Mak 1

1 Jisas Klays God Ãɨne takaw teplep ak mɨj tɨkɨnɨgebin. 2 Bɨ God gos ñek agñeb Aysaya, ne bɨlel tɨkɨl agak, God ne Ãɨne nop agup, Nɨgan, bɨ takaw dad ameb yad ak agyoken, ned amɨl kanɨb pɨdɨl kod yek, kɨdek nep agen amnɨgaban agup agɨl tɨkak. 3 Bɨ anɨb ak man nep binɨb ma mɨdebal nab okok suk awl agɨl agɨnɨgab, Bɨawl ak kanɨb nop pɨdɨl kod yenɨmɨb agɨnɨgab agɨl tɨkak. 4 Jon Bɨ Ãɨg Pakñeb ak pen tɨkjakɨl, man nep binɨb ma yelak nab okok yolɨgup. Mɨdɨlɨg, binɨb okok apel kɨlop takaw agñɨlɨg agolɨgup, Tap si tap tɨmel gɨpɨm ak taynen anɨgɨpun agɨl kelɨgem, nɨbop ñɨg pakñen nɨm, God tap tɨmel okok tɨg walɨg gɨyokɨnɨgab agolɨgup. 5 Ne anɨb agaknɨÅ, binɨb Judiya plopens sek man awl Jelusalem sek okok kɨli kuÅay yɨbɨl takaw nop ak nɨgɨnɨg amelɨgɨpal. Amɨl, tap si tap tɨmel gɨlak okok agyɨkɨlaknɨÅ, kɨlop ñɨg Jodan nab ak ñɨg pakñolɨgup. 6 Pen chag kamel wɨj dɨl chech gɨlak ak, Jon ne dɨl tol gɨl, sɨbnag olap pogɨlolɨgup. JoÅ ak sek sɨbɨnɨm ñɨg ak sek ñɨbɨlɨg yolɨgup. 7 Binɨb okok kɨlop anɨb agolɨgup, Bɨ olap kɨdek ownɨgab ak bɨawl yɨbɨl, yad bɨ yokɨp agolɨgup. Nop nɨgen yɨp nebeÅ gup, tob tɨlup nop ak nag wɨsɨkɨnɨm tek ma lup agak. 8 Yad nɨbop ñɨg pakñebin agolɨgup. Bɨawl ne apɨl, God Kawnan ak nɨbop pakñɨnɨgab agolɨgup. 9 Jisas taun Nasalet Galili plopens yolɨgup. Pen ñɨn olap man anɨb ak kelɨgɨl, Jon yek ak apek, nop ñɨg Jodan nab ak ñɨg pakñak. 10 Nop anɨgɨl ñɨg pakñek, Jisas tɨkjakaknɨÅ, God man ne alaÅ mɨgan yɨkɨl yek, God Kawnan ne ak yawl gɨpkay tek wɨÅɨd apɨl nop lak. 11 Lek, takaw olap wɨsɨp nab alaÅ nɨb apɨl agak, Nad ñɨ mapen yad yɨbɨl agak. Nep nɨgen yɨp tep yɨbɨl gup agak. 12 Pen won anɨb anep, God Kawnan ne ak Jisas nop gek, man binɨb ma yelak nab okok amɨl, 13 ñɨn anep 40 yolɨgup. Mɨdɨl, kɨcheki bɨawl ak Satan, ne Jisas yad yɨl owaÅ agɨl, ap nop agnɨgolɨgup. Man wakay anɨb ak, sab chag ladek be okok kuÅay yɨbɨl ayɨp yelɨgɨpal. Pen ensel okok ap Jisas nop bak lɨl kod yelɨgɨpal. 14 Pen gapman bɨnonɨm Helod ne Jon nop nag lak ñɨn anɨb ak, Jisas ne Galili plopens amɨl, God takaw teplep ak binɨb okok kɨlop agñak. 15 Agñɨlɨg agak, God binɨb dɨl kɨlop kod yenɨgab ak, ñɨn anɨb ak pel kod yelɨgɨpɨm ak, wulep mɨdeb agak. Tap si tap tɨmel gɨpɨm ak taynen anɨgɨpun agɨl kelɨgɨl, God takaw teplep ne ak gos nɨgtep gɨnɨmɨb agak. 16 Pen Jisas ne Galili ñɨg cheb gol ak apɨl nɨgak, bɨ kubsal dep madɨlmal ak, kubsal dep asas ak dɨl, ñɨg nab okyaÅ yokɨl yelek. Bɨ madɨlmal anɨb ak yɨb kɨli omɨÅal ak, Saymon ayɨp Edlu ayɨp. 17 Jisas kɨlopmɨÅal nɨÅɨd anɨb agak, Yɨp kɨdek gel nɨm, ñɨlop agñɨtep gen, bɨ binɨb dep omɨÅal ak yenɨgayl agak. 18 Agek, won anɨb ak kubsal dep asas okok kelɨgɨl, Jisas nop kɨdek gɨlek. 19 Pen Jisas sɨkol won olap amɨl nɨgak, Sepedi ñɨne Jemis ayɨp Jon ayɨp bot mɨgan ak mɨdɨlɨg, kubsal dep asas ak pugɨlɨkak ak kopɨs kopɨs gɨl yelek. 20 KɨlopmɨÅal nɨÅɨd anɨb agak, Ãɨli owil agak. Agek kɨlimɨÅal nɨÅɨd, nap nop bɨ wog gɨñeb ne ogɨnap ayɨp bot adek ak kelɨgɨl, Jisas nop kɨdek gɨlek. 21 Pen kɨli taun Kapeneyam amɨl, Juda añɨŠlep ñɨn awl ak apek, Jisas ne Juda apnan gɨpal kal ak mɨgan ayaÅ amɨl, tɨkjakɨl God takaw ak kɨlop agñak. 22 God takaw ak agek, binɨb kɨli ap yelak okok takaw agñub ak nɨÅɨd wal agɨl agɨlak, Ne bɨ yɨb sek, takaw nɨgtep yɨbɨl gɨl agup agɨlak. Bɨ kɨli Mosis takaw ñu kɨl tɨkak ak nɨgtep gep chɨn okok apal tek ne ma agup agɨlak. Anɨb agɨlɨg gos pal awl lɨlak. 23 Pen won anɨb ak bɨ kɨcheki mulɨk sɨkɨl yek olap, Juda apnan gɨpal kal nab anɨb ak yek ak suk awl agɨl agak, 24 Jisas bɨ Nasalet nɨb. Nad tay gɨnɨg opan? Chɨnop gɨ tɨmel gɨnɨg opan tek lup agak? Yad nep nepin, God bɨ suÅtep yɨbɨl ne ak opan agak. 25 Agek, Jisas kɨcheki anop takaw kɨles agak, Takaw ma agɨnɨmɨn. Bɨ anop kelɨgɨl seÅayaÅ amnoÅ agak. 26 Agek, kɨcheki ne bɨ anop gek, jep dɨl suk awl agaknɨÅ, kɨcheki seÅayaÅ amnak. 27 Anɨgek, binɨb mɨdupsek nɨg yelak okok kɨli judɨl, nep agnɨg agnɨg gɨl agɨlak, Bɨ anɨb ak takaw kɨdeyɨl adek olap dad owup tek lup agɨlak. Bɨ kabɨyam tɨmel anɨb awl, takaw anɨb ak agek, kɨcheki okok pɨlɨk abal agɨlak. 28 Pen Jisas gak takaw anɨb ak, Galili plopens okok mɨdupsek kasek dad amɨl agñɨlak. 29 Pen Jisas bɨne okok ayɨp Juda apnan gɨpal kal ak kelɨgɨl, seÅayaÅ amɨl, Saymon ayɨp nɨmam Edlu ayɨp kal ak amnɨg saÅɨdɨlak. Jemis ayɨp Jon ayɨp amnɨlak. 30 Kal amjakɨl mɨgan ayaÅ amɨl, Jisas nop agɨlak, Saymon nɨmak ne, wak nop mab tek yɨnek, kɨn yek agɨlak. 31 Agelak, Jisas am ñɨn nop dɨ jakñaknɨÅ, wak mab tek yɨnek ak suÅ lak. SuÅ lek, bin anɨb ak tap mɨdup kɨlop gɨlɨtep gak. 32 Pen sub saÅɨd amnak won ak, binɨb tap gak okok ayɨp kɨcheki mulɨk sɨkak okok ayɨp Jisas gek suÅ laÅ agɨl, yek ak dad owlak. 33 Binɨb man awl anɨb ak yɨl mɨdupsek, kɨli ap kanɨbtub seÅ okyaÅ ken nɨg yelak. 34 Nɨg yelaknɨÅ, binɨb tap gak okok gek suÅ lɨl, kɨcheki walɨjpal mulɨk sɨkak okok agɨl seÅ agyokak. Pen kɨcheki anɨb okok Jisas nop nɨgtep gɨlak tek, God Ãɨne ap mɨdeb awl agɨl mɨseÅ agɨnɨg gelak, kɨlop takaw ma agɨnɨmɨb agɨl seÅ agyokak. 35 Mɨnek, Jisas maynab yɨbɨl tɨkjakɨl, man awl anɨb ak kelɨgɨl, wakay olap ke amɨl, nap nop agɨlɨg yek. 36 Pen bɨne Saymon, bɨne ogɨnap ayɨp Jisas akal agɨl, pɨyow dad amɨl, 37 nop nɨÅɨd anɨb agɨlak, Binɨb mɨdupsek nep akal agɨl pɨyowebal agɨlak. 38 Anɨb agelak Jisas agak, Man wakay olap nep agñin agɨl ma ownek agak. Man ogɨnap abe agñin agɨl ownek tek nem amnun agak. 39 Anɨb agɨl, Galili plopens nab okok ajɨlɨg, am Juda apnan gɨpal kal okok mɨgan ayaÅ amnak. Amɨl God takaw agñɨlɨg, binɨb kɨcheki walɨjpal mulɨk sɨkak okok, Jisas kɨcheki okok agek seÅayaÅ amnɨlak. 40 Pen bɨ soy ladek lak olap Jisas yek wulep sɨÅak apɨl, kɨgom yɨmɨl agak, Nad yɨp yɨmug nɨÅɨd, ge soy yad ak suÅ lɨnɨmuÅ, binɨb mɨdebal nab okok amnin agak. 41 Anɨb agek Jisas nop mapen nɨÅɨd, dɨnɨgɨlɨg agak, Nep gen suÅ lɨnɨgab agak. 42 Agek, won anɨb ak nep soy ladek anɨb ak suÅ lek, mɨdtep gak. 43 Anɨgek, Jisas bɨ anɨb anop kasek agyokɨlɨg takaw kɨles tɨmel agak, 44 Yɨp dɨnɨgek suÅ lup agɨl, bɨ olap ma agɨnɨmɨn agak. Bɨ Mosis bɨlel God takaw ak ñu kɨl tɨkak tek, nad anɨgɨnɨmɨn agak. Nad amɨl, bɨ God nop sɨbogep ak nop wak nad yoman agak. Yomɨl, soy ladek yad ak suÅ lup agɨl, chag sipsip olap God nop pak ñɨnɨmɨn agak. Pak ñe, bɨ okok kɨli nɨgɨnɨgabal, soy ladek nad ak suÅ lup agak. 45 Anɨb agek ak pen, bɨ anɨb ak ne amɨl, binɨb okok monmon agñak. Agñek nɨm, Jisas man okok mɨseÅ ajonɨmuÅ tek ma lek, man awl ne ma amnak, ne binɨb ma yelak okok yek. MɨdaknɨÅ, binɨb man keke nop nɨgɨnɨg apelɨgɨpal.