Lucas 23

1 E irgo ga lÌöng eshko lÌi kojono uunkong, ga Jesús söra lÌok, jek öötong lÌöng Pilato bokshto. 2 Eshko ga rote lÌöng ara. TjlÌẽ ga «Domer kjwe wlÌẽnorwa shäng oba shdök ara kjok kjwang jÄ©kong. Oba pÄ©ya shäng kä potjwlÌẽk pjlÌu kësbangyo sök Roma kjokyo lÌi kong lÌlÌëme lÌe eni. TjlÌẽ obi ga “No pjlÌuyo ichara Sbörë shrono shäng lÌi, e tja” lÌe eni bakoe» lÌe. 3 Eni ga Pilato tjlÌẽ ba kong ga «¿Judío pjlÌuyo lÌi pjare?» «LÌëp sök om go lÌiro» lÌe ba kong. 4 Eni ga Pilato tjlÌẽ syõshtaga kägäyoga kong, nopga tjeng ara lÌi kong ga «Domer ëre bor kong ga lÌlÌëye owa shäryara ber shdungko wlÌo drete» lÌe. 5 Gueniyo tjlÌẽ lÌok jek obi ga «TjlÌõkwo lÌe shäng lÌi go ga oba shdöya ara Judea kjokyo kjok kjwang jÄ©kong. Soyara tek shäng Galilea kjokyo dwayo, era eni tjok ga shrono shäng jÅ©shko bakoe» lÌe. 6 Kuya ga tjlÌẽ ba kong ga «¿Domer ëre Galilea sore?» 7 «Ãng» lÌe lÌok ba kong. Eni ga ichara Pilatorë jek Herodes shwoy, e Galilea so pjlÌuyo kjÄ©shko. Ey dbaryo ga Herodes sök Jerusalén kjokyo. 8 Eni ga söra lÌok, jek öötong shäng ba bokshto ga Herodes beno wopjlÌú anmoyõ. Jesús, e lÌanyotkëba ara lÌi kura tek kjupäbäshko, ga Ä©ya woydë, lÌlÌëbo Ä©ydëba lÌlÌëm wlÌeniyo pÄ©ya ba kong wlÌo. 9 E kjÄ©shko ga kong lÌlÌëbo kjakrokara ara, gueniyo dboryara lÌlÌëme. 10 Syõshtaga kägäyoga, no pinggaga kjok lÌlÌgwekklÌo tara Moisésdë lÌi go, e lÌöng eshko bakoe. Ga rotara lÌok ara iir go. 11 Eshko ga joywara Herodesdë ara. Ba ëngkjwagaga omshäryono eni bakoe. Doyara lÌok shwong tjwlÌõ ara go, pjlÌu shwongyo dik, joywe lÌok wlÌo, ga ichara jek iröng obi Pilato shwoy. 12 Ey dbaryo ga Herodes, Pilato, e opyono beno lÌöng wopjlÌú ëng tjok. Bäm go ga lÌöng iirkë ëng tjok erä. 13 E irgo ga nopga rokara Pilatorë uunkong tek ba shwoy, syõshtaga kägäyoga, no ichagaga, e tjok. 14 Töna lÌöng pjir ga tjlÌẽ ba kong ga «Domer ëre söromi shäng bor bokshto, oba shdöya ara kjÄ©shko lÌëmi. E kjÄ©shko ga lÌlÌëbo kjakrokoror ba kong ara bomi bokshto, gueniyo rotëmi lÌöng lÌi, e bor kong ga lÌlÌëye drete. 15 Herodes kong ga lÌlÌëye dret bakoe. Ichara shrono shäng bi kong iröng obi e kjÄ©shko. Miydër pjlÌú ga lÌlÌëye owa shäryara ber zrökko wlÌo drete. 16 E kjÄ©shko ga shdun. E irgo ga rayër toe» lÌe. 18 Kuya lÌok ga öö lÌe lÌok uunkong, tjlÌẽ Pilato kong ga «¡Domer kjwe zrözong! ¡Barrabás döpdë borwa kong dey!» lÌe. 19 (Domer lÌe lÌöng lÌi, e bängzak shäng no shdÅ©zlÌong uyo roshko. Dënashko ga ba pjlÌu, e woyde lÌlÌëme. E kjÄ©shko ga ëng töno oblÌë tjok kjlÌöbö, ga ëngkjwono lÌok pjlÌu nopga tjok, ga nopga zröra lÌok. E kjÄ©shko ga bängzak shäng eshko.) 20 Jesús döya woydë Pilatorë, ga tjlÌẽno nopga lÌöng lÌi kong jek obi. 21 Gueniyo öö lÌe lÌok uunkong, tjlÌẽ ba kong ga «¡Zrös pjang kjlÌös go! ¡Zrös pjang kjlÌös go!» lÌe lÌok eni. 22 Eni ga Pilato tjlÌẽno ba kong jek pjlÌara obi, öötong pjlÌoglÌo mya. TjlÌẽ ga «¿LÌlÌë kjÄ©y? LÌlÌëbo owa shäryara lÌi lÌozÄ© bor kong. LÌlÌëye wlÌẽnor ba go owa ber zrökko wlÌo drete. E kjÄ©shko ga shdun. E irgo ga rayër toe» lÌe. 23 Kuya ga öö lÌe lÌok jek tjë jÄ©kong, Jesús iche zröya lÌok pjang kjlÌös go wlÌo. Eni ga nopga lÌöng lÌi wlÌẽpyotke Pilatorë ga ä kuzong ga wotjlÌÄ©no oblÌë, lÌlÌëye woyde lÌok lÌi shäryara ba kong eni. 25 Eni ga domer bängzak shäng no shdÅ©zlÌong uyo roshko lÌara lÌok lÌi döra, ga Jesúsda twara ba ëngkjwagaga kong, lÌlÌëye woydara nopgarë ba kong lÌi shärye lÌok ba kong wlÌo. 26 Jesús söya lÌok jek zröya pjang kjlÌös go wlÌo wopro ga domer tek shäng kjlÌara ko Simón, e Cirene so. Tek shäng iröng ba kjokshko dwayo ga shara ëngkjwagaga jek lÌöng lÌirë, ga ichara lÌok dbo go Jesús kjlÌös lÌi sök ba irgo. 27 Oba jëk lÌöng ara ba irgo, tjrëko walÌëga lÌöng ara, slÌar ara ba kjÄ©shko. 28 Ĩya Jesúsdë bojono iröng, ga tjlÌẽ ba kong ga «WalÌëga Jerusalén so, pjãy slÌar bor kjÄ©shko lÌlÌëme. Pjãy slÌar bomi kjÄ©shko dey, bomi wapga kjÄ©shko bakoe. 29 LÌlÌono ga oba tjlÌẽ ga “WalÌëga kjrong, wapga lÌlÌëm wlÌeniyo, lÌöng wopjlÌú lÌi epga” lÌëba eni. 30 Ey dbaryo ga nopga tjlÌẽ dlÌup tjeng lÌi kong ga »“Pjãy lÌon ter borwa kjing go, tjawa jek jëktëng ber dret wlÌo” lÌe eni. 31 ¿Shäryëba eni kjor kësong kong ga lÌlÌëye wen kjor dogro lÌi kong?» lÌe. 32 Eshko ga domerga owa wlÌeniyo söra tjeng do pjök, zröya lÌok Jesús tjok wlÌo. 33 Ga öötong lÌöng kjokyo ko No Kä DboglÌo dlÌupyoshko ga Jesús lÌöra lÌok pjang kjlÌös go, domerga do pjök lÌi tjok, kjlÌara pjang or këlÌë, kjlÌara pjang or milÌë, kjlÌösyo dboy dboye. 34 Eshko ga Jesús tjlÌẽ ga «Data, lÌlÌë shäryayde miyde lÌöng lÌlÌëme. E kjÄ©shko ga lÌlÌëbo owa shärye lÌöng ëre lÌöÌs ba kong ber drete» lÌe. Eshko ga ëngkjwagaga tjeng lÌi tjöto lÌok lÌlÌëbo jyãglÌo go, Jesús shwong lÌi ber ë kong Ä©ya lÌok wlÌo. 35 Nopga lÌöng ara eshko ba Ä©k. No ichagaga lÌöng lÌi omlÌãywono lÌok owa ara, tjlÌẽ ga «Oba oblÌëra döra, eeri ga woyde ga opdök om go. TjlÌẽno ga no pjlÌuyo ichara Sbörë shrono shäng lÌi e lÌara, e kjraga Sbörë om go lÌara eni bakoe. LÌara eni lÌi jlÌõ wlÌeni ga woyde ga opdök om go» lÌe lÌok eni. 36 Ãngkjwagaga lÌöng lÌi omjoywono lÌok bakoe. KjilÌlÌgwo bo dyo shpoä twara lÌok ba kong ie wlÌo, joywe lÌok wlÌo. 37 Ga tjlÌẽ lÌok ba kong ga «Pja judío pjlÌuyo jlÌõ wlÌeni ga pja opdös om go» lÌe. 38 Ga Jesús lÌök pjangshko lÌi kopshko, kjibokwo iak pjang kjwara, e zröya lÌok lÌlÌë kjÄ©y miydëba wlÌo. Kjibokwo tak pjang lÌi tjlÌẽ ga «Domer ëre, e judío pjlÌuyo.» 39 Domerga owa wlÌeniyo lÌök lÌok ba tjok kjlÌara omlÌãywono eni bakoe. TjlÌẽ ga «¿No pjlÌuyo ichara Sbörë shrono shäng lÌi, e pja lÌlÌëmdo? Pja opdös om go, ga tjawa dös eni bakoe» lÌe. 40 Gueniyo kuya ba kjlÌara pjang lÌirë ga tjlÌẽ ba kong ga «¿Pja Sbö bangkjrë lÌlÌëmdo? ¿Pja shdungoba ba tjok bek lÌlÌëmdo? 41 Shjira lÌlÌëbo owa shäryono jlÌõkoyo, shji shdungoba wlÌo. Gueniyo domer kjwera, lÌlÌëye owa shäryara lÌlÌëme» lÌe. 42 Eshko ga tjlÌẽ Jesús kong ga «Pja äär ber sök no pjlÌuyoshko ga tja woyoshrëba» lÌe. 43 Kuya ga tjlÌẽ ba kong ga «LÌër bop kong jlÌõkoyo ga eeri dö ga pja ber sök bor tjok kjok ko Paraíso lÌishko» lÌe. 44 Ãötong dlÌo dlÌuw bek ga kjok ro zoktong kjok kjwang jÄ©kong beno yẽt erä. Beno eni äär jong dlÌo pjö lÌë wlÌeni. Eshko ga Sbö u roshko ga shwong kësbang iak pjang eshko lÌi dwlÌëtong ter aas beno kjring pjök. 46 Ga Jesús tjlÌẽno dbo go, tjlÌẽ ga «Data, bor sëya ëre iër ber tjeng bop wlÌoshko» lÌe, ga wolÌonoe. 47 LÌök pjang kjlÌös go lÌi bokshto ga ëngkjwaga Roma so lÌi kägäyo shäng eshko kjlÌara. LÌlÌëbo weno lÌi Ä©ya ga Sbö poshrëra, ga tjlÌẽ ga «Shinmo lÌök pjang kjlÌös go kjwe, e pjlÌo bek jlÌõe» lÌe. 48 Ĩya nopga lÌöng eshko lÌirë ga to iröng ba ushko pjlÌú kjing shpok, woydë ara kjÄ©shko. 49 Gueniyo nopga Jesús miydë pjlÌú wlÌeniyo lÌi beno tjeng lÌlÌëbo tjeng kës ëre Ä©k pjola sit, walÌëga tek tjeng Galilea kjokyo dwayo Jesús tjok lÌi tjok. 50 Eshko ga domer shäng kjlÌara ko José. E Arimatea so. E wotjlÌÄ©k pjlÌú, pjlÌo bek Sbö bokso. Sbö ber no pjlÌuyo dbaryo lÌi koshe sök bakoe. Domer lÌi Judío Kjok LÌlÌgwegaga Këskësyo kjlÌarayo, gueniyo lÌlÌëye shäryara lÌok Jesús kong lÌi woydara lÌlÌëm, ba kong ga beno bëy lÌlÌëme. 52 Jesús wolÌono irgo ga domer lÌi jek öötong shäng Pilato shwoy, ga Jesús doyo rokara ba kong, jneya wlÌo. 53 E irgo ga jek öötong shäng shinmo lÌök pjang kjlÌös go lÌishko. Eshko ga doyo lÌi lÌona ter töshko, popgara shwong ko pjlÌublÌún, pjlÌú wlÌeniyo go, ga söra jek sakshko. Eshko ga iara beno buk pjlÌëbgwo kak jong guëmkwota roshko. Eshko ga ëye iaydëba lÌlÌëm obi. 54 Dbar eshko ga poshäryozlÌong dbaryo lÌi ey. Eshko ga woshtozlÌong dbaryo lÌi dlÌoyo ääto, kjok sëng tjän. 55 WalÌëga tek tjeng Galilea kjokyo dwayo Jesús tjok lÌi jek lÌöng José irgo, ga shinmo doyo iara beno buk sakshko sorë lÌi, e Ä©na lÌok pjire. 56 E irgo ga jek öötong lÌöng ushko, poshtikklÌo lÌlÌë lÌõ pjlÌëblÌë wlÌeniyo, e shäryë, shinmo doyo poshtik e go wlÌo lÌara. Gueniyo shäryayde pjitë lÌlÌëm obishko ga woshtozlÌong dbaryo lÌi öötonge. E kjÄ©shko ga woshtono lÌok, tak pjang kjok lÌlÌgwekklÌo tara Moisésdë go sorë lÌi eni.