Génesis 12

1 PjlÌara ga Jehová tjlÌẽ Abram kong ga «Bop kjok, bop tjëyo, bop pjeyoga, e rayos ber uunkong, ga pja nom jek kjokyo kjone pin bop kong lÌishko. 2 Eshko ga bop tjëyo tek ber bop irgo lÌi, e iër ber shdär träk lÌlÌëm, ber tjëyo kësbang wlÌo. Pja kjimtër, pja ber tjwlÌõ ara wlÌo. Eni ga nopga uunkong kjimtër bebi. 3 Ãye wotjlÌÄ©k pjlÌú bop kong ga tja wotjlÌÄ©k pjlÌú ba kong bebi. Ãye wotjlÌÄ©k owa bop kong ga tja wotjlÌÄ©k owa ba kong bebi bakoe. Bop kjÄ©shko ga tjëyoga lÌöng kjok ëre kjing go kjimtër uunkong» lÌe. 4 Kuya ga toe. Abram lÌu pjlÌoglÌo sak kjäk kjingsho shkëngshko (75) ga opshino Jarán kjokyo dwayo. 5 Ba boy Saray, ba shtop Lot, ba lÌlÌëbo uunkong, ba parkagaga lÌöng ba tjok, e söra jek uunkong Canaán kjokyo. Ãötong lÌöng eshko ga 6 jëktong ara ga öötong lÌöng Moré kjokyo, kjor jong kjlÌara kësbang lÌishko, Siquén kjokyo ber buk soshko. Eshkoshko ga Canaán sopga lÌöng eshko obi. 7 Eshko ga Jehová weno shäng Abram kong, ga tjlÌẽ ba kong ga «Kjok ëre twër ber bop tjëyo tek ber bop irgo lÌi kong» lÌe.Abram akkwo töno dlÌuw ëng kjing go kjókshko, Jehová poshrëkklÌo (Génesis 12.7) Jehová weno shäng ba kong eshko kjÄ©shko ga akkwo töna dlÌuw ëng kjing go kjókshko, Jehová poshrëkklÌo. 8 Pjir ga jëk öötong lÌöng dlÌup shwo lÌëkong, Betel kjokyo ber buk soshko. Eshko ga ba u shäryak öng kwota go söya jek ba tjok lÌi iara jong Betel kjokyo, Hai kjokyo, e tjrëko. Eshko ga akkwo töna dlÌuw ëng kjing go kjókshko, Jehová poshrëkklÌo obi. Shäryara pjir ga syõshtono Jehová kong eshko. 9 E irgo ga jek lÌöng shtor shtor, irbo jek jong äär Néguev kjokyo shwo lÌëkong. 10 Eshko ga öötong lÌöng lÌishko ga pjlÌi shrono arae. E kjÄ©shko ga Abram wlÌo opshino to lÌok ey dwayo, jongya jong Egipto kjokyo, ber lÌöng eshko dbar kjwöbö wlÌo. 11 Jek lÌöng ääto Egipto kjokyo ga Abram tjlÌẽ ba boy kong ga «Miydër pjlÌú ga pja wolÌësowa. 12 Pja Ä©ya Egipto sopgarë ga pja bor boy lÌe, ga tja zröya lÌok bop kjÄ©shko, pja ber ba kong wlÌo dani. 13 E kjÄ©shko ga tja zröya lÌok bop kjÄ©shko lÌlÌëm wlÌo ga pja bor dor lÌëp ba kong eni» lÌe. 14 Eni ga öötong lÌöng Egipto kjokyo ga kjok eshko sopga tjlÌẽ ëng kong ga «Ba boy kjwe wolÌësowa» lÌe. 15 Egipto so pjlÌuyo parkagaga omÄ©no lÌok bakoe. Ga tjlÌẽ ba pjlÌuyo kong ga «WalÌë shrono shäng kjlÌara wolÌësowa» lÌe, ga Saray lÌi söra lÌok jekdo pjlÌu ushko. 16 Eni ga Saray kjÄ©shko ga Abram wlÌokjrara, dara lÌok pjlÌúe. Sëna öng këskës chila, ga parkagaga tjwlÌẽk lÌöng pjir wlÌeniyo twara ba kong bakoe. 17 Gueniyo ga Saray kjÄ©shko ga pjlÌu lÌi shduna Jehovárë, ba pjeyoga uunkong tjok, swlÌo ichara träk lÌlÌëm ba ushko. 18 E kjÄ©shko ga Abram rokara pjlÌu lÌirë tek ba shwoy, ga tjlÌẽ ba kong ga «¿Pja lÌlÌëbo shäryono bor kong kjweni ega? ¿“WalÌë ëre bor boy” lÌorop bor kong lÌlÌëm ega? 19 “Kjwe bor dor” lÌorop bor kong kuzong ga sirashko ga kjwe kjwe kjroror bor boy. Bop boy shäng ëre. ¡Sös bop tjok, ga pjãy nomo!» lÌe. 20 Eni ga ba parkagaga ichara Abram ichë jek Egipto kjokyo dwayo, ba boy, ba lÌlÌëbo uunkong tjok.