Hebreos 3

1 E kjÄ©shko ga pjeyoga, pjãy rokara Sbörë, iara beno tjeng dboy ba kong lÌi, Jesús woyotjlÌÄ©zÄ© Ä©yado. Ichara Sbörë ba tjlÌõkwo roy lÌë bi kong lÌi e. Syõshtaga Sbö kong bi kjÄ©shko kësbangyo lÌi e bakoe. Shji mär ba go lÌëy eni. 2 Jesús iara Sbörë beno shäng parkë ba kong, ga parkono pjlÌú, Moisés parkono pjlÌú Sbö nopga kong sorë ga eni. 3 Gueniyo Jesús, e tjwlÌõ ara, Moisés kjinmo, domer u shäryaga tjwlÌõ ara, u shäryara lÌi kjinmo wlÌeni. 4 U tjeng kës lÌi shäryaga tjok, gueniyo lÌlÌëbo tjeng kës lÌi shäryaga Sbörë. 5 Moisés parkono Sbö nopga kong pjlÌú, parkaga tjwlÌẽk shäng pjir wlÌeniyo dik. Eni ga lÌlÌëye shäryara lÌi beno lÌlÌëbo wen lÌlÌono lÌi jyãglÌo. 6 Gueniyo Cristo, e Sbö Wa, ga parkë shäng Sbö nopga ichaga. Tjawa tjlÌẽ ga shji mär ba go, ga koshëy Ä©yado lÌëy eni. Shäryëy eni jlÌõkoyo wlÌeni ga shji ber ba nopga, so u shäryara lÌi kjoyoe. 7 E kjÄ©shko ga Sbö Sëya tjlÌẽ ga «Eeri ga Sbö tjlÌõkwo kumi wlÌeni ga kjrozÄ©a. Bomi tjlÌapgaga tek dënashko so, Sbö kolÌara lÌok lÌlÌëm, lÌlÌëye kuya woydë lÌlÌëm bakoe. Pjãy opshäryë baÄ©ya dik lÌlÌëme. Epga lÌöng kjok dogro no lÌlÌëmshkoshko ga Sbö tjlÌÄ©na lÌok. 9 LÌlÌëbo shäryara Sbörë kës lÌi Ä©na lÌok öötong lÌu pjlÌoglÌo sak pkëng (40). Eni ëmdë ga Sbö tjlÌÄ©na lÌok ara. 10 E kjÄ©shko ga Sbö iirkono ara ba kong, ga tjlÌẽ ga “Jeno lÌöng Ä©yado, jëk lÌok woydë bor tjok lÌlÌëme” lÌe. 11 E kjÄ©shko ga Sbö iirkono ara ba kong, ga tjlÌẽ jlÌõkoyo ga “Epga äär lÌöng bor woshtozlÌong kjokyo lÌlÌëme”» lÌe. 12 ¡Pjeyoga, pjãy sjëke! Sbö, e sök Ä©yado. Eni ga lÌlÌëbo owa iëmi äär ber tjeng bomi pjlÌúshko lÌlÌëm, Sbö rayëmi lÌlÌëm wlÌo. 13 Dbar kjwobi go ga pjãy ëng kjimtos dbokjrë dey. Dbar kowëy «eeri» lÌi pjang obishko ga pjãy opshäryos eni, pjãy jyãpgwe lÌlÌëbo owa lÌirë lÌlÌëm wlÌo, Sbö rayëmi lÌlÌëm wlÌo. 14 Shji mär lÌöng Cristo go bäm go sorë ga woyde ga shji mär ber lÌöng ba go eni äär jong ba dbo go. Shäryoroy eni ga shji äär ber lÌöng ba tjok Ä©yado, 15 tak pjang Sbö tjlÌõkwo go sorë lÌi eni. TjlÌẽno beno eni: «Eeri ga Sbö tjlÌõkwo kumi wlÌeni ga kjrozÄ©a. Bomi tjlÌapgaga tek dënashko so, Sbö kolÌara lÌok lÌlÌëm, lÌlÌëye kuya woydë lÌlÌëm bakoe. Pjãy opshäryë baÄ©ya dik lÌlÌëme.» 16 ¿Nopga öör lÌöng Sbö tjlÌõkwo kuno, gueniyo kolÌara lÌok lÌlÌëm lÌi ë? Nopga shira Moisésdë tek Egipto kjokyo dwayo lÌi epga om go. 17 ¿Sbö iirkono öötong lÌu pjlÌoglÌo sak pkëng (40) lÌi ë kong? Nopga lÌlÌëbo owa shäryono, ga wolÌono tjeng kjok dogro no lÌlÌëmshko lÌi kong. 18 «¿Epga äär lÌöng bor woshtozlÌong kjokyo lÌlÌëme» lÌara Sbörë jlÌõkoyoshko ga ë lÌayde shäng? Nopga ba tjlÌõkwo kolÌono lÌlÌëm lÌi lÌayde. 19 Miydëy e go ga epga öötong lÌok lÌlÌëm, epga mär Sbö go lÌlÌëm kjÄ©shko.