Yɛsɑ̃ɑ̃ 1

¹ Dɛ̀ nnɑɑti wèè í tũ mbɛnitiyonkubɛ tié, wèè í tũũ̀ mbɛnitiyɛibɛ kó kucɛ, wèè í kɑtìnɛ̀ bɛ̀ɛ̀ dɑú Kuyie.

² Wenwe dɔ́ Kuyie ntié nyi, kɛ ì ɑ̃ɑ̃̀ o yɛ̀mmɛ̀ miɛkɛ kuyie nnɛ̀ kɛyènkɛ̀.

³ Dɛ yiɛ̀ ndònnɛ̀ mutie mmu bɛ̀ buɔtí mù kukó ntɑkɛ́, kɛ̀ mù pɛí yɛbɛ yɛ mɔ̀nnì, bɑ́ mu fɑ̃ɑ̃̀tì í kpeì, dɛ yiɛ̀ ndɔ̀ɔ̀ri dɛ̀ dɛmɔu ɔ̃ nyíémmu

⁴ Bɛnitiyonkubɛ kpɛrɛ í mɛ ndò, bɛ̀ dònnɛ̀ tiyontì nti kuyɑɑkù tɔ tì.

⁵ Dɛɛ̀ te kɛ̀ bɛ̀ í yóó nɑ kɛ́cómmú Kuyie mbeéntì yiè, bɛ̀ mɛ nyí yó nkɔkɛ́ Kuyie nkɔbɛ tĩ̀nnì.

⁶ Kuyie nyɛ̃́mu bɛ̀ɛ̀ wetí bɛ kó kucɛ, kɛ̀ bɛyɛibɛ biɛ tũ mmɛfétimɛ̀ kɔku.