1 Juan 1

1 Shäng kjlÌara ko TjlÌõkwo. Kjibokwo ëre tërwa bomi kong ba kjÄ©shko. Kjok ëre dämär, lÌlÌëye lÌlÌëm obishko ga sök tjän. Bi iaga ber lÌöng së jlÌõkoyo lÌi e. E kurorwa wẽlÌë, Ä©norwa borwa bokkwo go, porwororwa borwa orkwo go bakoe. E roy lÌorwarë bomi kong. 2 E weno borwa kong, ga lÌlÌëye Ä©norwa lÌi lÌorwarë bomi kong. Eni ga lÌërwa bomi kong ga Sök Ĩyado lÌi e. Dënashko ga sök Data Sbö tjok, gueniyo weno borwa kong dbar kjwöbö. 3 Tjawa jëk lÌöng wlÌẽp Data Sbö tjok, ba Wa Jesucristo tjok bakoe. Eni ga lÌlÌëye Ä©norwa, kurorwa lÌi lÌërwa bomi kong, pjãy jëk lÌöng wlÌẽp borwa tjok eni bako wlÌo. 4 Ga tjlÌõkwo ëre tërwa bomi kong, tjawa ber lÌöng wopjlÌú anmoyõ wlÌo. 5 Jesucristo tjlÌõkwo lÌono borwa kong, ga lÌlÌëye lÌara lÌi ëre: Sbö, e pjlÌú, pjlÌo bek, lÌlÌëye owa drete. 6 Shji lÌöng wlÌẽp ba tjok lÌëy, gueniyo shji jëk lÌöng pjlÌo bek lÌlÌëm ga shji lÌöng jyõrkë, ga shji mär lÌöng tjlÌõkwo bek lÌi go lÌlÌëme. 7 Gueniyo shji jëk lÌöng pjlÌo bek baÄ©ya dik ga shji lÌöng wlÌẽp ëng tjok, ga owa pjang bi go kës lÌi lÌöÌya Sbörë ber dret, ba Wa Jesucristo srëng kwono lÌi kjÄ©shko. 8 Shji lÌlÌëbo owa shäryono lÌlÌëme lÌëy wlÌeni ga shji opjyãpgwë lÌöng om go, ga tjlÌõkwo bek lÌi miydëy lÌöng lÌlÌëme. 9 Gueniyo Sbö, e pjlÌo bek, lÌlÌëye lÌara lÌi shärye eni Ä©yado. Eni ga lÌlÌëbo owa shäryoroy lÌi owa jlÌõe lÌoroy, ga rayoroy wlÌeni ga owa pjang bi go lÌi lÌöÌya ber dret, ga shji ie ber pjlÌo bek ba bokso. 10 Gueniyo shji lÌlÌëbo owa shäryono lÌlÌëme lÌëy wlÌeni ga Sbö, e jyõ äe lÌöydë, ga ba tjlÌõkwo lÌi miydëy lÌöng lÌlÌëme.