Juan 21

1 E irgo ga Jesús weno shäng ba oppinggaga kong obi, di bäng buk kësbang, shkung, so dlÌung kjoyo ko Tiberias lÌi sor go. Shäryono eni. 2 Eshko ga lÌöng Simón Pedro, Tomás (e kowëba KjlÌö), Natanael (e Caná so, Caná kjokyo, e Galilea kjokyo obi), Zebedeo wapga do pjök, ba oppinggaga do pjök obi. 3 Ga Simón Pedro tjlÌẽ lÌlÌamo lÌöng lÌi kong ga «Tja to mã shak» lÌe. Kuya lÌok ga tjlÌẽ ba kong ga «Tjawa ëmdë ga jek bop tjok bebi» lÌe. Eni ga uunkong lÌi opyono lÌok jek kjyong roshko, gueniyo e shkëyo ga mã shano lÌlÌëme. 4 Wẽshko kjok shröngto ga Ä©ya lÌok ga Jesús weno shäng di bäng lÌi sor go, gueniyo e ë miyde lÌöng lÌlÌëme. 5 Eni ga Jesús tjlÌẽ ba kong lÌok dbo go ga «Pjeyoga, ¿mã sharomire?» «LÌlÌëme» lÌe lÌok ba kong. 6 Kuya ga tjlÌẽ ba kong lÌok ga «Bomi mã shakklÌo kjwe dbuzÄ© jer orkwo këlÌëkong, ga mã shami dani» lÌe. Kuya lÌok ga shäryara eni, ga ba shakklÌo lÌi poyõya ga ä, roshko mã ara kjÄ©shko. 7 Eshko ga Jesús oppingga woyde ara ba kjlÌara wlÌeni lÌi tjlÌẽ ga «¡TjlÌapga lÌi shängdo!» lÌe. Kuya Simón Pedrorë ga ba shwong kop lÌëkong skwara lÌunashko lÌi pjuna jekdo, ga optono jer dishko chuw erä. 8 Eshko ga kjyong lÌi buk këm di rong wop tjok. Eni ga lÌlÌamo lÌöng lÌi jek ba irgo kjyong lÌi go, mã shakklÌo roy mã tjung lÌi dopshiya jek öötong lÌöng pjöshko lÌëkong. Opshino lÌok kjyong lÌi roy dwayoshko ga Ä©ya lÌok ga iök jong kjrina ri ri, ga iökgwo lÌi kjing go mã buk kjlÌara, pjlÌung shosho suk pjir buk kjwara bakoe. 10 Eshko ga Jesús tjlÌẽ ba kong lÌok ga «Mã sharomi yẽ tek sözÄ© kjlÌöbö» lÌe. 11 Kuya Simón Pedrorë ga opyono kjyong lÌi roy, ga mã shakklÌo beno pjang di roshko lÌi dopshira jek öötong buk pjöshko. Roshko tjeng mã këskës doglÌo sak dbäw kjingsho sak shkëng kjingsho mya (153), eni ëmdë ga dwlÌëtong lÌlÌëme. 12 Eshko ga Jesús tjlÌẽ ba kong lÌok ga «Pjãy tek ië» lÌe. Miyde lÌok pjlÌú ga e TjlÌapga Jesús. E kjÄ©shko ga «¿Pja ë?» lÌe lÌok ba kong lÌlÌëme. 13 E irgo ga Jesús jek ba zlÌong bäng, ga pjlÌung shosho suk pjir lÌi kjrara, ga shdöra ba kong. Mã suk pjir lÌi kjrara, ga shdöra eni bakoe. 14 Jesús woshrara Sbörë iröng obi irgo ga weno ba oppinggaga kong e tjok ga öötong pjlÌoglÌo mya. 15 Iono lÌok pjir ga Jesús tjlÌẽ Simón Pedro kong ga «Simón, Juan wa, ¿tja woydaga ara lÌi ë? ¿E pjare?» «Ãng, TjlÌapga. Miydëp ga pja woydër» lÌe ba kong. Kuya ga tjlÌẽ ba kong ga «Eni ga bor tjlÌõkwo kjragaga dëp yõtso, öng wlÌẽp ushko so de ba dagarë sorë ga eni» lÌe. 16 Eshko ga Jesús tjlÌẽ ba kong obi ga «Simón, Juan wa, ¿tja woydëp ara jlÌõkoyore?» «Ãng, TjlÌapga. Miydëp ga pja woydër» lÌe ba kong. Kuya ga tjlÌẽ ba kong ga «Eni ga bor tjlÌõkwo kjragaga dëp, öng wlÌẽp ushko so de ba dagarë sorë ga eni» lÌe. 17 Era eni ga Jesús tjlÌẽno ba kong obi, öötong pjlÌoglÌo mya. TjlÌẽ ga «Simón, Juan wa, ¿tja woydëp jlÌõkoyore?» lÌe. Kuya ga woydë ara, kjakrokara ba kong pjlÌoglÌo mya kjÄ©shko. Eni ga tjlÌẽ ba kong ga «TjlÌapga, lÌlÌëbo tjeng kës lÌi miydëp shäng pjlÌúe. Miydëp ga pja woydër» lÌe. Kuya ga tjlÌẽ ba kong ga «Eni ga bor tjlÌõkwo kjragaga dëp, öng wlÌẽp ushko so de ba dagarë sorë ga eni. 18 LÌër bop kong jlÌõkoyo ga dënashko ga pja mite obishko ga pja opdoyë tjoksa, pja jek äär woydëp kjone lÌishko. Gueniyo lÌlÌono ga pja öötong këguë ga pja orkwo ië ber lÌok bek, pja doyëba wlÌo, ga pja sökoba jek äär woydëp kjone lÌlÌëm lÌishko» lÌe. 19 LÌara eni lÌi, e Pedro wolÌon sorë lÌi lÌoklÌo, ga Sbö ber kësbang, tjwlÌõ ara e kjÄ©shko. Eshko ga Jesús tjlÌẽ ba kong ga «Tja rayëp lÌlÌëme. Tja opshäryono sorë ga pja opshäryë eni bakoe» lÌe. 20 Eshko ga Pedro bojono iröng, ga Ä©ya ga Jesús oppingga woyde Jesúsdë ara ba kjlÌara wlÌeni lÌi tek shäng ba irgo. (Dënashko ga lÌöng iëshko ga «TjlÌapga, ¿pja soynega lÌi ë?» lÌaga Jesús kong ba kwomsoshko lÌi e.) 21 Ĩya Pedrorë ga tjlÌẽ Jesús kong ga «TjlÌapga, ¿e ga kjwe, lÌlÌëye shäryëba ba tjok?» 22 «Woydër ga kjwe ber shäng, tja tjwe iröng obi guing wlÌeni ga wẽyẽ, e miydaga ber tjarë. Tja rayëp lÌlÌëme. Tja opshäryono sorë ga pja opshäryë eni bakoe» lÌe. 23 E kjÄ©shko ga roy shdöktong Jesús tjlÌõkwo kjragaga uunkong kong ga domer lÌara lÌi beno wolÌon lÌlÌëm wlÌo lÌe. Gueniyo lÌara Jesúsdë eni lÌlÌëme. TjlÌẽno ga «Woydër ga kjwe ber shäng, tja tjwe iröng obi guing wlÌeni ga wẽyẽ, e miydaga ber tjarë» lÌara eni eröe. 24 Ba oppingga lÌër shäng lÌi, e tja. Ãre Ä©nor om go, ga tër shäng om go bakoe. Miydëba ga tja tjlÌẽ beke. 25 LÌlÌëbo shäryara Jesúsdë ara obi oblÌë oblÌëe. Toroy uunkong wlÌeni ga kjok kjwang jÄ©kong dlÌino jong kjibokwo sho eröe.