Mateo 8

1 E irgo ga Jesús oplÌono jer dlÌup dwayoshko, ga nopga to jer ara ba tjok. 2 Eshko ga domer shrono shäng Jesús shwoy. Domer lÌi poglÌo go swlÌo ara, sho an do jÄ©kong. Ãötong shäng Jesús zlÌong bäng ga kjök tono ba bokshto, tjlÌẽ ba kong ga «TjlÌapga, tja poptëp woydë ga tja poptëp ga pjlÌúe» lÌe. 3 Kuya ga porwara ba orkwo go, ga tjlÌẽ ba kong ga «Pja poptër woydë. Pja ber pjlÌú shara» lÌe. Jekdo eshko ga domer lÌi poptono, beno pjlÌúe. 4 Eshko ga Jesús tjlÌẽ ba kong ga «Tja kuzong. Pja poptoror lÌëp ë kong lÌlÌëme. Pja nom opping syõshtaga Sbö kong nopga kjÄ©shko lÌi kong, pja Ä©ya wlÌo eröe. Sbö sëngglÌo lÌara Moisésdë lÌi söp, twëp ba kong, pja poptono miydëba wlÌo» lÌe. 5 E irgo ga Jesús opzrëno jek öötong shäng Capernaúm kjokyo. Domer Roma so shäng kjlÌara eshko, e ëngkjwagaga ara kägäyo. E tek shrono shäng Jesús zlÌong bäng ga tjlÌẽ ba kong ga 6 «TjlÌapga, bor parkaga buk swlÌo ara bor ushko. Dre kuga lÌlÌëm, doyo bang ara» lÌe. 7 Kuya ga tjlÌẽ ba kong ga «Enira tja jek ba poptë» lÌe. 8 Kuya ga tjlÌẽ ba kong ga «TjlÌapga, tja lÌlÌëno lÌlÌëm, tjwlÌõ lÌlÌëm, pja opzrëk tek bor u roshko wlÌo. Bor parkaga poptë lÌëp erö ga poptë dani. 9 Tja kägäyo tjok. LÌlÌëye lÌe bor kong lÌi shäryër eni Ä©yado. Tja ëngkjwagaga ara kägäyo. LÌlÌëye lÌër ba kong lÌi shärye lÌok eni Ä©yado bakoe. “Pja nomo” lÌër kjlÌara kong ga toe. “Pja tegö” lÌër kjlÌara kong ga teke. Bor parkaga tjwlÌẽk shäng pjir wlÌeniyo ichër lÌlÌëbo shäryë ga shärye eni» lÌe. 10 Kuya ga beno shäng yëy lÌe erä, ga tjlÌẽ nopga jëk lÌöng ba tjok lÌi kong ga «LÌër bomi kong jlÌõkoyo ga domer ëre mär bor go jlÌõkoyo, Israel tjëyoga uunkong kjinmo. 11 LÌër bomi kong ga nopga judío lÌlÌëm wlÌeniyo tjwe ara lÌlÌaw pogo dwayo, äär lÌöng ië Abraham, Isaac, Jacob tjok, Sbö sök no pjlÌuyo Ä©yado lÌishko. 12 Judíogara, epga uunkong äär lÌöng eshko wlÌo. Gueniyo kjone kjone dbuya ber tjeng kjoko, kjok ro sÄ© roshko, ber tjeng slÌar eshko, kowo uë, lÌlÌëbo bang ara ba kong kjÄ©shko» lÌe. 13 Eshko ga tjlÌẽ ëngkjwaga kägäyo lÌi kong ga «Pja nom bop ushko. WoyotjlÌÄ©nop sorë ga shäryoror bop kong eni» lÌe, ga ba parkaga lÌi poptono jekdo eshko. 14 E irgo ga Jesús jek öötong shäng Pedro ushko ga ba ëm wlÌẽna buk ba bukklÌo kjing go, kjlÌirkono buk träk lÌlÌëme. 15 Eshko ga ba orkwo porwara, ga kjlÌik lÌi zenoe. Eni ga walÌë lÌi kojono, ga dlÌi shäryono ba kong. 16 Jek kjok ro zar ga nopga goshko à sëyaga söraba ara Jesús kong. Ga Jesús tjlÌẽno ba kong dö ga à sëyaga lÌi to lÌok ba go dwayo. SwlÌopga lÌöng kjlÌobi lÌi poptara bakoe. 17 Shäryono eni, tjlÌõkwo lÌara TjlÌapgarë ba tjlÌõkwo lÌaga tek dënashko so Isaías kong lÌi ber jlÌõkoyo wlÌo. TjlÌẽno beno eni: «Shji döra bi swlÌo tjeng kës lÌi dbo dorko dwayo.» 18 E irgo ga Ä©ya Jesúsdë ga oba tjwe tön ara shäng lÌishko ga ba oppinggaga ichara dipzë jek di bäng buk kësbang lÌi kjwo kalÌëkong. 19 Eshko ga no pingga kjok lÌlÌgwekklÌo tara Moisésdë go lÌi tek shäng ba zlÌong bäng kjlÌara ga tjlÌẽ ba kong ga «TjlÌapga no pingga, woydër ga pja jek kjone ga tja jek bop tjok eshko» lÌe. 20 Kuya ga tjlÌẽ ba kong ga «Shjiti kjlÌoshko so, e pë klÌung bäng. Sënwa, e pë ba usho roy. Gueniyo no to ter kjok dogo dwayo ërera woshtozlÌong shtoyo drete» lÌe. 21 E irgo ga Jesús oppingga kjlÌara tjlÌẽ ba kong ga «TjlÌapga, tja ichos jek bor data ushko sira. Bor data wolÌono, jnenor sakshko pjir ga tja tekdo iröng bop tjok» lÌe. 22 Kuya ga tjlÌẽ ba kong ga «Pja tek bor tjok, pja pin wlÌo dey. Shinmoga ber tjeng ëng jnek wẽyẽ» lÌe. 23 E irgo ga Jesús opyono kjyong roshko ba oppinggaga tjok, ga toe. 24 E irgo ga pjlÌuk tjwe jong träk lÌlÌëm, dbo ara di bäng buk kësbang lÌi kjing go. Di iõya ara, ga kjyong lÌi pir sek seke. Gueniyo Jesús bë buk pëe. 25 Eni ga ba oppinggaga jek lÌöng ba wolÌlÌeng, ga tjlÌẽ ba kong ga «¡TjlÌapga, tjawa kjimtozong, tjawa shten lÌlÌëm wlÌo!» lÌe. 26 Kuya ga tjlÌẽ ba kong ga «¿Bangkjrëmi ega? Pjãy lÌöng mär bor go jlÌõkoyo lÌlÌëme» lÌe. E irgo ga kojono, ga pjlÌuk, di iõya, e wlÌona, ga beno tjeng tjëkso. 27 Eni ga epga beno lÌöng yëy lÌe erä. Ga tjlÌẽ lÌok ëng kong ga «¿Domer kjwe ëro? ĨzÄ©a. TjlÌẽno pjlÌuk, di iõya lÌi kong ga kolÌe pjlÌúe» lÌe. 28 Jesús, ba oppinggaga, e dipzono jek öötong lÌöng di bäng buk kësbang lÌi kjwo kalÌëkong, Gadara kjokyo. Eshko ga domerga goshko à sëyaga lÌöng do pjök. Epga iir äya kjlÌoshko so wlÌeni. E kjÄ©shko ga ëye jëk irbo e go lÌlÌëme. Eshko ga domerga lÌi opshino tek sakshko dwayo, tjwe lÌöng Jesús zlÌong bäng ga 29 tjlÌẽ ba kong dbo go ga «Sbö Wa, ¿pja tek shäng borwa barwë ega? ¿Pja to tek ëreshko borwa shdung wlÌore? Borwa shdÅ©zlÌong dbaryo lÌi äätë lÌlÌëm obi» lÌe. 30 Epga lÌöng lÌishko soshko ga köchi tjeng träk lÌlÌëm, ië. 31 Eni ga à sëyaga lÌi tjlÌẽ ba kong ga «Rokërwa bop kong sira ga tjawa ichëp domerga pjök ëre rayë wlÌo wlÌeni ga tjawa ichos jek köchi tjeng kjwe go» lÌe. 32 Kuya ga tjlÌẽ ba kong ga «Pjãy nomo» lÌe. Ga à sëyaga lÌi opkjono to lÌok domerga lÌi go dwayo, jek lÌok köchi lÌi go shara. Wop eni lÌlÌëm ga köchi tjeng lÌi zrono jer ri ri dlÌup poglÌo go, optono lÌok jer uunkong di bäng buk kësbang lÌi roshko, ga shteno lÌok dret eshko. 33 Eni ga köchi dagaga tjeng lÌi töktong jek ey dwayo, ga öötong lÌöng nopga lÌöngshko ga lÌlÌëye Ä©na domerga goshko à sëyaga tjok lÌi roy lÌara nopga kong pjire. 34 Eni ga nopga lÌöng eshko lÌi opshino jek lÌok uunkong, ga öötong lÌöng Jesús shäng lÌishko ga tjlÌẽ ba kong ga «Rokërwa bop kong sira ga pja opshis kjok ëreshko dwayo» lÌe.