Génesis 9

1 Eshko ga Sbö tjlÌẽno beno pjlÌú Noé, ba wapga kong bakoe. TjlÌẽ ga «Pjãy wapga wenzong ara, shdär ber lÌöng kjok kjwang jÄ©kong wlÌo. 2 Ãng kës, äya kjlÌoshko so kës, e ber bomi bangkjrë ara, dete erä, kjok dirko so, kjok ëre so, dlÌung roy so, e ber eni bakoe. E ber lÌöng ichaga pjãydë. 3 Dënashko ga lÌlÌëbo dguëy klÌung kjing botjyë wlÌeniyo, lÌlÌamo oblÌë oblÌë, e tworor bomi kong uëmi wlÌo. Eeri ga lÌlÌëbo lÌöng së, jëk lÌöng Ä©, e twër bomi kong. E ber bomi dlÌi bakoe. 4 Gueniyo lÌlÌëbo lÌöng së lÌi lÌaga ba srëngdë. E kjÄ©shko ga sjëngna srëng tjok, e uëy lÌlÌëme. 5 »Nopga shäryoror so tja kjoyoe. E kjÄ©shko ga ëye no zröno ga e shdungga tjarë, zröga äya kjlÌoshko sorë, zröga öng ushko sorë ëmdë ga e shdun eni bakoe. No zröga ërë ga e zröy. LÌër jlÌõkoyo ga eni. 7 »Gueniyo bomi kong ga pjãy wapga wenzong ara, shdär ber lÌöng kjok kjwang jÄ©kong wlÌo» lÌe. 8 Eshko ga tjlÌẽ ba kong obi ga 9 «¡Tja kuzÄ©a! TjlÌõkwo twër bomi kong, ber Ä©yado wlÌo. E twër bomi tjëyo tek ber bomi irgo lÌi kong bakoe. 10 E twër sënwa, öng, äya kjlÌoshko so, e ter söromi bomi tjok kjyong kësbang roy dwayo kës lÌi kong bakoe. 11 Eni ga tjlÌõkwo twër bomi kong, ber Ä©yado wlÌo. Di ichër kjok ëre kjing go, nopga, öng, äya kjlÌoshko so, e pjir uunkong wlÌo ame. Di ichër, kjok kjwang jÄ©kong pjir wlÌo ame bakoe. 12 TjlÌõkwo ëre twër bomi kong, öng, äya kjlÌoshko so uunkong kong, kjok kjwang jÄ©kong kong bakoe. E twër bomi kong, ber Ä©yado wlÌo. Bor donku ëre iër ber pjang kjok dogo. E ber pjang tjlÌõkwo ëre jyãglÌo. 14 Pjäng ichër Ä©mi wen pjang kjok dogo, ga donku wen pjang ba tjrëkoshko ga 15 woyoshrër ga tjlÌõkwo tworor bomi kong, öng, äya kjlÌoshko so uunkong kong ga shunyo ichër tjwe e kjoyo kjok pjikklÌo ame. 16 Donku wen pjang pjäng tjrëkoshko ga e Ä©n, ga tjlÌõkwo tworor nopga uunkong kong, öng, äya kjlÌoshko so uunkong kong lÌi woyoshrër eshko. 17 Donku, e ber pjang tjlÌõkwo ëre jyãglÌo. Ber eni» lÌe. 18 Noé wapga opshino kjyong kësbang roy dwayo lÌi, e Sem, Jafet, Cam. (Cam wa buk kjlÌara ko Canaán.) 19 Shji lÌöng kjok kjwang jÄ©kong kës ëre beno lÌöng Noé wapga mya lÌi, e tjëyo. 20 Noé beno shäng dwlÌa dgaga. Ga kjilÌlÌgwo bo dyo dbo ara shärye wlÌo ga kjilÌlÌgwo eniyo lÌi dwlÌayo dgara kjwöbö. KjilÌlÌgwo eniyo dgaga bäm lÌi e. 21 PjlÌara ga kjilÌlÌgwo bo dyo dbo ara lÌi iara, ga nelÌõtkonoe. Ga shwong skwono beno buk kjwor ba u shäryak öng kwota go lÌi roshko. 22 Eni ga Canaán data Cam, e opzrëno jek ba data u lÌi roshko, ga wlÌẽna, Ä©na buk nelÌõ, kjwor. Eshko ga opshino jek, ga roy lÌara ba shjiyga kong. 23 Eni ga Sem, Jafet, e kjinyoklÌo kjrono kara, iara lÌok ba dbopdo, ga jëktong kokso lÌëkong ba data buk lÌishko, ga kjingara e go. 24 Noé nelÌõ jenoshko ga wolÌlÌeno. LÌlÌëye shäryara ba wa iröng wlÌeniyorë lÌi miydarashko ga 25 tjlÌẽ ba kong ga «¡Bop wa Canaán, e äyoshtër! ¡E ber shäng bop shjiyga kjwe parkaga tjwlÌẽk shäng pjir wlÌeniyo!» lÌe. 26 Ga tjlÌẽ Jehová kong ga «Jehová, pja tjwlÌõ kësbange. Pja Sem Sbö. Canaán, e ber shäng ba parkaga tjwlÌẽk shäng pjir wlÌeniyo ga pjlÌúe. 27 Sbö, kjok twos tira lÌlÌëm Jafet kong. Ba tjëyoga ios ber lÌöng uunkong Sem tjok. Ga Canaán ios ber shäng ba parkaga tjwlÌẽk shäng pjir wlÌeniyo bakoe» lÌe. 28 Kjok piktong irgo ga Noé lÌu Ä©no pjlÌoglÌo sak dbäw pjlÌoglÌo mya kjingsho sak shkëng (350). 29 E lÌu Ä©no öötong sak dbäw pjlÌoglÌo shkaw kjingsho sak shkëngshko (950) ga wolÌonoe.