Yɛsɑ̃ɑ̃ 61

¹ Bɛdèmbɛ̀ kóo kótì dìèmmɛ̀ Dɑfiti yɛ̀nfɛ̀ kɛ biennɛ̀ tibómbonti iwɛ̃ĩ kpɛti.

² Kuyie nkéntɛ́ n dɑbònnì, keè m bɑ́ɑmmìi.

³ M bo kutemmɑ̀nku nku, kɛ̀ n yɛ̀mmɛ̀ cɑ̀ɑ̀rɛ̀ kɛ̀ n dɑ kuɔ̀nnɛ̀, n dee kupèrìkù n yĩɛ̃kɛ kù.

⁴ Fɔ̃́ɔ̃̀ tu n kó disɔ̀rì, didènnì kperì ti dootitɔbɛ̀ í yóó nintɛ dì.

⁵ N dɔ́ kɛ́mbo ɑ cĩ́ɛ̃̀tɛ̀ miɛkɛ nkɛ, kɛ́nsɔri ɑ fìɛ̀ti miɛkɛ sɑ̃́ɑ̃̀.

⁶ Kuyie nfɔ̃́ɔ̃̀ kèè n dɑ nɑ́ɑ́ ntì, kɛ duɔ́ nhɑ kɔbɛ bɛ̀ɛ̀ dɑ dé bɛ kó kɛtenkɛ̀ sɑ̀ɑ̀kɛ̀.

⁷ Yíɛ́ okpɑ̀ɑ̀tì mufòmmu, kòò nfòù yɛbie nyɛbie.

⁸ Kòò ndɑ tɑunnɛ̀, ɑ́ nhò bonɛ̀ kòo mbɑkɛ́ sɑ̃́ɑ̃̀, kɑ̀ɑ sɑ̀ɑ̀ nnɛ̀ timɔ́mmɔnti nhò bɑ̀ɑ.

⁹ M bo ndiè nkɛ dɛ́úkùnko ɑ yètìrì sɑ̃́ɑ̃̀, bɑ́ dìì yiè kɛ́ndɔɔri n yɛ̃ n yóó dɑ dɔɔ̀ tì.