1 Corintios 1

1 Kjibokwo ëre taga tja Pablorë, bi kjlÌara Sóstenes tjok. Tja rokara Sbörë beno shäng ba tjlÌõkwo roy lÌaga Cristo Jesús ãska. 2 Sbö tjlÌõkwo kjragaga lÌöng Corinto kjokyo, kjibokwo ëre ichër jek bomi kong. Pjãy töna Sbörë beno tjeng Cristo Jesús tjok kjÄ©shko ga pjãy rokara beno tjeng dboy ba kong, pjãy jëk ber lÌöng pjlÌo bek ba bokso wlÌo. Woyde ga nopga uunkong mär Jesucristo go lÌi jëk ber lÌöng eni. Jesucristo, e bi TjlÌapga, e ba TjlÌapga bakoe. 3 Rokër bi Data Sbö kong, TjlÌapga Jesucristo kong ga ba wopjlÌú lÌi kjÄ©shko ga pjãy kjimte lÌok ara, pjãy ie ber lÌöng wlÌẽp bakoe. 4 Sbö wopjlÌú lÌi kjÄ©shko ga pjãy kjimtara ara, pjãy töna beno tjeng Cristo Jesús tjok kjÄ©shko. Tja wopjlÌú Sbö tjok Ä©yado e kjÄ©shko. 5 Pjãy töna beno tjeng Cristo Jesús tjok kuzong ga lÌlÌëbo pjlÌú shäryara Sbörë bomi kong oblÌë oblÌëe. Pjãy iara beno lÌöng ba tjlÌõkwo miydë pjlÌú, pjãy iara beno lÌöng ba lÌë nopga oblÌë oblÌë kong bakoe. 6 E kjÄ©shko ga miydëmi ga Cristo roy pjlÌú lÌororwa bomi kong lÌi, e beke. 7 TjlÌapga Jesucristo tjwe iröng obi lÌi koshëmi lÌöng wopjlÌú wopro ga kjok miydë twe Sbörë ba nopga kong oblÌë oblÌë lÌi, e twara beno tjeng bomi kong pjir tjän. 8 Eni ga pjãy kjimte Sbörë ber lÌöng wokjang Ä©yado, TjlÌapga Jesucristo tjwe iröng obishko ga pjãy pogo lÌlÌëye dret ba bokso wlÌo. 9 Pjãy rokara Sbörë jëk ber lÌöng ba Wa Jesucristo, bi TjlÌapga lÌi tjok wlÌo. Ga lÌlÌëye lÌe Sbörë lÌi shärye eni. 10 Pjeyoga, rokër bomi kong bi TjlÌapga Jesucristo ko goshko ga pjãy lÌöng bëy ëng tjok, pjãy shdär dboy dboy lÌlÌëm wlÌo, pjãy wotjlÌÄ©k kjrinaso wlÌo. 11 Pjeyoga, pjãy roy kuror Cloé pjeyoga tjok ga pjãy lÌöng ënglÌë kar kar ëng tjok. 12 Roy kuror ga pjãy kjone kjone tjlÌẽ ga «Tjawa Pablo ĩ», kjone kjone tjlÌẽ ga «Tjawa Apolos ĩ», kjone kjone tjlÌẽ ga «Tjawa Cefas ĩ», kjone kjone tjlÌẽ ga «Tjawa Cristo ĩ» lÌëmi lÌöng eni. 13 ¿Cristo, e dboy dboydo? ¿Tja Pablo zröraba pjang kjlÌös go bomi kjÄ©shkoro? ¿Pjãy wak jer di roshko bor ko goro? 14 Crispo, Gayo, epgara waga tjarë. Pjãy lÌlÌamo waga tjarë lÌlÌëme. Eni ga ëye wak bor ko go lÌaga ërë lÌlÌëme. Tja wopjlÌú Sbö tjok e kjÄ©shko. 16 (Estéfanas pjeyoga lÌöng ba ushko lÌira woror, gueniyo no oblÌë wororde woyo bor kong lÌlÌëme.) 17 Tja ichara Cristorë, ëye wër wlÌo lÌlÌëme. Tja ichara ba tjlÌõkwo roy pjlÌú lÌë. Ga ba tjlÌõkwo lÌi kjrëba wlÌo ga lÌër kjok miydë kjok ëre go lÌi go lÌlÌëme. LÌoror eni kjwe ga Cristo wolÌono pjang kjlÌös go lÌi ber dbo lÌlÌëm wlÌeni. 18 Nopga jeno lÌöng lÌi kong ga Cristo wolÌono pjang kjlÌös go lÌi roy tjwlÌõ lÌlÌëme lÌe. Gueniyo shji döra Sbörë lÌöng lÌi kong ga dbo ara, shji döra e go kjÄ©shko. 19 Sbö tjlÌõkwo tak pjang eni: «Nopga kjok miydë ara wlÌeniyo lÌe lÌöng lÌi, ba kjok miydë lÌi iër ber tjwlÌõ lÌlÌëme. Epga iër ber lÌöng kjok miydë lÌlÌëme.» 20 ¿Nopga kjok miydë ara wlÌeniyo lÌe lÌi lÌöng kjone? ¿No pinggaga wlÌeniyo lÌëba lÌi shäng kjone? ¿Nopga wotjlÌÄ©k rong wlÌeniyo lÌe lÌi lÌöng kjone? Kjok miydë kjok ëre kjing go lÌi iara Sbörë beno tjwlÌõ lÌlÌëme. 21 Sbö, e kjok miydë ara. E kjÄ©shko ga kjok miydë kjok ëre kjing go lÌi iara beno ba miydoklÌo lÌlÌëme. Ãye mär ba go ga döra ba tjlÌõkwo pjlÌú lÌi go, tjlÌõkwo lÌi tjwlÌõ lÌlÌëme lÌëba gueniyo. 22 Judíoga mär ber lÌöng Sbö go wlÌo ga woyde lÌok ga lÌlÌëbo Ä©ydëba lÌlÌëm wlÌeniyo shärye ba kong lÌok guing. Nopga judío lÌlÌëm wlÌeniyora mär ber lÌöng ba go wlÌo ga woyde lÌok ga pÄ©ya tjlÌõkwo wolÌëso go guing. 23 Gueniyo tjlÌõkwo lÌërwa lÌöng lÌi ëre: Cristo, e zröraba pjang kjlÌös go. Judíoga kong ga tjlÌõkwo ëre lÌökyo ba kong ara, ga nopga judío lÌlÌëm wlÌeniyo kong ga tjwlÌõ lÌlÌëme lÌe. 24 Gueniyo kjong kjong rokara Sbörë beno baÄ©ya, judíoga, nopga judío lÌlÌëm wlÌeniyo bakoe. Epga kong ga tjlÌõkwo ëre dbo ara, miyde lÌok ga epga döra e go, Sbö kjok miydë ara kjÄ©shko. 25 LÌlÌëbo shäryara Sbörë lÌi, e tjwlÌõ lÌlÌëme lÌëba. Gueniyo e tjwlÌõ ara, kjok miydë kjok ëre kjing go lÌi kjinmo. LÌlÌëbo shäryara Sbörë lÌi, e dbo lÌlÌëme lÌëba. Gueniyo e dbo ara, lÌlÌëye shärye nopgarë kës lÌi kjinmo. 26 Pjeyoga, pjãy rokara Sbörëshko ga pjãy lÌöng sorë woyotjlÌÄ©zÄ©a. Eshko ga nopga kong ga pjãy kjok miydë ara kjlÌöbö dö, pjãy tjwlÌõ ara kjlÌöbö dö, pjãy pjeyoga tjwlÌõ ara kjlÌöbö dö bakoe. 27 Gueniyo nopga lÌöng kjok miydë lÌlÌëme lÌëba lÌi kjrara Sbörë, nopga kjok miydë ara lÌe lÌi lÌökkjrë e go wlÌo; nopga dbo ara lÌlÌëm lÌi kjrara, nopga dbo ara lÌi lÌökkjrë e go wlÌo; 28 nopga Ä©ywaba shjiktëng, tjwlÌõ lÌlÌëme lÌëba lÌi kjrara, nopga tjwlÌõ ara lÌi lÌökkjrë e go wlÌo bakoe. 29 Shäryara eni, ëye krë ba bokshto lÌlÌëm wlÌo. 30 Pjãy töna Sbörë om go beno tjeng Cristo Jesús tjok kjrinaso. Bi kong ga e dbo ara, miydëy ga shji döra e go, Sbö kjok miydë ara kjÄ©shko. Ba kjÄ©shko ga shji iara Sbörë beno pjlÌo bek ba bokso, shji iara beno nopga baÄ©ya, shji döra bi shdungglÌo dbo dorko dwayo bakoe. 31 E kjÄ©shko ga tjlÌõkwo tak pjang Sbö tjlÌõkwo go lÌi beno bi kong wẽlÌëe. TjlÌõkwo tak pjang lÌi tjlÌẽ ga «Ãye krë woydë ga krë TjlÌapga kjÄ©shko dey.»