Yɛsɑ̃ɑ̃ 120

¹ Bɛ̀ ɔ̃ nkɔri Kuyie ncĩ́ɛ̃̀tɛ̀ kɛ dentì fɛ̀ɛ̀ yɛ̀nfɛ̀. N tɑ mɛyɛǹcɑɑ̀rìmɛ̀ kɛ kuɔ́nnɛ̀ n Yiɛ̀ nKuyie nku, kɛ̀ kù cɔutɛ́ n dɑbònnì.

² N Yiɛ̀ nKuyie nhɑ n dɛɛtɛ́nɛ̀ siyɑ́ɑ̀bìsí yɛmbɛ̀. Fũũ mbɛsoùmbɛ̀.

³ Díndi bɛ̀ɛ̀ ɔ̃ mpɑriku kɛ nɛ́ soú. Di dò mbɛ̀ di yĩ́mɛ? Di dò mbɛ̀ dí dɔɔ̀ bɑ?

⁴ Mɛpenyómmɛ̀ bɛ̀ sũ̀ɔ̃́tɛ́ mɛ̀ nɛ̀ yɛhɑ̃ɑ̃kũɔ̃ nyɛ̀ɛ̀ cɔ̀ú mmuhɑ̃ɑ̃́ dɛɛ̀ yó ntú di kó tiyeti.

⁵ N kóò kɛ́mbo bɛkpɑ́kpɑ̀rìbɛ̀ cuokɛ̀ dɛ̀ í n dɔ̀ɔ̀ mɛsɑ̀ɑ̀, n kóò kɛ́nhɑ̃nɛ̀ bɛ̀ɛ̀ í yɛ̃́ Kuyie dɛ̀ n cɑ̀ɑ̀rɛ̀mu.

⁶ N kɑrinɛ̀ bɛ̀ɛ̀ í dɔ́ kunɑɑtí kɛ̀ dɛ̀ mɔ̀ntɛmu.

⁷ Mí n dɔ́ kunɑɑtí nku, kɛ̀ n nɛ́ nɑ́ɑ́ mbɛ̀ nni nwɑntinɛ̀ mudoò.