1 Timoteo 2

1 Bäm go ga rokër bop kong ga pja syõshtos Sbö kong nopga uunkong kjÄ©shko. Rokos ba kong ga epga kjimte wlÌo. Ga lÌlÌëbo pjlÌú shäryara lÌi kjÄ©shko ga pja tjlÌẽ ba kong ga «Tja wopjlÌú bop tjok» lÌëp ba kong eni. 2 Pja syõshtë pjlÌupga kjÄ©shko, no ichagaga kjÄ©shko bako, shji ber lÌöng wlÌẽp wlÌo, shji barwe lÌok lÌlÌëm wlÌo bakoe. Eni ga Sbö poshrëy ga pjlÌú, lÌlÌëye woyde Sbörë lÌi shäryëy ga pjlÌú bakoe. 3 Shji syõshtë eni, e pjlÌúe. Shäryëy eni ga Sbö bi döga ber wopjlÌú bi tjok. 4 Woyde ga nopga där uunkong. Woyde ga tjlÌõkwo bek lÌi miyde lÌok wẽlÌë bakoe. TjlÌõkwo bek lÌi, e eni: 5 Sbö, e kjlÌaraso; bi iaga ber lÌöng wlÌẽp Sbö tjok lÌi, e kjlÌaraso bakoe; domer Cristo Jesús lÌi e; 6 e optwono wolÌono, ber nopga uunkong potjwlÌẽkklÌo wlÌo, epga där wlÌo. TjlÌõkwo ëre dbaryo iara Sbörë beno lÌi öötong tjän. 7 E kjÄ©shko ga tja ichara ba roy shdök, tja iara beno shäng ba tjlÌõkwo roy lÌaga Jesús ãska. Tja shäng jyõrkë lÌlÌëme. Tja tjlÌẽ shäng beke. Tja ichara tjlÌõkwo bek lÌi roy lÌë nopga judío lÌlÌëm wlÌeniyo kong, shji mär Jesús go sorë lÌi lÌër ba kong bakoe. 8 Woydër ga nopga lÌöng kjok kjwang jÄ©kong syõshtë Sbö kong. Gueniyo ga orkwo poyong syõshtë wlÌoshko ga woydër ga wotjlÌÄ©k bëy, iirkë ë kong lÌlÌëm, ëng dboryë kar kar iir go lÌlÌëm bakoe. 9 WalÌëga, e woydër ga shwong pjung pjlÌo bek, yõtso. WotjlÌÄ©k doyë, opyë shäng oba bokso wolÌësowa anmoyõ, Ä©ya domergarë wlÌo ga owa. Opyë ber wolÌësowa wlÌo lÌe ga käkzong poshärye ara anmoyõ, dbur sho shõylÌõÌr pje ara, shwong tjwlÌõ ara wlÌeniyo pjÅ©ya ga owa. 10 Opyë ber wolÌësowa wlÌo ga woydër ga lÌlÌëbo pjlÌú shäryayde dey. WalÌëga Sbö poshrëga lÌe ga woyde ga wotjlÌÄ©k eni. 11 Ãye shäng Sbö tjlÌõkwo roy lÌëshko ga woyde ga kuya walÌëgarë lÌöng kjing, dborye lÌok lÌlÌëme. 12 Nopga ëng töno lÌöng Sbö tjlÌõkwo roy lÌë ëng kongshko ga walÌëga ichër domerga ping lÌlÌëme. Domerga ichaga ber walÌërë lÌlÌëme. E kjÄ©shko ga woydër ga kuya walÌëgarë lÌöng kjing erä. 13 Adán, e shäryara Sbörë bäm go. Eva, e shäryara ba irgo. 14 Jyãpgwara Ãrë lÌi, e Adán lÌlÌëme. Evara jyãpgwara, ga lÌlÌëbo owa shäryara. 15 Gueniyo walÌëga, e döya wlÌo jlÌõe. Gueniyo ga iara beno wapga weng wlÌo, wapga dë wlÌo. Woyde ga mär Sbö go, oba woydë pjlÌú, jëk lÌöng pjlÌo bek Sbö bokso, Ä©koba pjlÌú wlÌo. Shärye lÌok enira där.