Yɛsɑ̃ɑ̃ 54

¹ Bɛdèmbɛ̀ kóo kótì dìèmmɛ̀ Dɑfiti yɛ̀nfɛ̀ bɛ̀ dìè nfɛ̀ kɛ bie ntibómbonti iwɛ̃ĩ kpɛti.

² Sifĩɛ̃bɛ do nɑ̀kɛ́ Sɑuri kɛ dɔ̀ Dɑfiti sɔ̀ri bɛ ciɛ kɛ̀ Dɑfitii dentɛ̀ fɛ̀.

³ Áú Kuyie! N dɛɛtɛ́ ɑ yètìrì kpɛ́í, n kónnɛ́ kɛ́bɛnkɛ ɑ wɛ̃rímú.

⁴ Kuyie nkéntɛ́ m bɑ́ɑmmìi, keè n yɛ̃ mmù.

⁵ Bɛpɔ̀ɔ̀bɛ̀ bɛɛ̀ ìtɛ́ kɛ n dokùnɛ̀, kɛ̀ bɛnitiyonkubɛ dɔ́ kɛ́ n kuɔ, bɛ̀ í bɔti Kuyie nkpɛti.

⁶ Kuyie nyó n teennɛ̀mu, n Yiɛ̀ nKuyie nyó nni nkpénkùnkoomu.

⁷ Mɛyɛi ndo n dootitɔbɛ̀ ĩ́nkɛ̀, fɔ̃́ ntimɔ́mmɔnti yiɛ̀, kuɔ bɛ pɑ́íí.

⁸ M bo dɑ pɑ̃ dipɑ̃nnì nɛ̀ n yɛ̀mmɛ̀ mɛmɔu, n Yiɛ̀ nKuyie m bo ndɛ́úkùnko ɑ yètìrì, ɑ wennimu.

⁹ A n dɛɛtɛ́nɛ̀ mɛyɛǹcɑɑ̀rìmɛ̀ mɛmɔu ndi, kɛ̀ n yɑ̀ n dootitɔbɛ̀ domɛ̀.