Yɛsɑ̃ɑ̃ 124

¹ Dɑfiti yɛ̀nfɛ̀ bɛ̀ ɔ̃ ndentì fɛ̀ kɛ kɔri Kuyie ncĩ́ɛ̃̀tɛ̀. Kɛ̀ ti Yiɛ̀ nKuyie ndo í ti bonɛ̀... Isidɑyɛɛribɛ, nnɑ́ɑ́nnɛ̀ ti kɛ tú:

² Kɛ̀ ti Yiɛ̀ nKuyie ndo í ti bonɛ̀, bɛnìtìbɛ̀ do ìtɛ́ dìì mɔ̀nnì ti kpɛ́í.

³ Bɛ̀ nɑ nti mɑɑnkomu ti fòùbɛ̀, bɛ miɛkɛ mɛ̀ ndo ti cɔ̀útɛ́ mɛ̀ɛ̀ botí.

⁴ Mɛniɛ mmɛɛ̀ nɑ nti pɔ̃ntɛ́nɛ̀, ti nɑ ndìu fɛnɛ́wuonfɛ nfɛ.

⁵ Yɛnɛ́fĩ̀nfĩ̀rɛ̀ yɛɛ̀ nɑ nti dɑ̀tínnɛ́, yɛnɛ́fĩ̀nfĩ̀rɛ̀ diɛyɛ̀ yɛɛ̀ nɑ mpɛ̃ɛ̃tɛ́ ti ĩ́nkɛ̀.

⁶ Ti Yiɛ̀ nKuyie nyètìrì ndɛu, kunku kùù í yóu kɛ̀ bɛ̀ ti di.

⁷ Kuù te kɛ̀ ti nɑ kɛ yentɛ́, tɛnɔ̀tɛ̀ ɔ̃ɔ̃ yentɛ́nɛ̀ mɛ̀ɛ̀ botí ticùɔ̀tì, kuù tɔ̃̀tɛ ticùɔ̀tì kɛ̀ ti nɑ kɛ yentɛ́.

⁸ Ti kó mɛteèmmɛ̀ boní ti Yiɛ̀ nKuyie mborɛ̀ ndɛ, kunku kùù dɔ̀ɔ̀ kɛtenkɛ̀ nɛ̀ kɛĩ́nkɛ̀.