb ak yokɨnɨgabal agak. 20 Anɨb ak, bɨ kɨli tap tay gɨnɨgabal ak nɨÅɨd, kɨli bɨ tay tek mɨdebal ak nɨgtep gɨnɨgabɨm agak. 21 Binɨb kɨli yɨp apal, Bɨawl chɨn nɨm nad nokom apal okok, God kɨlop mɨdupsek ma dɨl kod yenɨgab agak. Binɨb pen Bapi man ne alaÅ mɨdeb ak gos ne nɨgup tek kɨdek gɨpal okok, kɨlop nep dɨl kod yenɨgab agak. 22 Ãɨn kɨdek ak apek, binɨb kuÅay yɨbɨl yɨp agɨnɨgabal, Bɨawl chɨn nɨm nad nokom, chɨnop gos ñe agñɨnok agɨnɨgabal agak. Pen chɨnop age, kɨcheki binɨb abaÅ lak okok agyokɨnok agɨnɨgabal agak. Pen chɨnop ge, tap mageptek kuÅay yɨbɨl okok gɨnok agɨnɨgabal agak. 23 Agel, yad kɨlop pen agyɨkɨl agɨnɨgayn, Nɨbop pɨsnep ma nepin agɨnɨgayn agak. Nɨbi binɨb pel gɨ tɨmel yɨbɨl gɨpɨm okok, yɨp kelɨgɨl ke okok amnɨmɨb agɨnɨgayn agak. 24 Jisas takaw olap agak, Bɨ olap takaw yad ak nɨÅɨd kɨdek gup ak, ne bɨ gos nɨgep yɨbɨl olap tek, kal ne ak man kɨles kab tek adek ak gak agak. 25 Kɨdek man awl pakɨl, ñɨg wɨlɨk apɨl, yɨgen awl dɨl, tap anɨb okok kal anɨb ak pakak ak pen, kal ma pak juwak agak. Kal ne man kɨles kab tek adek ak gak anɨb ak nɨm, kal ma pak juwak agak. 26 Pen bɨ olap takaw yad ak nɨÅɨd kɨdek ma gup ak, ne bɨ gos ma nɨgep yɨbɨl olap tek, kal ne ak kab kɨlup adek ak gak agak. 27 Kɨdek man awl pakɨl, ñɨg wɨlɨk apɨl, yɨgen awl dɨl, tap anɨb okok kal anɨb ak pakak ak nɨm, kal ak pak juwak agak. Pɨsnep apyap pakɨl tɨmel gak agak. 28 Jisas takaw anɨb okok agjuwek, binɨb kuÅay yɨbɨl ap yelak okok takaw agñub ak nɨÅɨd wal agɨl 29 agɨlak, Ne bɨ yɨb sek, takaw nɨgtep yɨbɨl gɨl agup agɨlak. Bɨ kɨli Mosis takaw ñu kɨl tɨkak ak nɨgtep gep chɨn okok apal tek ne ma agup agɨlak. Anɨb agɨlɨg gos pal awl lɨlak.