Mateo 16

1 Eshko ga fariseoga, saduceoga, e tek shrono lÌöng Jesús shwoy, ba tjlÌÄ©k wlÌo. TjlÌẽ ga «LÌlÌëbo Ä©ydëba lÌlÌëm wlÌeniyo shäryos borwa kong kjrina, pja ichaga Sbörë jlÌõre miydërwa e go wlÌo» lÌe. 2 Kuya ga tjlÌẽ ba kong ga «Ĩmi kjok sëng ga kjok dogo srëzrëÌn ga bong ga kjok pjlÌúe lÌëmi. 3 Ĩmi kjok shröngto ga kjok dogo srëzrëÌn, pjäng sho ara ga eeri ga kjok owa lÌëmi. Eni ga lÌlÌëbo wen kjok dogo, e lÌlÌë lÌoklÌo miydëmi pjlÌúe. ¿Eni ga lÌlÌëbo shärye Sbörë eerishko dbaryo lÌi, e lÌlÌë lÌoklÌo miydëmi lÌlÌëm sorëro? 4 Eerishko dbaryo sopga, pjãy owa. Pjãy so domer orkwosmok shäng pjir, gueniyo jëk shäng walÌë oblÌë tjok kjoyoe. Woydëmi ga lÌlÌëbo jyãglÌo shäryër bomi kong, gueniyo shäryër lÌlÌëm, Sbö tjlÌõkwo lÌaga Jonás, e jyãglÌo shäryotë bomi kong eröe» lÌe. 5 E irgo ga Jesús oppinggaga dipzono tek shrono lÌöng di bäng buk kësbang lÌi kjwo na lÌëkong ga pjlÌung shosho suk pjir söra lÌok lÌlÌëme. 6 Eshko ga Jesús tjlÌẽ ba kong ga «Pjãy sjëk, fariseoga, saduceoga, ba pjlÌung shosho uukklÌo wlÌe tjok» lÌe. 7 Kuya lÌok ga tjlÌẽ ëng kong ga «Shji pjlÌung shosho suk pjir söno lÌlÌëme. LÌe shäng bi kong eni e kjÄ©shko» lÌe. 8 TjlÌẽ lÌöng ëng tjok lÌlÌë lÌi miydara Jesúsdë kuzong ga tjlÌẽ ba kong ga «¿“Shji pjlÌung shosho suk pjir söno lÌlÌëme” lÌëmi ega? ¿Pjãy mär bor go jlÌõkoyo lÌlÌëm ega? 9 ¿Bor tjlÌõkwo lÌi lÌlÌë lÌoklÌo miydomirë lÌlÌëm obire? ¿Domerga sënor doglÌo sak dbäw dbäw pjlÌoglÌo shkëng (5,000), pjlÌung shosho suk pjir kjwo shkëng (5) goshko ga dlÌi beno obi tönomi shingyo kjwobi woyo bomi kong lÌlÌëmdo? 10 ¿Domerga sënor doglÌo sak dbäw dbäw pjlÌoglÌo pkëng (4,000), pjlÌung shosho suk pjir kjwo kjäk (7) goshko ga dlÌi beno obi tönomi shingyo kjwobi woyo bomi kong lÌlÌëm bakoro? 11 ¿Tja tjlÌẽ shäng pjlÌung shosho suk pjir kjÄ©shko lÌlÌëm lÌi miydëmi lÌlÌëm sorë? Pjãy sjëk fariseoga, saduceoga, ba pjlÌung shosho uukklÌo wlÌe tjok» lÌe. 12 Eshko ga miydara lÌok ga Jesús shäng tjlÌẽ lÌi, e pjlÌung shosho uukklÌo lÌayde lÌlÌëme. No pÄ©ya fariseoga, saduceogarë lÌöng sorë, e lÌayde shäng. 13 Jesús jek öötong Filipo Cesarea kjokyo ga tjlÌẽ ba oppinggaga kong ga «¿No to ter kjok dogo dwayo ëre, e ë lÌëba?» lÌe. 14 Kuya lÌok ga tjlÌẽ ba kong ga «No kjone kjone tjlÌẽ ga pja Juan No Waga lÌi woshrokdo lÌe. Kjone kjone tjlÌẽ ga pja Sbö tjlÌõkwo lÌaga tek dënashko so Elías lÌi tjwayde shäng lÌe. Kjone kjone tjlÌẽ ga pja Sbö tjlÌõkwo lÌaga tek dënashko so Jeremías lÌi woshrokdo lÌe. Kjone kjone obi tjlÌẽ ga pja Sbö tjlÌõkwo lÌagaga tek dënashko so kjlÌara lÌi woshrokdo lÌe» lÌe lÌok ba kong eni. 15 Kuya ga tjlÌẽ ba kong ga «E ga pjãy e, ¿tja ë lÌëmi?» lÌe. 16 Kuya Simón Pedrorë ga tjlÌẽ ba kong ga «No pjlÌuyo ichara Sbörë shrono shäng lÌi, e pja. Pja Sbö Sök Ĩyado lÌi Wa jlÌõe» lÌe. 17 Kuya ga tjlÌẽ ba kong ga «Simón, Jonás wa, pja tjlÌẽno lÌi lÌaga norë bop kong lÌlÌëm, lÌaga bor Data sök kjok dogo lÌirë bop kong. E kjÄ©shko ga pja ber wopjlÌúe. 18 LÌër bop kong ga pja kowër Pedro. Oba u ywë wlÌo ga ak kjang iëba bäm go, ber ba shakklÌo wlÌo. Eni ga nopga tjëyo shäryër kjrina bor tjlÌõkwo kjragaga kjlÌobi lÌi go, so u kjoyo, ga ak lÌër lÌi, e ber u lÌi shakklÌo wlÌeni. Tjëyo lÌi zãya Ãrë ga äe. 19 Ga pja kong dbo twër, pja ber Sbö nopga bapshiga wlÌo. Ba nopga ichëp sorë kjok ëre kjing go ga epga iche Sbörë kjok dogo eni bakoe» lÌe. 20 E irgo ga tjlÌẽ ba oppinggaga kong obi ga «No pjlÌuyo ichara Sbörë shrono shäng lÌi, e tja lÌëmi ë kong lÌlÌëme» lÌe. 21 Eshko jek lÌëkong ga Jesús tjlÌẽ ba oppinggaga kong ga «Tja jongya Jerusalén kjokyo. Eshko ga judío tjlÌapgaga kjok lÌlÌgwega wlÌeniyo, syõshtaga kägäyoga, no pinggaga kjok lÌlÌgwekklÌo tara Moisésdë lÌi go, tja shdÅ©ya lÌok ara, ga tja zrökoba, gueniyo äär dbargwo mya ga tja woshre Sbörë iröng obi» lÌe. 22 Eni ga rokara Pedrorë tjoksa, ga tjlÌẽ ba kong ga «¡TjlÌapga, woydër ga e wen bop kong eni lÌlÌëme!» lÌe. 23 Gueniyo ga Jesús bojono Pedro shwo lÌëkong, ga tjlÌẽ ba kong ga «¡Ã, pja opkjos bor zlÌong dwayo! Tja ichëp woydë dir eröe. LÌlÌëye woyde Sbörë lÌi woyotjlÌÄ©p shäng lÌlÌëme. LÌlÌëye woyde norë lÌi woyotjlÌÄ©pdë shäng eröe» lÌe. 24 Eshko ga tjlÌẽ ba oppinggaga kong ga «Ãye jëk woydë bor tjok jlÌõkoyo ga ber shäng bor woyotjlÌÄ©k Ä©yado, wotjlÌÄ©k lÌlÌëbo shäryë kjok ëre kjing goshko ame bakoe. Bor kjÄ©shko ga lÌlÌëye shäryëba ba kong lÌlÌë pogoshko lÌi, e zrökoba ëmdë ga e ba kong ga lÌlÌëye lÌlÌëme. 25 Ãye wotjlÌÄ©k opdë om go, zrökoba bor kjÄ©shko lÌlÌëm wlÌo lÌe ga äär kjok dogo lÌlÌëme. Gueniyo ëye jëk bor tjok jlÌõkoyo, e zröraba bor kjÄ©shko ëmdë ga era ber sök së Ä©yado kjok dogo. 26 Ãye lÌlÌëbo tjeng kjok ëre kjing go kës lÌi kjrara tjeng ba wlÌoy ëmdë ga e lÌlÌëno lÌlÌëme. WolÌono ga öötong kjok dogo lÌlÌëm ga to jeno ba lÌlÌëbo lÌi tjok. 27 »No to ter kjok dogo dwayo ëre tjwe bor Data dbo kãlÌã goshko, bor parkagaga kjok dogo so tjok. Eshko ga no kjlÌara kjlÌara potjwlÌẽn, lÌlÌëbo shäryara dö lÌi kjÄ©shko. 28 LÌër bomi kong jlÌõkoyo ga pjãy kjone kjone lÌöng ëreshko wolÌontë lÌlÌëm obishko ga tja ber no pjlÌuyo sorë lÌi Ä©mi wẽlÌëe» lÌe.