Mak 4

1 Jisas ne Galili cheb gol ak amɨl, binɨb okok kɨlop tepayaÅ takaw agñɨnɨg gaknɨÅ, binɨb kuÅay yɨbɨl apnan gɨlak. Anɨgelak, Jisas bot adek ak besɨgɨl, am ñɨg nab sɨÅak mɨdɨlɨg, kɨli ñɨg gol sɨÅak yelak okok kɨlop takaw agñak. 2 Takaw anɨb okok paladaÅ lɨl, adek keke yɨbɨl agñak. 3 Adek olap paladaÅ lɨl agak, Takaw agɨnɨgebin ak nɨgɨm agak. Bɨ olap wit jakaÅ agɨl, wit mɨdup ak nab wog day okok yokɨnɨgab agak. 4 Yokenɨgab, ogɨnap kanɨb nab ak yapenɨgab, yawl okok pen ap nɨÅɨd mɨdupsek ñɨÅɨnɨgabal agak. 5 Ogɨnap kab adek lum sɨkol sɨkol lɨnɨgab okok yapɨl kasek jakɨnɨgab ak pen, 6 kɨdɨl palawl ma amnak tek, sub nɨÅɨd mɨlep gɨnɨgab agak. 7 Ogɨnap kɨkasɨk tap ñuñu adek yenɨgab nab okok yapɨl jakɨnɨgab ak pen, kɨkasɨk tap ñuñu okok pak ñɨbek mɨdup ma pulɨnɨgab agak. 8 Pen ogɨnap lum tep adek ak yapɨl, jak tep gɨl, mɨdup pɨl tep yɨbɨl gɨnɨgab agak. Ogɨnap mɨdup 30 tek pulɨnɨgab, ogɨnap mɨdup 60 tek pulɨnɨgab, ogɨnap 100 tek pulɨnɨgab agak. 9 Jisas takaw anɨb ak agjulɨg agak, Nɨbi binɨb tɨmud sek okok, takaw anɨb ak nɨgɨnɨmɨb agak. 10 Binɨb Jisas takaw agaknɨÅ, ap nɨg yelak anɨb okok, keke amnɨlak. AmnɨlaknɨÅ, bɨne anep umɨgan ak sek, binɨb ogɨnap sek nop agɨlak, Takaw paladaÅ lɨl apan jɨj ak tay agɨlak? 11 Agelak agak, God binɨb dɨl kɨlop kod yenɨgab ak, takaw we gɨl mɨdolɨgup ak nɨbop gos ñek nɨgɨnɨgabɨm agak. Binɨb yokɨp okok pen, kɨli takaw paladaÅ lɨl agak ak nɨgɨnɨgabal ak pen, takaw jɨj ak ma nɨgɨnɨgabal agak. 12 Anɨb ak tek, Wɨdɨn pel nepal ak pen, tap ogɨnap ma nepal agak. Takaw pel nepal ak pen, takaw jɨj agup anɨb agɨl ma nepal agak. Nɨgtep gɨpɨlap tek, God nop agnɨgebɨlap, tap si tap tɨmel gɨpal ak tɨg walɨg gɨyokɨpɨkop agak. 13 Jisas anɨb agɨl kɨlop agak, Takaw paladaÅ lɨl agen ma nepɨm anɨb ak, taydɨl kɨdek takaw paladaÅ lɨl agenɨgayn nɨgɨnɨgabɨm agak? 14 Bɨ anɨb ak tap yɨŠyɨmnɨgab ak, God takaw ne ak yɨmnɨgab agak. 15 Mɨdup ogɨnap kanɨb adek ak yapek, yawl okok ap ñɨÅɨnɨgabal apin ak, binɨb okok God takaw nepal ak pen, won ak Satan ap gek, sawl gɨnɨgabal agɨl apin agak. 16 Pen ogɨnap kab adek lum sɨkol sɨkol lɨnɨgab okok yapɨl jakɨnɨgab ak pen, kɨdɨl am wos ma gek, sub nɨÅɨd mɨlep gɨnɨgab apin ak, binɨb okok God takaw ak kɨdek won ak nɨgel tep gaknɨŠdɨnɨgabal apin agak. Tep gaknɨŠdɨnɨgabal ak pen, yokɨp sɨkol won olap mɨdɨl, binɨb ogɨnap takaw agel nɨÅɨd akaÅ, mɨÅel ogɨnap apek, takaw nop ak kelɨgɨnɨgabal agɨl apin agak. 18 Pen kɨkasɨk tap ñuñu nab ak yapɨl jakɨl mɨdup ma pulɨnɨgab apin ak, binɨb okok God takaw ne nɨgɨnɨgabal ak pen, 19 wog wali, kal mɨj kɨneb, tu mɨnan, mani, tap okok gos kuÅay nɨÅɨd, kuÅay dun agɨl gos nɨgɨnɨgabal agɨl apin agak. Nɨgenɨgabal, God takaw ne ak pak ñɨbek tap mɨdup ne ma pulɨnɨgab agɨl apin agak. 20 Pen wit mɨdup lum tep adek ak yapɨl jak tep gɨl, mɨdup 30 tek pulɨnɨgab akaÅ, mɨdup 60 tek pulɨnɨgab akaÅ, mɨdup 100 tek pulɨnɨgab apin ak, binɨb okok God takaw nɨÅɨd nop pɨsnep chɨgɨnɨgabal okok apin agak. Kɨli takaw ne dɨtep gɨl, mɨdup ne pulɨnɨgab apin agak. 21 Jisas pen tepayaÅ takaw olap paladaÅ lɨl agak, Sup ak dagɨl, abañ muk okok akaÅ, tin muk okok ma lɨpal agak. Mɨlek gɨnɨmuÅ agɨl, adek sɨÅak tɨk lɨpal agak. 22 Anɨb ak tek, tap okok mɨdupsek we gɨl mɨdeb, sayn mɨseÅ lɨnɨgab agak. Bɨ tap okok mɨdupsek we gel mɨdeb, sayn mɨseÅ lek, binɨb nɨgɨnɨgabal agak. 23 Nɨbi binɨb gos tɨmud sek yenɨmɨb okok, takaw agebin awl nɨgtep gɨnɨmɨb agak. 24 Pen kɨlop takaw olap agak, Takaw nɨgebɨm ak nɨÅɨd, nɨgtep gɨnɨmɨb agak. Takaw anɨb ak nɨgenɨgabɨm ak, nɨgtep gɨnɨgabɨm agak. Pen God nɨbop gos teplep yɨbɨl ñenɨgab, nɨgtep gɨnɨgabɨm agak. 25 Binɨb takaw nɨÅɨd nɨg dɨnɨgabal okok, takaw tep ogɨnap sek nɨgɨnɨgabal agak. Pen binɨb takaw nɨÅɨd ma nɨg dɨnɨgabal okok, kɨli sɨkol sɨkol nepal ak sek pɨsnep kul gɨnɨgab agak. 26 Jisas takaw olap pen agak, God binɨb dɨl kɨlop kod yenɨgab ak, bɨ wog nap ak wit mɨdup jakaÅ agɨl, dam wog day ne okok yokek jakɨnɨgab tek nep gɨnɨgab agak. 27 Wit mɨdup wog day okok yokɨl, maynab kɨnenɨgab, subnab ajenɨgab nɨÅɨd, gup gɨl jakɨnɨgab ak pen, taydɨl jakup agɨl ma nɨgɨnɨgab agak. 28 Lum ne ke gek jakɨl, mɨdup pulɨnɨgab agak. Ned gup jakɨl, nonɨm gup kɨdek mɨdup pulɨnɨgab agak. 29 Pen tap mɨdup ne ñɨÅeb ñɨn ak jakek, bɨ anɨb ak ne mɨdup ñɨÅeb tek mɨdeb ak tɨkɨnɨgab agak. 30 Jisas anɨb agɨl agak, God binɨb dɨl kɨlop kod yenɨgab ak, tay takaw paladaÅ lɨl agɨnɨgayn nɨbi nɨgɨnɨgabɨm agak? 31 Nɨm, mab mastet yɨŠtek ak agɨnɨm agak. Tap yɨŠogɨnap awl yɨbal okok jakup, pen mastet yɨŠak sɨkol yɨbɨl yɨbal agak. 32 Yɨmel, jak awl gɨl, wog nab jakup ak pen, ne tap awl yɨbɨl jakup agak. Jakɨl, lek pakek, yawl okok ap mab lek adek okok lɨ mɨdɨl, sɨsi okok we gɨpal agak. 33 Jisas binɨb okok kɨlop takaw paladaÅ lɨl anɨb okok tek kuÅay yɨbɨl agñolɨgup, gos kɨli nɨgɨnɨgel won ak tek agolɨgup. 34 Takaw mɨseÅ agñen ma nɨgɨnɨgabal agɨl, paladaÅ lɨl nep agñolɨgup ak pen, bɨne okok ayɨp ke mɨdɨlɨg ñɨn ak, takaw jɨj okok agñɨtep golɨgup. 35 Ãɨn anɨb anep dugep won ak, Jisas bɨne okok kɨlop agak, Kɨd adaÅ amnun agak. 36 Anɨb agɨl, bɨne okok ayɨp binɨb kuÅay yɨbɨl ap yelak okok kɨlop kelɨgɨl, bot Jisas yek mɨgan ak amɨl, kɨli saÅɨdɨlak. Pen bot ogɨnap abe yelak. 37 Nab amnɨlaknɨÅ, day yɨgen awl tɨmel yɨbɨl apɨl, ñɨg cheb awl ak pagɨl bot mɨgan ak amnak. 38 Jisas ne pen bot mɨgan day ayɨm yɨl, kɨmɨg mab lɨl kɨnek, bɨne okok nop am kaskas gɨl agɨlak, Tisa, chɨn mɨdupsek kumnɨgobun gos ak ma nepan agɨlak? 39 Agelak, Jisas tɨkjakɨl, yɨgen awl dek ak sek, ñɨg cheb awl ak pag apek ak sek takaw kɨles gɨl agak, Tep, kelɨgan agak. Agek kelɨgak. 40 Pen bɨne okok kɨlop agak, Taynen pɨlɨkɨpɨm agak? God nop gos ma lɨnepɨm akaÅ agak? 41 Agek, kɨli pɨlɨkɨl, pen kɨli ke agnɨg agnɨg agɨlak, Bɨ anɨb awl an agɨlak? Taydɨl agosup yɨgen awl dek ak sek, ñɨg pag apek ak sek agup tek kelɨgup agɨlak.