Yɛsɑ̃ɑ̃ 8

¹ Bɛdèmbɛ̀ kóo kótì dìèmmɛ̀ Dɑfiti yɛ̀nfɛ̀ kɛ biennɛ̀ kubómbonku.

² Ti Yiɛ̀ nKuyie nhɑ yètìrì feímu kɛtenkɛ̀ kɛmɔu miɛkɛ. A yètìrì dɛumu kɛ sèńtɛ́ tiwɛtì, n yó ndɑ sɑ̃ntímu.

³ Ibí nɛ̀ ibíbɛ́nní bo ndiè nkɛ dɑ sɑntí, iì kó yɛnɔ̀ peri ɑ dùɔ̀ntɔbɛ̀ diɛbɛ̀, ɑ dootitɔbɛ̀ diɛbɛ̀ í piɛti tinɑ́ɑǹtì.

⁴ Kɛ̀ n wùó nkɛĩ́nkɛ̀ ɑ nɔu kó mutɔ̃mmú, otɑ̃̀nkù nɛ̀ siwɑ̃̀ɑ̃ ɑ dɔ̀ɔ̀ dɛ̀,

⁵ m bɑ́ɑ́ yɑ̀ onìtì tu wè kɑ̀ɑ yɛ̃́ o kpɛ́í, n yí yɑ̀ onìtì yie ntu wè kɑ̀ɑ dɑ̀kɛ o kpɛ́í.

⁶ Kuyie nhɑ ò dɔ̀ɔ̀ kòò sɑ̃kɛ dònnɛ̀ fɔ̃́ nwe, kɑ̀ɑ ò duɔ́ ntikpetì nɛ̀ diyetìdiɛrì.

⁷ Koò duɔ́ nhɑ dɔ̀ɔ̀ dɛ̀ɛ̀ kó dimɑ̀ɑ̀ kòò dɛ̀ bɑkɛ́, kɑ̀ɑ ò bɑɑ́ ndɛmɔu.

⁸ Tipìètì nɛ̀ inɑ̀ɑ̀kɛ nɛ̀ tikpɑsĩ̀ntòo,

⁹ nɛ̀ sinɔɔ nɛ̀ siyĩĩ nɛ̀ dɛ̀ɛ̀ kó dimɑ̀ɑ̀ bo mɛniɛ mmiɛkɛ.

¹⁰ Ti Yiɛ̀ nKuyie nhɑ yètìrì feímu kɛtenkɛ̀ kɛmɔu miɛkɛ.