Génesis 15

1 E irgo ga Jehová weno shäng Abram kong yoshko wlÌeni, ga tjlÌẽ ba kong ga «Abram, lÌlÌëye bangkjrëp lÌlÌëme. Tja bop wlÌikaga. LÌlÌono ga pja iër ber tjwlÌõ ara. E kjÄ©shko ga lÌlÌëye bangkjrëp lÌlÌëme» lÌe. 2 Kuya ga tjlÌẽ ba kong ga «Jehová, lÌlÌëye shäryëp woydë lÌi shäryëp ga pjlÌúe. ¿Tja ber tjwlÌõ ara lÌlÌëno? Miydëp pjlÌú ga tja wapga drete. Tja kong wapga tworop lÌlÌëme. E kjÄ©shko ga tja wolÌonoshko ga bor lÌlÌëbo uunkong ber bor parkaga tjwlÌẽk shäng pjir wlÌeniyo ko Eliezer kong. E bor pjeyo lÌlÌëm, e Damasco so» lÌe. 4 Kuya ga tjlÌẽ ba kong ga «Bop lÌlÌëbo uunkong ber ba kong lÌlÌëm, e ber bop wa domer onmo lÌi kong» lÌe. 5 Eshko ga Abram söra jek kjoko, ga tjlÌẽ ba kong obi ga «Kjok dogo Ä©s yõtso. Dbala shtozong, shtëp ga pjlÌúre Ä©p wlÌo. Bop tjëyo tek ber bop irgo lÌi ber träk lÌlÌëm kjweni bakoe» lÌe. 6 Kuya ga tjlÌõkwo kjrara, ga mär beno shäng ba go. E kjÄ©shko ga iara Jehovárë beno pjlÌo bek ba bokso. 7 Ga tjlÌẽ ba kong ga «Jehová lÌi tja. Pja shiror tek Caldea so kjokyo ko Ur lÌi dwayo, kjok ëre twër ber bop kong wlÌo, kjok ëre twër ber bop tjëyo tek ber bop irgo lÌi kong wlÌo bakoe» lÌe. 8 Kuya ga tjlÌẽ ba kong ga «TjlÌapga Jehová, ¿kjok ëre ber bor kong jlÌõkoyo miydër sorë?» 9 «Ãng tek sös bor kong kop eni: söglÌa popga wapga lÌlÌëm obi wlÌeniyo kjlÌara, shwlÌing ushko so popga kjlÌara, öng wlÌẽp ushko so wlÌëngglÌa kjlÌara, mya jÄ©kong mikbo lÌu pjlÌoglÌo mya döe. Dunggwo tek sös kjwo pjok oblÌë oblÌë bako, kjwara kësbang wlÌeniyo, kjwara chirawa wlÌeniyo» lÌe ba kong. 10 Kuya ga lÌlÌëbo rokara lÌi söra uunkong Jehová kong. E irgo ga zröra, sho shora wok, ga iara tjeng ëng gomyo. Dunggwora shora lÌlÌëme. 11 Ba öng sho shora, iara tjeng lÌishko ga lÌÃ¤Ì tjwe lÌok träk lÌlÌëm ba kjing go, gueniyo shgawe Abramdë shäng eshko. 12 Kjok ro zar wlÌeni ga Abram sjeno, opbuno, ga pono rong anmoyõ. Buk pëshko ga Ä©ya yoshko go ga kjok ro beno yẽt, ga bangkjrara ara. 13 Eshko ga Jehová tjlÌẽ ba kong ga «Pja äär tjlÌablÌashko, ga pja wolÌon döröshko ga pja sök wlÌẽp Ä©yado. Gueniyo ga lÌër bop kong jlÌõkoyo ga bop tjëyo tek ber bop irgo lÌi äär lÌöng kjok shto oblÌë. Eshko ga ber lÌöng parkagaga tjwlÌẽk lÌöng pjir wlÌeniyo, ga bokrotkëba, ga opshik ga ä, äär jong lÌu pjlÌoglÌo sak dbäw pjlÌoglÌo pkëng (400). Gueniyo ba bokrotkagaga lÌi, e shdungga tjarë. Bop tjëyoga opshik ey dwayoshko ga lÌlÌëbo tjeng kës lÌi söya lÌok jek ba tjok pjire. 16 Eeri ga amorreoga lÌöng kjok ëre kjing go, lÌlÌëbo owa shärye lÌok ara, gueniyo lÌlÌëbo owa shärye lÌöng lÌi äätë ba dbo go lÌlÌëm obi. E kjÄ©shko ga bop tjëyoga tjwe iröng malÌing lÌlÌëme. LÌu äär pjlÌoglÌo sak dbäw pjlÌoglÌo pkëngshko (400) ga bop tjëyoga tjwe lÌöng kjok ëreshko iröng obi» lÌe. 17 Kjok ro zoktongshko ga kjok ro beno yẽt erä. Eshko ga sbi weno pjang kjwara, roshko yõ sho tur jonge. Kjor weno pjang bok kjwara dbo go iök pjë jong ri rie. PjöyÄ©kong jëk lÌok ba öng sho shora tjeng lÌi tjrëko. 18 Eshko ga Jehová tjlÌẽ Abram kong ga «TjlÌõkwo twër bop kong, ber Ä©yado wlÌo. Kjok ëre twër bop tjëyo tek ber bop irgo lÌi kong, tek Egipto diyo dwayo äär jong Ãufrates diyo kësbang lÌi go. 19 Eeri ga kjok ëre, e quenitaga kjokyo, Cenaz tjëyoga kjokyo, cadmoneoga kjokyo, 20 Het tjëyoga kjokyo, ferezeoga kjokyo, refaítaga kjokyo, 21 amorreoga kjokyo, Canaán so kjokyo, gergeseoga kjokyo, Jebús so kjokyo bakoe» lÌe.