1 Corinthians 12

1 Ale nakerihi, la vorai peresi na vevorai, enau na opoia vara ha mera na hinau sei Tanumen God mo lo silera. 2 Ka levosahia vara hin pongi atu ka lo toho na rÌorÌoha, suihan Tiapolo mo lo tikauleji kamim usuri na malele mo tiroman kamim ka vano isana tamasi mengo. 3 Matan haratu, na opoi vara ha levosahia vara mo sopo te tamlohi mo lo reti na suihan Tanumen God, i erÌi verea hin te rani vara, “Na lesati hin KrÌisto!” Moiso i sopo tea i erÌi verea, i vara “Iesu enia Moli!” vara Tanume Tapu mo sopo toho isana. 4 Ale, otori tinatinapua matuvana la lo toho, pani pulora matelete purongo, enia Tanume Tapu. 5 Ale vavahinau mata tuetueni tinatinapua matuvana, pani Moli matelete purongo; 6 ale malele mata vavahinau tinatinapua mo matuvana, pani God matelete purongo sei mo lo voko hinira hatehateahi. 7 Tanume Tapu mo vuhesi na suihana isara hatehateahi mata tueni na tinapua. 8 Isana tamlohi matea, Tanume Tapu mo silea na retireti mata lelevosahi, ale isana tinapua mo sile na retireti mata levosahi matan te hinau. 9 Isana tinapua pa Tanume Tapu atu mo sile na rasua, ale isana tinapua mo sile na otori mata na vai rojoa i tihai, 10 isana tinapua suiha mata vai na hinau marÌurahi, isana tinapua retimangovi, isana tinapua erÌia mata erÌi hitevosahi na sava tanume enia pulo retireti matea, isana tinapua i erÌi retireti na leo tinatinapua, isana tinapua i erÌi rongovosahi na leo tinatinapua. 11 Enia pa Tanume Tapu atu sei enia hasena mo lo aseasehi la otori sei. Enia hasena mo hatihia vara sava tamlohi i pa lavi na sava otori. 12 Matan epe tamlohi matea enia matelete, ale tavtavaluna matuvana, ale tavtavaluna matuvana pani la vai na epe matelete, mo sohen harihi peresi KrÌisto. 13 Matan hin Tanume Tapu matelete purongo, enrÌa mo isoiso rÌa paptijo na epe matelete, vara tamlohi rÌorÌoha teni Jew, slev teni tamlohi materi, mo vairÌa enrÌa mo isoiso vara rÌa inu isana Tanume Tapu matelete purongo. 14 Matan epe tamlohi, tavaluna mo sopo matelete purongo, pani matuvana. 15 Vara palona i verea vara, “Enau na sopo tavalu epe matea matan enau na sopo limana!” rÌomrÌomi sohena haratu mo sopo vaia vara enia mo sopo tavalu epe matea. 16 Vara perona i verea vara, “Enau na sopo tavalu epe matea, matan enau na sopo matana!” rÌomrÌomi sohen haratu mo sopo vaia vara enia mo sopo tavalu epe matea. 17 Vara tavalu epe tari enira matana matea i pa rongo te hinau na savana? Vara tavalu epe tari enira perona matea, i pa ngusahi te hinau na savana? 18 Pani mo sohen haratu natu, God mo tau mamahuni na tavalu epe tari na jarara usuri na masalona. 19 Vara enira mo isoiso tavaluna matelete purongo, epena i pa toho epu? 20 Pani mo sohen haratu natu, tavtavaluna matuvana, pani epe matelete. 21 Matam i sopo erÌi verea isana limam vara, “Ko sopo rÌuhu matan te hinau!” teni vara patum i verea isana palom vara, “Ko sopo rÌuhu matan te hinau." 22 VararÌuhu, la tavalu epe atu sei ka lo hitera vara la sopo rÌilangi teni la sopo rÌuhu, pani nora vavahinau la aulu jea mata tueni na epe, 23 ale la tavalu epe atu ka lo rÌompurongo hinira, enira pa la haratu sei ka lo ru mamahunira matan vara tea i pa sopo erÌi hitera, 24 pani tatua tavalu epe rÌa sopo rÌomrÌomia vara rÌa rurura sohera. Pani God mo vai na epe na malele matea vara rÌa sile na oloolo isana tavalu epe sei rÌa hitera vara la sopo erÌi lavi te oloolo. 25 Mo vaia matan vara la sopo patumasa na epe, pani vara tavtavalu epe tari atu la kilau mamahuni na tatuara tinatinapua. 26 Vara te tavalu epe hatea mo rongohaji, enira mo isoiso la rongohaji. Vara tavalu epe matea mo lavi na oloolo, enira isoiso la avulahi matana. 27 Ale kamim epen KrÌisto, ale kamim hatehateahi ka tavtavaluna. 28 Ale God mo virÌoni na tamlohi mata vavahinau na lolo vao kalesia sohen harihi: tiromara enia vaharÌule, haruana enia prÌovet, hatoluna enia tamlohi vujangi mata reti non God, moiso la haratu la lo vai na hinau marÌurahi tavera, moiso la haratu la lo vai na rojoa la tihai, moiso tamlohi tueni, moiso tamlohi tiroma na vavahinau, moiso mata retireti na leo tinatinapua. 29 Enira mo isoiso la vaharÌule teni mo vono? Enira mo isoiso la prÌovet teni mo vono? Enira mo isoiso la tamlohi vujangi teni mo vono? Enira mo isoiso la erÌi vai na hina marÌurahi tavera teni mo vono? 30 Enira mo isoiso la erÌi vai na rojoa i tihai teni mo vono? Enira mo isoiso la erÌi retireti na leo tinatinapua teni mo vono? Enira mo isoiso la erÌi vereuli na rÌarami leo tinatinapua teni mo vono? Mo vono! 31 Pani ha tau na rÌomimim mata otori la mele aulu hinira. Ale enau a pa mele vujangi kamim na malele tinapua matea mo rÌuhurÌuhu jea.