Hechos 1

1 Teófilo, kjibokwo toror bäm go lÌi, e Jesús roy lÌoklÌo. Shäng kjok ëre kjing go obishko ga lÌlÌëbo shäryara, pina kës lÌi toror beno pjang eshko. Jemdë kjok dogo lÌlÌëm obishko ga jëk shäng Sbö tjlÌõkwo roy lÌagaga kjrara beno tjeng ba ãska lÌi tjok. Ga kong lÌlÌëbo shärye wlÌo lÌi lÌara beno ba kong. LÌeshko ga kjimtara Sbö Sëyarë. 3 Zröraba irgo ga weno shäng Sbö tjlÌõkwo roy lÌagaga lÌi tjrëko obi, ga lÌlÌëbo shäryara oblÌë oblÌë, miyde lÌok e go wlÌo ga shäng së obi. Dbar kop sak pkëng (40) tjrëko ga olÌö ga wen shäng ba tjrëko, ga Ä©na lÌok. Eshko ga Sbö ber no pjlÌuyo sorë lÌi roy lÌara beno ba kong. 4 PjlÌara ga sök ië ba tjokshko ga tjlÌẽ ba kong ga «Pjãy go Sbö Sëya iche bor Datarë tjwe, lÌara jlÌõkoyo sorë lÌi eni. E lÌanyotkoror bomi kong tjän. Juan, e no wono di goshko. Gueniyo ga dbar kjwöbö obi ga pjãy go Sbö Sëya iche Sbörë tjwe ber kësbang bomi tjok. Pjãy opshik Jerusalén kjokyo dwayo lÌlÌëm, e shäryono eni pjir guing» lÌe. 6 PjlÌara ga töno lÌöng Jesús tjokshko ga tjlÌẽ ba kong ga «TjlÌapga, ¿eni tjok ga Israel tjëyoga döp ber ichaga tjëyoga oblÌërë ame dbaryo lÌi öötongde?» 7 «E miydaga pjãydë lÌlÌëme. Dbar lÌëmi lÌöng lÌi, e miydaga Data Sbörë. LÌlÌono lÌe ga eshko jã. 8 Gueniyo ga Sbö Sëya tjwe bomi go kjlÌarashko kjlÌarashko, ga pjãy kong dbo twe kësbange. Kjroromi ga pjãy opshik tja Ä©nomi, kuromi lÌi sorë roy lÌë Jerusalén kjokyo, Judea kjokyo, Samaria kjokyo, äär jong kjok kjwang jÄ©kong bakoe» lÌe ba kong. 9 TjlÌẽno eni pjir ga Ä©ya lÌok ga Jesús söra Sbörë to jem kjok dogo, ga pjäng shrono kjrina eshko, jek yõw e roshko jëktëng erä, ga Ä©na lÌok ame. 10 Kjok dogo Ä©ya beno lÌöng wopro ga domerga wen lÌöng do pjök ba soshko, shwong ko pjlÌublÌúne. 11 Ga tjlÌẽ lÌok ba kong ga «Galilea sopga, ¿kjok dogo Ä©mi lÌöng kjër lÌlÌënoro? Jesús Ä©nomi söraba to jem kjok dogo bomi tjrëko dwayo sorë ga lÌlÌono ga ter tjwe iröng eni bakoe» lÌe. 12 Kjok eshko lÌi ko Olivos dlÌupyo. E irgo ga Sbö tjlÌõkwo roy lÌagaga Jesús ãska to ter lÌok iröng Jerusalén kjokyo. Olivos dlÌupyo lÌi ber äär Jerusalén kjokyo wlÌo ga wop tjok eröe. WoshtozlÌong dbaryo ga judíoga jëk lÌok wop eni eröe. 13 E irgo ga ter shrono lÌöng Jerusalén kjokyo lÌishko ga opzrëno jek u jong kjwara eshko lÌi roshko, ga tjyono jem kjomo, ga beno lÌöng eshko. Nopga lÌöng eshko lÌi ko eni: Pedro; Santiago; Juan; Andrés; Felipe; Tomás; Bartolomé; Mateo; Santiago, e Alfeo wa; Simón, e zelote; Judas, e Santiago wa. 14 Dbar kjwobi go ga epga tön lÌok tjë jÄ©kong eshko syõshtë Sbö kong Jesús lÌëmga tjok, ba mekë María tjok, walÌëga oblÌë tjok bakoe. 15 Eni ga dbar kjwara ga epga töno lÌöng kop sak dbäw kjingsho sak pjök (120). Eshko ga Pedro kojono shäng ba pjeyoga lÌlÌamo lÌöng lÌi tjrëko, ga tjlÌẽ ba kong ga 16 «Pjeyoga, Judas, e kjrara Jesúsdë jëk shäng borwa tjok wlÌo, ga parkono borwa tjok bakoe. Gueniyo ga Jesús shakoba wlÌo ga pingga erë, ga beno Jesús roy lÌaga ame. Dënashko ga tjlÌõkwo lÌara Sbö Sëyarë Judas kjÄ©shko, tjlÌõkwo lÌi tara PjlÌu Daviddë. E kjÄ©shko ga tjlÌõkwo lÌara lÌi shäryono eni tjän. 18 »(LÌlÌëbo owa shäryara Judasdë lÌi potjwlÌẽkklÌo dburyo lÌi go ga kjok tjwlÌẽna kjrina. Eshko ga lÌono jer jong kä lÌëkong, bögwo dlÌoktong, lÌlÌangkogro tuktong drete. 19 Nopga lÌöng Jerusalén kjokyo lÌi, e miydara lÌok pjir, ga kjok eshko kowara lÌok Acéldama, lÌëy bi tjlÌõkwo go ga “Srëng kjokyo.”) 20 »Dënashko ga kjibokwo ko Salmos lÌi tak beno pjang eni: »“Ba u jong lÌishko, e kworkwë ber buk kjok ëye lÌlÌëmshko. Ãye ber sök eshko ame.” »Eshko ga tak pjang eni bakoe: »“Ba pak, e ber sogo oblÌë." 21 »Eni kuzong ga domer kjrërwa kjlÌara parkë ber shäng Judas ãska. JÅ©shko ga domerga lÌöng, jëktong lÌöng bi tjok bebi, TjlÌapga Jesús shäng bi tjok lÌishko. 22 Jesús wara Juandë lÌi Ä©na lÌok. E irgo ga jëktong lÌöng ba tjok, ga dbaryo öötong söra to jem kjok dogo ga Ä©na lÌöng obie. Woyde ga kjwepga kjwe kjlÌara tek ber borwa tjok. Eni ga lÌlÌëbo Ä©na, kura lÌi roy lÌe borwa tjok wlÌo» lÌe. 23 Eni ga kjrara lÌok do pjök. KjlÌara ko José, kowëba Barsabás, kowëba Justo bakoe. KjlÌara obi ko Matías. 24 Eshko ga syõshtono lÌok Sbö kong, tjlÌẽ ga «TjlÌapga, tjawa uunkong wotjlÌÄ©k lÌöng borwa pjlÌúshko sorë lÌi, e miydëp pjire. Nopga do pjök ëre kjrorop kjone dey ga pÄ©s borwa kong. 25 E ber bop tjlÌõkwo roy lÌaga Jesús ãska. Pak lÌi, e Judas Ä©, gueniyo rayara to ba shdÅ©zlÌong kjokyo lÌishko» lÌe. 26 Eni ga lÌlÌëbo jyãglÌo shira lÌok, ga jyã lÌono beno Matías kong. Eshko ga Matías beno shäng Sbö tjlÌõkwo roy lÌagaga Jesús ãska doglÌo sak kjwara kjingsho kjlÌara (11) lÌi kjlÌarayo.