Colosenses 4

1 Parkaga sogoga, pjãy kägäyo sök kjlÌara kjok dogo, e woyotjlÌÄ©zÄ©a. E kjÄ©shko ga pjãy opshäryos bëy bomi parkagaga tjok. 2 Pjãy uunkong syõshtë Sbö kong Ä©yado, pjãy sjen lÌlÌëme. Pjãy lÌöng sjëk Ä©yado. Pjãy lÌöng wopjlÌú Sbö tjok Ä©yado. 3 Pjãy syõshtë borwa kjÄ©shko bako, Cristo tjlÌõkwo jnek tjeng pjir lÌi shdörwa jek këgong wlÌo. Tja sök kjërshko e kjÄ©shko. 4 Woyde ga tjlÌõkwo lÌi lÌër yõtso, kukoba wẽlÌë wlÌo. E kjÄ©shko ga rokozÄ© Sbö kong ga tja kjimte ba lÌë eni. 5 Pjãy lÌöng tjlÌõkwo kjragaga lÌlÌëm lÌi tjokshko ga pjãy opshäryos bëy, Sbö tjlÌõkwo roy pjlÌú lÌëmi ba kong ga pjlÌúshko ga lÌozÄ© Ä©yado, pjãy dbar jek lÌlÌëme. 6 Woyde ga pjãy lÌan ba tjok yõtso, kuya lÌok ga ber wopjlÌú wlÌo. Woyde ga lÌlÌëye kjakroke bomi kong dö ga dboryëmi sorë miydëmi lÌöng pjir tjän. 7 Bi kjlÌara Tíquico, e parkë shäng TjlÌapga Jesús kong bor tjok pjlÌú Ä©yado. E woydër ara. E ichër jek bomi shwoy bor roy sök bomi kong, pjãy ber lÌöng wopjlÌú wlÌo, pjãy wosonkë lÌlÌëm wlÌo. 9 Bi kjlÌara Onésimo, e bi kjlÌara jlÌõkoyo. E woydër ara. E bomi kjok eshko so bakoe. E ichër jek Tíquico yorkë. LÌlÌëbo jëk jong na sorë lÌãywe bomi kong drete. 10 Aristarco shäng na kjërshko bor tjok bakoe. «¿Pjãy yonde?» lÌe bomi kong. Bernabé kjlÌarayo ko Marcos, «¿Pjãy yonde?» lÌe bomi kong. Jek äär bomi shwoy ga wlÌokjrozÄ© yõtso, e lÌoror bomi kong tjän. 11 «¿Pjãy yonde?» lÌe Jesúsdë bomi kong. Jesús, e ko Justo bakoe. Tja parkë shäng Sbö ber no pjlÌuyo sorë lÌi roy lÌë oba kong. Bor kjimtagaga lÌöng lÌi tjrëko, judíoga lÌöng domerga doglÌo mya ëre döe. 12 «¿Pjãy yonde?» lÌe Epafrasdë bomi kong. E bomi kjok eshko so. E parkë Cristo Jesús kong. E syõshtë Sbö kong bomi kjÄ©shko jlÌõkoyo Ä©yado, pjãy mär Sbö go jlÌõkoyo wlÌo, lÌlÌëye woyde Sbörë lÌi miydëmi pjlÌú wlÌo, shäryëmi eni Ä©yado wlÌo bakoe. 13 Ĩnor om go ga parkë bomi kong kjang Ä©yado, parkë Laodicea sopga, Hierápolis sopga kong eni bakoe. 14 Lucas, no dwlÌomnega woydër ara lÌi, «¿Pjãy yonde?» lÌe bomi kong. Demas omlÌë bomi kong eni bakoe. 15 «¿Yonde?» lÌëmi Laodicea sopga kong, Ninfa kong, Jesús tjlÌõkwo kjragaga tön lÌöng ba ushko lÌi kong bakoe. 16 Kjibokwo ëre lÌoromi pjirshko ga ichëmi jek Jesús tjlÌõkwo kjragaga lÌöng Laodicea kjokyo kong, lÌe lÌok eshko bako wlÌo. Ga kjibokwo ichoror jek ba kong lÌi lÌëmi pjãydë bakoe. 17 Pjãy tjlÌẽ Arquipo kong ga «Pak twara TjlÌapgarë bop kong lÌi shäryos pjire» lÌëmi ba kong eni. 18 Tja Pablo, kjibokwo pjirzlÌong ëre tër bomi kong bor orkwo om go go shara. Tja sök kjërshko woyojemi lÌlÌëme. Rokër Sbö kong ga ba wopjlÌú lÌi kjÄ©shko ga pjãy kjimte ara.