Génesis 50

1 Eshko ga doyo popjlÌura Josérë, lÌõ shira, ga slÌar ëëe. 2 E irgo ga no dwlÌomnega ichara ba data doyo poshtik, an lÌlÌëm wlÌo. Shinmo doyo poshtiya lÌok eshko sorë ga Jacob doyo poshtira lÌok dbargwo sak pkëng (40) eni. Jacob soyopora Egipto sopgarë dbargwo sak kjäk (70). 4 Sopono lÌok pjir irgo ga José tjlÌẽ pjlÌu pjlÌoyoga kong ga «Rokër bomi kong sira ga pjãy tjlÌẽ pjlÌu kong bor kjÄ©shko. 5 Pjãy tjlÌẽ ba kong ga bor data wolÌon döröshko ga tja ichara tjlÌẽ ba kong jlÌõkoyo ga “Pja wolÌonoshko ga pja sör äär ber buk Canaán kjokyo, sak shäryorop om go lÌi roshko” lÌoror. Eni ga rokëmi ba kong ga tja iche bor data jnek. Jnenor pjir ga tja tjwe iröng obi lÌëmi ba kong eni» lÌe. 6 Kuya pjlÌurë ga tjlÌẽ José kong ga «Pja jek ga pjlÌúe. Rokara bop kong sorë lÌi shäryos eni» lÌe. 7 Eni ga José jek ba data jnek, ba pjeyoga tjok. Yorkara tjlÌapgaga parkë lÌöng pjlÌu kong kjlÌobi lÌirë, pjlÌu ëngkjwagaga jëk kwomglÌa go, jëkklÌo roy tjok. Nopga öör träk lÌlÌëme. Ba öng, ba wapga chilawa, e iara Jacob pjeyogarë beno tjeng Gosén kjokyo erä. 10 Dipzono lÌok Jordán diyo kjwo kalÌëkong pjir ga öötong lÌöng Atad kjokyo, dwlÌa bo kwota shiya lÌokshko. Eshko ga woydono lÌok ara, slÌatong, kjlÌoshtono ara, Jacob soyopora dbargwo kjäk (7) José tjok. 11 Ĩya Canaán sopga lÌöng eshko lÌirë ga tjlÌẽ ga «Egipto sopga woydë ara» lÌe. E kjÄ©shko ga kjok eshko koiara Abel Misrayin, e ber buk Jordán diyo dlÌo wen tëm shwo lÌëkong. 12 E irgo ga Jacob söra ba wapgarë Canaán kjokyo, iara beno buk guëng jong ööng Macpela kjokyo roshko, Mamré kjokyo gomyo. Guëng lÌi tjwlÌẽna Abrahamdë Efrón kong, lÌlÌëye tjeng eshko lÌi bako, ber buk sak ba pjeyoga kong wlÌo. LÌlÌëye lÌara Jacobdë ba kong lÌi shäryara ba wapgarë eni. 14 Ba data jnena pjir ga José to jek Egipto kjokyo iröng obi, ba pjeyoga, ba yorkaga uunkong tjok. 15 Jacob wolÌono kuzong ga José shjiyga wotjlÌÄ©k ga «José wotjlÌÄ©k bi kong owa dikjoyoe. LÌlÌëbo shäryoroy ba kong owa kuzong ga lÌlÌëbo shärye bi kong owa kjwe» lÌe. 16 E kjÄ©shko ga no ichara tjlÌẽ ba kong ga «Bop data wolÌontë lÌlÌëm obishko ga tjlÌẽ bop shjiyga kong ga 17 “Pjãy tjlÌẽ bop lÌëng kong ga ‘Bop data tjlÌẽno beno bop kong ga “Bop shjiyga lÌlÌëbo shäryono bop kong owa lÌi rokër bop kong sira ga epga shdum e kjÄ©shko lÌlÌëme. Epga jnep kësbange” lÌara bop datarë bop kong eni’ lÌëmi ba kong” lÌara. Eni ga roke lÌok bop kong sira ga epga jnep kësbange, epga bop data Sbö parkagaga» lÌe. Kuya Josérë ga slÌar jonge. 18 Eni ga José shjiyga tjwe lÌöng kjök tono, kjujono bokdo kjlÌay klÌung go, tjlÌẽ ba kong ga «Tjawa lÌöng ëre, tjawa bop parkagaga tjwlÌẽk lÌöng pjir wlÌeniyo» lÌe. 19 Gueniyo kuya ga tjlÌẽ ba kong ga «LÌlÌëye bangkjrëmi lÌlÌëme. Tja Sbö lÌlÌëm, pjãy shdun wlÌo. 20 Pjãy wotjlÌÄ©no lÌlÌëbo shäryë bor kong owa. Gueniyo bomi wotjlÌÄ©k owa lÌi kjlÌopswara Sbörë beno pjlÌú, nopga ara kjimtoklÌo, wolÌon lÌlÌëm wlÌo. 21 E kjÄ©shko ga lÌlÌëye bangkjrëmi lÌlÌëme. Pjãy kong dlÌi twër, bomi wapga kong bakoe» lÌe. Eni ga José tjlÌẽno ba shjiyga kong yõtso, wotöye. Ga epga beno lÌöng wopjlÌú, woydono ame. 22 José beno sök Egipto kjokyo ba pjeyoga tjok. Ãötong tjlÌablÌa, ba wa Efraín tjërga, e wapga Ä©na, Manasés wa Maquir, e wapga Ä©na bako, wlÌokjrara ba wapga wlÌeni. PjlÌara ga tjlÌẽ ba pjeyoga kong ga «Tja wolÌon döröe. Pjãy kjimtaga ber Sbörë. Pjãy shiya na dwayo. Pjãy söya äär lÌöng kjok twara Abraham, Isaac, Jacob kongshko. Pjãy tjlÌẽs bor kong jlÌõkoyo ga pjãy shiya Sbörë na dwayoshko ga bor doyo sömi jek bomi tjok lÌozÄ© bor kong jlÌõkoyo eni» lÌe. 26 José lÌu Ä©no öötong sak dbäw kjingsho sak kjwarashko (110) ga wolÌono buk Egipto kjokyo. E irgo ga ba doyo poshtira, an lÌlÌëm wlÌo, ga iara beno buk shinmoga bapkwo roshko.