Génesis 7

1 E irgo ga Jehová tjlÌẽ Noé kong ga «No kjlÌaraso wlÌẽnor shäng pjlÌo bek bor bokso lÌi pja. E kjÄ©shko ga pja opzrës jem kjyong lÌi roy, bop boy, bop wapga, bop pjlÌaydoga tjok. 2 Ãng ber pjlÌú bor poshrëkklÌo wlÌo oblÌë oblÌë, sënwa oblÌë oblÌë, e sös wlÌëngglÌa doglÌo kjäk kjäk (7), popga doglÌo kjäk kjäk (7). LÌlÌamo sös wlÌëngglÌa kjlÌara kjlÌara, popga kjlÌara kjlÌara. Shäryos eni, jer kjok ëre kjing go lÌlÌëm wlÌo. 4 Sondë kjwara go ga shunyo ichër shrë dbargwo sak pkëng (40), shkë dbae. Eshko ga lÌlÌëye shäryoror tek dämärshko lÌöng së lÌi pjiga tjarë ber drete» lÌe. 5 Kuya ga lÌlÌëye lÌara ba kong lÌi shäryara eni. 6 Kjok ëre piktongshko ga Noé lÌu pjlÌoglÌo sak dbäw pjlÌoglÌo tjer (600). 7 Era eni ga opzrëno jem kjyong lÌi roy, ba boy, ba wapga, ba pjlÌaydoga tjok, shtẽya dirë lÌlÌëm wlÌo. 8 Ga öng uako wlÌeniyo, öng uako lÌlÌëm wlÌeniyo, äya kjlÌoshko so, sënwa, e öötong lÌöng ba shwoy, ga söra jem pjök pjök, wlÌëngglÌa kjlÌara kjlÌara, popga kjlÌara kjlÌara, lÌara Sbörë ba kong sorë lÌi eni. 10 Ãötong dbargwo kjäk (7) ga shunyo shrono, kjok ëre pir wlÌo. 11 Mok pjök, dbar sak kjwara kjingsho kjäk (17) dbaryo ga Noé lÌu pjlÌoglÌo sak dbäw pjlÌoglÌo tjer (600). E dbaryo ga opzrëno jem kjyong lÌi roy, ba boy, ba wapga, ba pjlÌaydoga tjok. Ãng, äya kjlÌoshko so, sënwa, e opzrëno jem lÌok pjök pjök kjyong lÌi roy ba tjok bakoe. Opzrëno jem wlÌëngglÌa kjlÌara kjlÌara, popga kjlÌara kjlÌara. LÌara Sbörë ba kong sorë lÌi shäryara eni. E irgo ga u bäng bängzara Jehovárë beno jong tuke. E dbaryo ga dlÌung kësbang buk kjok dorong lÌi dlÌoktong, tuktong kjone pogo. Kjok dogo ëmdë ga di börgak tjeng lÌi böptuktonge. Shunyo shrono pjang kjok ëre kjing go dbargwo sak pkëng (40), shkë dbae. Eshkoshko ga di jem poyong lÌlÌögong lÌlÌögong, ga kjyong lÌi beno buk di kjing wëng erä. 19 Di poyono ara, öötong dlÌup lÌlÌë lÌok kjok ëre kjing go kjókshko lÌi jnena beno drete. 20 E irgo ga dlÌup lÌlÌë jnena pjirshko ga di lÌi poyono jem, öötong wop orkwo jyãglÌo pjlÌoglÌo sak kjwara kjingsho shkëng (15). 21 Nopga lÌöng kjok ëre kjing go kës lÌi wolÌono eni. Ãng, äya kjlÌoshko so, sënwa, e lÌöng kjok ëre kjing go kës lÌi kjëtong eni bakoe. 22 LÌlÌëye lÌöng së kjok ëre kjing go, tjwlÌõ shrë wlÌeniyo, e kjëtong drete. 23 Gueniyo Noéra beno sök së, lÌöng kjyong lÌi roshko ba tjok bakoe. Epga eröe. LÌlÌamo pjitong dret, nopga, öng, äya kjlÌoshko so, sënwa bakoe. 24 Ga kjok ëre piktong beno eni, öötong dbargwo sak dbäw kjingsho sak shkëng (150).