Yɛsɑ̃ɑ̃ 114

¹ Isidɑyɛɛribɛ yɛ̀ dìì mɔ̀nnì Esibiti, Sɑkɔbu yɑɑ̀bí yɛ̀ dìì mɔ̀nnì bɛkpɑ́kpɑ̀rìbɛ̀ tenkɛ̀.

² Kɛ̀ Sudɑɑ wuɔ nni ntú ku kɔbɛ mbɛ, kɛ̀ Isidɑyɛɛribɛ tu kù te bɛ̀.

³ Kɛ̀ dɑ̀mɛ́ɛ̀rìi bɛ̀ yɑ̀ kɛ́cokɛ́. Kɛ̀ Suditɛ̃ɛ̃ kó mɛniɛ mbótí.

⁴ Kɛ̀ yɛtɑ̃rɛ̀ ḿpuù yɛpedɑkɛ̀ kɔ̃mɛ, kɛ̀ sitɑ̃ɑ̃́ puù yɛbɔdɑkɛ̀ kɔ̃mɛ.

⁵ Dɑ̀mɛ́ɛ̀rì ɑ cokùnɛ̀ bɑ? Fɔ̃́ nSuditɛ̃ɛ̃ dɛ̀ dòmmɛ kɑ̀ɑ niɛ mbòtí?

⁶ Díndi yɛtɑ̃rɛ̀ dɛ̀ dòmmɛ kɛ̀ di puù yɛpedɑkɛ̀ kɔ̃mɛ? Sitɑ̃ɑ̃́ bɑ nte kɛ̀ di puù yɛbɔdɑkɛ̀ tɛ̃mɛ̀?

⁷ Kɛtenkɛ̀ ɑ kɔ̃̀ntì nhɑu ti Yiɛ̀ nKuyie nyììkɛ̀, kunku Sɑkɔbu do tũ nkù

⁸ Kuù ɔ̃ɔ̃ ceetɛ dipèrì borɛ̀ kɛ̀ dɛ̀ɛ nɑɑ́ ndibinni, kutɑ̃ɑ̃́ duɔ́ dɛ̀ kɛ̀ dɛ̀ɛ nɑɑ́ nkukó.