Mak 9

1 Pen Jisas anɨb agɨl, takaw olap agak, Nɨbop nɨÅɨd yɨbɨl agebin agak. Binɨb mɨñɨl mɨdebɨm okok ogɨnap ma kumnɨgabɨm, mɨdɨl God binɨb dɨl kɨlop kod yenɨgab ñɨn anɨb ak kɨles ne sek apek nɨgɨnɨgabɨm agak. 2 Pen kɨdek ñɨn anep kagol ak mɨdɨl, Jisas ne Pita ak, Jemis ak, Jon ak kɨlop poÅɨd, man dum adek awl alaÅ olap amnɨlak. Amɨl, kɨli nep yelak, Jisas nop nɨgel wak ne ak ke lak. 3 Chech ne ak kayɨg tɨmel yɨbɨl gɨl, ñɨñakol yɨbɨl gak. Pen binɨb lum awl olap chech ogɨnap ñɨg lɨ yokel, kayɨg anɨb ak tek, lɨnɨmuÅ tek ma lup. 4 Pen won anɨb ak nɨgɨlak, Mosis ayɨp Yilayja ayɨp apɨl, Jisas ayɨp takaw agelak. 5 Kɨli nɨÅɨd, Pita Jisas nop agak, Tisa. Chɨn tep yɨbɨl apɨl awl mɨdobun agak. Anɨb ak chɨn kal bad ak omɨÅal nokom gɨnɨgun, nep olap, Mosis nop olap, Yilayja nop olap agak. 6 Kɨli yakam pɨlɨkɨlak tek, Pita agɨnɨm anɨb agɨl nɨgtep gɨl mel, monmon anɨb agak. 7 Pen wɨsɨp ak apɨl kɨlop yu gek, takaw olap wɨsɨp nab anɨb ak agak, Ak ñɨ mapen yad yɨbɨl agak. Takaw agɨnɨmuÅ tek nɨgɨnɨmɨb agak. 8 Anɨb agaknɨÅ, kɨli nɨg kuskus gɨl nɨgɨlak, bɨ omɨÅal anɨb ak ma yelek, Jisas nokom yek. 9 Pen dum alaÅ kelɨgɨl, apyapɨlɨg, Jisas agak, Dum awl tap gosup nepɨm ak, mɨñɨl binɨb ogɨnap kɨlop ma agñɨnɨmɨb agak. Kɨdek Bɨ Olap Ãɨne kumɨl tɨkjakek, mɨseÅ agñɨnɨmɨb agak. 10 Agek, kɨli takaw anɨb ak nɨÅɨd agup agɨl, binɨb ogɨnap kɨlop ma agñɨlak. Kɨli ke agnɨg agnɨg gɨl agɨlak, Kumɨl tɨkjakɨnɨgayn agup takaw jɨj ak tay agɨlak? 11 Anɨb agɨl, Jisas nop agnɨÅɨd agɨlak, Bɨ kɨli Mosis takaw ñu kɨl tɨkak ak nɨgtep gep okok taynen apal, Yilayja ned ownɨgab apal agɨlak? 12 Agelak, Jisas agak, NɨÅɨd apal agak. Buk Baybol ak ñu kɨl tɨkɨl agɨlak, Bɨ Yilayja ned apɨl, tap okok mɨdupsek gɨlɨtep gek, Bɨ Olap Ãɨne ak kɨdek ownɨgab agɨlak agak. Pen binɨb okok Bɨ Olap Ãɨne nop ma dɨl, yul awl ñɨnɨgabal ñu kɨl tɨkɨl agɨlak takaw ak, taynen anɨgɨl ñu kɨl tɨkɨl agɨlak agak? 13 Pen bɨ Yilayja agɨlak anɨb ak, ne kɨdek ownɨgab agɨl gos ak ma nɨgɨnɨmɨb agak. Nop tɨkel awl gɨl, takaw agñaknɨŠnop gɨ tɨmel yɨbɨl gɨlak agak. Anɨb ak buk Baybol ak ñu kɨl tɨkɨl, gɨnɨgabal agɨlak tek nep gak agak. 14 Pen kɨli ayaÅ amɨl nɨgɨlak, bɨ kɨli Mosis takaw ñu kɨl tɨkak ak nɨgtep gep ogɨnap, Jisas bɨne okok ayɨp penpen ag yelaknɨÅ, binɨb kuÅay yɨbɨl ap kɨlop puÅɨl kuskus gɨ yelak. 15 Anɨgɨl nɨg yelaknɨÅ, Jisas apjakek ju dɨl, kasek am nop ag dɨdeg lɨl ag dɨlak. 16 Pen Jisas bɨne okok kɨlop agnɨÅɨd agak, Taynen pen agek pen agek gebɨm agak? 17 Anɨb agek, bɨ olap binɨb yelak nab anɨb ak nɨb agak, Tisa. Ãɨ yad ak kɨcheki abaÅ lek, takaw ma agup agak. Ãɨn ogɨnap nop tapɨn gek, apyap pakɨl, meg sɨp yɨmɨl, kosɨb asɨb apɨl, ñɨn tob yɨd gup agak. Pel anɨb gek gek nɨm, dad nep yɨl opin ak pen, mɨñɨl bɨnak okok kɨlop agen, kɨcheki ak agyok menɨŠmel nɨg kelɨgɨpal agak. 19 Anɨb agek, Jisas kɨlop agak, Nɨbi binɨb mɨñɨl mɨdebɨm lum awl, God nop gos ma nepɨm agak. Ãɨn akal nop gos lɨnɨgɨnɨgabɨm agak? Ma yɨbɨl nepɨm anɨb ak, yad ñɨn tɨtay nɨb ayɨp mɨdɨl, mɨÅel nɨbop ak dad ajenɨm agak? Ãɨ anɨb ak dad mɨdebin awl owɨm agak. 20 Agek, dad yek jɨj sɨÅak apel, kɨcheki ñɨ anɨb anop abaÅ lak ak Jisas nop nɨÅɨd, ñɨ anop gek apyap pakɨl, adɨk madɨk gaknɨÅ, kosɨb asɨb apɨl amnak. 21 Anɨgek, Jisas ñɨ anɨb ak nap nop agnɨÅɨd agak, Tap anɨb ak, ñɨn akal tek gak agak? Agek agak, Bɨlel ñɨsɨkol mug tɨkɨl gak agak. 22 Kɨcheki anɨb ak, nop pel paklin agɨl, mab yɨnub nab okok sek, ñɨg nab okok sek dɨyokup agak. Anɨb ak chɨlopapɨl chɨb nɨÅɨd, tap anɨb ak agyokep tek lek, agyokan agak. 23 Agek, Jisas agak, Taynen agyokep tek lek, agyokan ageban agak. Nad God nop gos lɨnɨge, tap okok mɨdupsek gɨnɨmɨn tek lup agak. 24 Agek, kasek ñɨ anɨb ak nap ne suk agak, God nop gos lɨnepin agak. Pen gos omɨÅal nɨgɨnɨm tek lup ak, yɨp gos tep yɨbɨl gɨñɨnɨmɨn agak. 25 Pen binɨb kuÅay yɨbɨl kasek apnan gɨlaknɨÅ, Jisas kɨcheki anop ag gɨl agak, Nad bɨ binɨb ge tɨmud pɨl gɨl, takaw ma apal ak, nep agebin, ñɨ anop pɨsnep kelɨg amnɨmɨn agak. TepayaÅ ma adɨkɨd ownɨmɨn agak. 26 Agek, kɨcheki anɨb ak wal agɨl, ñɨ anop gek apyap pakɨl, jep dɨ dɨ wos gek kɨcheki ne seÅ amnak. Amek, ñɨ ak ne kumɨl tek yek, binɨb kuÅay kɨli agɨlak, Ne kumub agɨlak. 27 Anɨb agɨlak ak pen, Jisas ñɨn nop dɨ jak ñak. 28 Kɨdek pen Jisas kal mɨgan amɨl, bɨne okok ayɨp, kɨli nep mɨdɨlɨg nop agɨlak, Taynen chɨn kɨcheki anɨb anop agyok mel nopun agɨlak? 29 Agelak agak, Kɨcheki anɨb ak tek yokɨp ma agyokɨpal agak. God nop agnɨgel nɨm, ag seÅ yokɨnɨgab agak. 30 Jisas bɨne okok poÅɨd man anɨb ak kelɨgɨl, Galili plopens nab okok ajolɨgup. Ajɨlɨg, bɨne okok kɨlop takaw agñɨ tep gɨnɨm agɨl, kɨmɨgel weyɨg mɨdɨlɨg, kɨlop agñolɨgup. Agñɨl agolɨgup, Bɨ Olap Ãɨne nop mɨmug nɨÅɨd, binɨb ogɨnap kɨlop ñɨnɨgabal agolɨgup. Ãel, paklel kumɨl, ñɨn omɨÅal nokom mɨdɨl, tepayaÅ tɨkjakɨnɨgab agolɨgup. 32 Ne agaknɨÅ, takaw jɨj anɨb ak tay agup agɨl, nop agnɨgɨnɨgel ak pen, jel gek ma agnɨgelɨgɨpal. 33 Pen kanɨb nab okok amɨlɨg bɨne okok, nɨbi mel yad nokom bɨawl mɨdebin agɨlɨg, penpen agel amnak. Am taun Kapeneyam amjakɨl, kal mɨgan ak amɨl, Jisas kɨlop agnɨÅɨd agak, Nɨbi kanɨb nab okok apɨlɨg, takaw tay agem opɨm agak? Agek, takaw anɨb ak agel owak ak nɨÅɨd, pen ma agñɨlak. 35 Ma agñelak, Jisas am besɨgɨl bɨne anep umɨgan kɨlop agek apelak agak, Bɨ ned bɨnonɨm awl yɨbɨl mɨden agɨl nɨÅɨd nɨm, okyaÅ apɨl, bɨ yokɨp wog gɨñub tek ak mɨdɨl, bɨ ogɨnap kɨlop wog gɨñɨnɨmuÅ agak. 36 Anɨb agɨl, ñɨsɨkol olap dap yelak nab sɨÅak jak ñɨl, dɨ kay gɨlɨg kɨlop agak, 37 Binɨb yɨp gos nɨÅɨd, ñapay sɨkol dɨpin awl tek kɨlop dɨnɨgabal okok, kɨlop nep mel, yɨp abe dɨnɨgabal agak. Pen yɨp dɨnɨgabal okok, yɨp nokom mel, Bapi yɨp agyokek ownek ak nop abe dɨnɨgabal agak. 38 Pen Jon ne Jisas nop agak, Tisa. Chɨn nɨgɨnok, bɨ olap yɨb nep ak agɨl, kɨcheki walɨjpal ag seÅ yokak agak. Yokek, nɨÅɨd anɨb agɨnok, Nad bɨ chɨn ayɨp jɨmñɨl ma ajɨpun ak, anɨb ma gɨnɨmɨn agɨnok agak. 39 Agek, Jisas Jon nop agak, Nop taynen mel apɨm agak? Bɨ yɨp gos nɨÅɨd, tap mageptek teplep ogɨnap gɨnɨgab okok, kɨdek adɨkɨd yɨp takaw tɨmel ma agɨnɨgab agak. 40 Binɨb chɨnop mɨlɨk ma nepal okok, kɨli bogɨlak chɨn mɨdebal agak. 41 Pen nɨbop nɨÅɨd agebin agak. Bɨ olap, ne nɨbop Klays bɨne agɨl, ñɨg mal ñek ñɨÅɨnɨgabɨm okok, God ne bɨ anɨb anop dɨtep yɨbɨl gɨnɨgab agak. 42 Pen Jisas takaw anɨgɨl agak, Binɨb ogɨnap, kɨli ñɨsɨkol paysɨkol olap yɨp gos lɨnɨgup ak nop gel apyap pakɨnɨgab ak, tɨmel yɨbɨl gɨnɨgabal agak. Kɨlop ned tunɨg dam ñɨg solwala yokɨpɨlap ak gɨtep gɨpɨlap agak. Taynen? Binɨb ogɨnap koÅɨm mɨdɨl ñɨsɨkol paysɨkol olap nop gɨ tɨmel gɨnɨgabal ak, kɨdek yul awl dɨnɨgabal agak. 43 Anɨb agɨl agak, Ãɨn mɨdup wul olap tap si tap tɨmel gɨnɨg gonɨmuÅ, pɨs kɨd anɨb ak tɨbɨlɨk yoke, pɨs kɨd anep yonɨmuÅ agak. Nak ñɨn kɨd nokom olap yenɨgab ak, pelpel yenɨgaban, tap teplep yɨbɨl agak. Pen ñɨn nak kɨd omɨÅal yenɨgab ak, mab ke yɨneb amnɨgaban, tap tɨmel yɨbɨl agak. Mab ke yɨneb anɨb ak, ma sɨŠgɨnɨgab agak. 45 Tob kɨd olap tap si tap tɨmel gɨnɨg gonɨmuÅ, pɨs kɨd anɨb ak tɨbɨlɨk yoke, pɨs kɨd anep yonɨmuÅ agak. Nak tob kɨd nokom olap yenɨgab ak, pelpel yenɨgaban, tap teplep yɨbɨl agak. Pen tob nak kɨd omɨÅal yenɨgab ak, mab ke yɨneb amnɨgaban, tap tɨmel yɨbɨl agak. 47 Pen wɨdɨn mɨdup olap tap si tap tɨmel gɨnɨg gonɨmuÅ, wɨdɨn pɨs kɨd anɨb ak tɨg juyokem, pɨs kɨd nokom olap nep yonɨmuÅ agak. Nak wɨdɨn kɨd nokom olap yenɨgab ak, God binɨb dɨl kɨlop kod yenɨgab ak amɨl pelpel yenɨgaban, tap teplep yɨbɨl agak. Pen wɨdɨn nak kɨd omɨÅal yenɨgab ak, mab ke yɨneb amnɨgaban, tap tɨmel yɨbɨl agak. 48 Mab ke yɨneb man anɨb ak, kɨlop kɨsoy pelnep lɨl mɨdɨlɨg, mab ma sɨŠgɨnɨgab agak. 49 Kɨli mɨnek mɨnek God nop tap sɨbogep ñɨnɨg, dek lɨl ñɨbal agak. Dek anɨb ak lɨl ñel, God wɨdɨn mɨdup adek sɨÅak suÅtep gup agak. Anɨb ak tek, mɨÅel ogɨnap binɨb okok kɨlop ownɨgab. Apɨl kɨlop gek, kɨli God wɨdɨn mɨdup adek sɨÅak suÅtep yenɨgabal agak. 50 Dek tap yɨdek tep yɨbɨl ak pen, yɨdek ne ak amek, taydɨl gem tepayaÅ yɨdek gɨnɨgab agak? Anɨb ak tek, nɨbi dek yɨdek tek ak mɨdɨl, mam ay ogɨnap ayɨp kɨmɨgel yenɨmɨb agak.