Génesis 48

1 E irgo ga oba tjlÌẽ José kong ga «Bop data swlÌo ara» lÌëba ba kong. Eni ga José jek ba Ä©k, ba wapga Manasés, Efraín tjok. 2 Ãötong lÌöng ba shwoy ga «Bop wa José shrono shäng bop Ä©k» lÌëba ba kong. Kuya ga kojono dbo go, sirkeno sök ba bukklÌo kjing go, 3 ga tjlÌẽ José kong ga «Sbö, lÌlÌëye shärye woydë lÌi shärye ga pjlÌúe. Sbö weno shäng bor kong Luz kjokyo, e Canaán kjokyo obi. Eshko ga tjlÌẽno beno pjlÌú bor kong. 4 TjlÌẽ ga “Pja iër ber shdär träk lÌlÌëme. Bop tjëyo tek ber bop irgo lÌi iër ber lÌöng tjëyoga oblÌë oblÌë, ga tjë jÄ©kong ber lÌöng tjëyo kjrinaso. Kjok ëre twër ber ba kong Ä©yado wlÌo” lÌe. 5 Bop wapga Efraín, Manasés, e weno tjeng na Egipto kjokyo, tja tjwayde töntë bop tjok lÌlÌëm obishko. Epga ber bor wapga onmo wlÌeni, Rubén, Simeón dik. 6 Pja wapga tjok obi wlÌeni ga epgara bopoya. Kjok twe datagarë ba wapga kong lÌi twe Efraín, Manasésdë ba kong, epga ba lÌëmga kjÄ©shko. 7 Tja jek shäng Padán Aram kjokyo dwayo, Efrata kjokyo ber buk pjola obishko ga bop mekë Raquel wolÌono bor shjiryo eshko Canaán kjokyo. Eni ga jnenor beno buk irbo jek jong äär Efrata kjokyo sor go» lÌe. (Eeri ga Efrata kjokyo, e ko Belén.) 8 Eshko ga Jacob tjlÌablÌa, kjok Ä©gö pjlÌú ame. E kjÄ©shko ga José wapga miydara lÌlÌëme. Eni ga tjlÌẽ José kong ga «¿Kjwepga kjwe ë?» «Kjwe bor wapga twara Sbörë bor kong na Egipto kjokyo» lÌe ba kong. Kuya ga tjlÌẽ ba kong ga «Tek sös bor zlÌong bäng, tjlÌõkwo lÌër ber pjlÌú ba kong wlÌo» lÌe. Eni ga ba wapga söra jek ba kjokë zlÌong. Eshko ga popjlÌura Jacobdë, ga lÌõ shira. 11 Ga tjlÌẽ José kong obi ga «Pja Ä©n ame lÌoror. Gueniyo tja kjimtara Sbörë sök së obi, pja Ä©nor, bop wapga Ä©nor bakoe» lÌe. 12 Eshko ga ba wapga kjara Josérë ba kjokë zlÌong dwayo, ga kjök tono, kjujono bokdo kjlÌay klÌung go. 13 E irgo ga ba wa Efraín shara ba or këlÌë go, Manasés ba or milÌë go. Eni ga Efraín beno ba kjokë or milÌëkong, Manasés ba or këlÌëkong. 14 Gueniyo Jacob orkwo ië ba tjërga kjing goshko ga Manasés, e José wa domer bäm Ä©yo ëmdë ga ba orkwo këlÌë lÌi iara beno Efraín kä kjing go, orkwo milÌë lÌi iara Manasés kä kjing go. 15 Eni ga tjlÌẽno beno pjlÌú José kong. TjlÌẽ ga «Sbö, e kolÌara bor data Isaac, bor kjokë Abrahamdë. E bor daga, tja bukshko tek lÌëkong. 16 LÌlÌëbo wen bor tjok owashko ga ba parkaga kjok dogo so, e bor kjimtaga. Kjwozirga ëre kjimte eni bakoe. Kjwepga kjÄ©shko ga tja woyoshrëba, bor data Isaac, bor kjokë Abraham, e woyoshrëba bakoe. Ba tjëyo tek ber ba irgo lÌi shdär träk lÌlÌëme» lÌe. 17 Ĩya Josérë ga ba data orkwo këlÌë lÌi iara Efraín kä kjing go ga beno ba kong owa. E kjÄ©shko ga orkwo shara, kje Efraín kä kjing dwayo, ie Manasés kä kjing go wlÌo lÌara. 18 Ga tjlÌẽ ba data kong ga «Data, kjweni lÌlÌëme. Ba shjiy shäng ëre. Bop orkwo këlÌë kjwe ios ba kä kjing go» lÌe. 19 Gueniyo kuya ga tjlÌẽ ba kong ga «Miydër tjän. Ba tjëyo tek ber ba irgo lÌi äär ber tjëyo kësbang, tjwlÌõ ara bakoe. Gueniyo ba lÌëngda äär tjwlÌõ ara ba kjinmo. Ba tjëyo tek ber ba irgo lÌi äär ber tjëyoga oblÌë oblÌëe» lÌe. 20 Eshko ga Jacob tjlÌẽno beno pjlÌú ba tjërga kong. TjlÌẽ ga «LÌlÌono ga Israel tjëyoga tjlÌẽ ga “Pja kjimte Sbörë ber Efraín, Manasés Ä© dik” lÌe ber pjlÌú nopga kong wlÌo» lÌe. Efraín iara beno Manasés bäm go eni. 21 E irgo ga tjlÌẽ José kong ga «Tja wolÌon e, gueniyo ga Sböra ber shäng bomi tjok, pjãy kjimte äär iröng obi bomi tjëyoga kjokyo. 22 Tja ëngkjwono amorreoga tjok, zanor song, ba kjok ko Siquén lÌi döror. Kjok, e pjlÌú, owa lÌlÌëme. E twër ber bop kong erö, bop pjeyoga kong lÌlÌëme» lÌe.