1 Tesalonicenses 1

1 Kjibokwo ëre taga tja Pablorë, Silvano, Timoteo tjok. Jesús tjlÌõkwo kjragaga lÌöng Tesalónica kjokyo, kjibokwo ëre ichërwa jek bomi kong. Pjãy Data Sbö nopga, pjãy TjlÌapga Jesucristo nopga bakoe. Rokër Data Sbö kong ga ba wopjlÌú lÌi kjÄ©shko ga pjãy kjimte ara, pjãy ie ber lÌöng wlÌẽp bakoe. 2 Pjãy mär TjlÌapga Jesucristo go kjÄ©shko ga pjãy parkë pjlÌú Sbö kong. OblÌë woydëmi ara kjÄ©shko ga lÌlÌëbo pjlÌú shäryëmi ba kong. Bi TjlÌapga Jesucristo, e koshëmi lÌöng wopjlÌú Ä©yado kjÄ©shko ga lÌlÌëbo wen tjwe bomi kong owashko ga pjãy wosonkë lÌlÌëm, pjãy pak shäryë pjlÌú Ä©yado. E kjÄ©shko ga tjawa wopjlÌú Sbö tjok Ä©yado. Tjawa syõshtëshko ga tjawa syõshtë bomi kjÄ©shko, ga lÌlÌëye pjlÌú shäryëmi lÌöng lÌi, e lÌërwa Data Sbö kong. 4 Pjeyoga, pjãy woyde Sbörë ara. Jesucristo tjlÌõkwo roy pjlÌú lÌororwa bomi kongshko ga kuromi dö lÌlÌëm, Sbö dbo ara lÌi Ä©nomi bako, ga pjãy kjimtara Sbö Sëyarë tjlÌõkwo lÌi kjrë jlÌõkoyo. Miydërwa e go ga pjãy kjraga Sbörë om go. Tjawa lÌöng bomi tjokshko ga tjawa opshäryono bomi kong sorë lÌi, e miydëmi lÌöng pjlÌúe. 6 E irgo ga lÌlÌëbo weno bomi kong owashko ga pjãy kjimtara Sbö Sëyarë beno lÌöng wopjlÌúe. Eni ga tjawa opshäryono sorë lÌi, TjlÌapga Jesús opshäryono sorë lÌi, pjãy omshäryono eni bakoe. 7 Eni ga lÌlÌëye shäryoromi pjlÌú lÌi, e beno pjlÌú Jesús tjlÌõkwo kjragaga lÌöng Macedonia kjokyo lÌi kong, lÌöng Acaya kjokyo lÌi kong, omshäryë lÌok eni bako wlÌo. 8 Bomi kjÄ©shko ga TjlÌapga Jesús tjlÌõkwo roy shdöktong Macedonia kjokyo, Acaya kjokyo, gueniyo eshko dö lÌlÌëme. Pjãy mär Sbö go sorë lÌi roy shdöktong kjok kjwang jÄ©kong. E kjÄ©shko ga pjãy roy lÌërwa ë kong ame ga pjlÌú, kura lÌok tjän kjÄ©shko. 9 LÌanyotkëba lÌöng om go ara. Tjawa öötong lÌöng bomi shwoyshko ga tjawa wlÌokjroromi lÌöng wopjlÌúe. Eshko ga bomi sböpga jyãglÌo tjeng lÌi rayoromi pjir, ga pjãy optwono Sbö sök së jlÌõkoyo lÌi kong, pjãy parkë ber lÌöng ba kong shara wlÌo. Jesús, e Sbö Wa woshrara Sbörë iröng obi. E bi döga, no shdÅ©zlÌong dbaryoshko ga shji shdÅ©ya Sbörë lÌlÌëm wlÌo. Ga Jesús ter tjwe kjok dogo dwayo iröng obi lÌi, e koshomirë lÌöng. Pjãy roy lÌëba lÌöng eni.