1 Corinthians 14

1 Ha tau na opoia hina tiroma na maurimim, ale ha tau na rÌomimim i rÌilangi mata lavi la otori rÌuhurÌuhu sei Tanume Tapu i erÌi silea isamim, ale hinau atu mo rÌuhu jea hinira, enia matan vara ha erÌi vere na retimangovi sohena God mo mangovi kamim hinia. 2 Matan haratu mo lo retireti na leo tinapua matea Tanume Tapu mo silea, mo sopo retireti isana tamlohi, pani isan God, matan mo sopo tea i rongovosahia, matan enia mo lo vere na hina luhu hin Tanume Tapu. 3 Pani haratu mo lo retimangovi sohen God mo mangovia hinia, enia mo lo tueni na tamlohi vara la erÌi ulua hin Moli, ale mo lo retituetuenira, ale mo lo retinanauhira. 4 Haratu mo lo retireti hin te leo matea Tanume Tapu mo silea isana, enia mo lo tuenia hasena vara i ulua, pani haratu mo lo retimangovi sohen God mo mangovia hinia, enia mo lo tueni na vao kalesia vara la ulua. 5 Ale, a pa avulahi vara kamim mo isoiso ha erÌi retireti hin la leo tinatinapua atu sei Tanume Tapu mo lo silea, pani i pa mele rÌuhu jea vara ha erÌi retimangovi sohena God mo mangovi kamim hinia. Retimangovi enia mo mele aulu jea na retireti na leo tinapua matea sei Tanume Tapu mo lo silera, i pa mele rÌuhu jea vara tea i erÌi posi leo atu matan vara vao kalesia la erÌi levosahi na rÌaramina, ale la pa erÌi ulua matana. 6 Ale la voraiku peresi na vevoraiku, vara a mai isamim, ale a retireti isamim hin te leo tinapua hatea sei Tanume Tapu mo lo silera, i pa tueni kamim sohena sava? Pani vara a lavi te reti hin te hinau God mo vuhesia isaku, teni te hina lelevosahi, teni te retimangovi matea God mo mangovia isaku, teni te vujangi matea, ale haratu io, i pa tueni kamim. 7 Mo sohena pue tangtangi teni te potikevu matea, mo sopo te mauri hinira, enira sohena, vara tea mo sopo soro tataholoi te vete hinira, hare i pa rongovosahi vete atu mo lo soro hinia? 8 Ale vara tea mo tiv na trumpet, ale roroana mo sopo tataholo, hare i pa tatamahunia hasena mata vuro? 9 Ale mo sohena isamim, vara mememim mo lo retireti na leo matea tea i sopo erÌi rongovosahia, tea i pa erÌi levosahi na sava ka lo verea sohena sava? Matan ka lo vaore purongo. 10 VararÌuhu, leo tinatinapua la lo toho na varama, ale mo sopo tea vara mo sopo te rÌaramina. 11 Pani vara na sopo levosahi na rÌaramin te reti hatea a pa sohena vinano isan haratu mo lo verea, ale haratu mo lo retireti enia i pa sohena vinano isaku. 12 Ale matan ka lo opoia jea vara ha lavi te otori isan Tanume Tapu, mo rÌuhu vara ha usi God matan la haratu sei la erÌi tueni na vao kalesia tari vara la ulua. 13 Matan haratu, haratu mo lo retireti na leo tinapua matea Tanume Tapu mo silea isana, mo tataholo vara i usiusi vara i erÌi lavi na suiha mata i vereuli na rÌaramin la retireti atu. 14 Matan vara na lo usiusi na leo tinapua matea Tanume Tapu mo silea isaku, mapuku mo lo usiusi usuri na suihan otori atu, pani rÌomiku mo sopo rongovosahi na sava na lo verea. 15 Vara mo sohen haratu a pa vai na sava? A pa usiusi usuri na suihan otori atu na mapuku, ale a pa usiusi usuri na sava mo lo toho na rÌomiku sohena; a pa lalavete usuri na suihan otori atu na mapuku, ale a pa lalavete usuri na reti enau na levosahi na rÌaramira. 16 Matan vara ko lo hasohaso God usuri na suihan otori atu na mapum, sohena sava natu, te tamlohi mo sopo tahisam i erÌi vere ‘amen’ vara mo sopo rongovosahi na sava ko lo verea na nom vere meje isan God? 17 Matan korong, nom vere meje mo tataholo purongo, pani i pa sopo erÌi tueni pa tamlohi atu vara i ulua. 18 Na vere meje isan God matan enau na lo retireti hin leo atu Tanume Tapu mo silea isaku mo tavera, mo jeu kamim mo isoiso. 19 Pani na naho vao kalesia, i pa mele rÌuhu jea vara a vere te reti i lima isara vara la erÌi rongovosahira matan vara i erÌi tuenira, mo jeua vara a vere na reti mo tari vaha sangavulu (10,000) na leo tinapua matea la sopo rongovosahia. 20 La voraiku peresi na vevoraiku, rÌomrÌomi nona natuvarihi i sopo toho isamim. Ha pipi mata vai na hehe, pani ha tamlohi na nomim rÌomrÌomi. 21 La ulia na Leu lara, Moli mo verea vara: ‘A pa retireti isan noku tamlohi na leo tinatinapua, ale na jingo vinano. Pani isoisona, la pa sopo tapurongo isaku.’ Isa 28.11â12 22 Ale matan reti atu, retireti na leo tinatinapua, enira matamata matea mo sopo nona tamlohi rasua, pani nona tamlohi la sopo rasu. Ale retimangovi sei God mo mangovira enia matamata matea mo sopo nona tamlohi la sopo rasua, pani nona tamlohi la rasua. 23 Ale vara tamlohi kalesia tari la lo pulutahi jara matea, ale la lo retireti na leo tinatinapua Tanume Tapu mo silea isara, ale vara te vinano teni te tamlohi la sopo rasu la unu atu, rÌa levosahia vara la pa verea vara kamim ka putu. 24 Pani vara kamim mo isoiso ka lo retimangovi, ale vara te vinano teni te tamlohi mo sopo rasu mo unu atu, i pa levosahia vara enia tamlohi hehe matea matan God i pa pisuhi na hehe na maurina, ale i pa rongovosahia na mapuna vara mo pete tia moiso mata talai non God. 25 Hina luhu na mapuna la mavuhesi, ale i pa jovi popovitoho, ale i pa lotu God i pa verea vara, “VararÌuhu purongo! God mo lo toho na livuhamim." 26 La voraiku peresi na vevoraiku, i pa sohena sava natu? Vara ha pulutahi jara matea, te hatea i pa lavi te vete, te tinapua i vujangi, te tinapua i vereuli te hinau paro God mo vujangia isana, te tinapua i pa retireti na leo tinapua matea Tanume Tapu mo silea isana, ale te tinapua i pa posposi reti atu matan vara vao kalesia la erÌi levosahia. Hinau tari ka lo vaira, ha pa vaira matan vara tamlohi la pa ulua matara. 27 Vara tea la erÌi retireti na leo tinapua matea Tanume Tapu mo silea isana, ha sopo tinarÌihia vara i jeu i rua teni i tolu la retireti, ale te hatea i retireti moiso, ale te tinapua i pa pete retireti, ale te hatea i pa vere na rÌarami nora retireti. 28 Pani vara mo sopo tea vara i erÌi posi na nora retireti, la pa sakele malum purongo, ale la retireti isara hasera peresi God. 29 Ha tinarÌihia vara te prÌovet i rua teni i tolu la retireti, ale tatua prÌovet la pa tapurongo usuri na sava la lo verea. 30 Vara God i vuhesi te hinau isan te tinapua mo lo sakele atu, haratu mo lo reti tiroma i pa sopo reve na nona retireti i peravu, pani i sile na masapa isana vara i erÌi retireti. 31 Matan kamim mo isoiso ha erÌi sile te reti God mo mangovia isamim, matea i retireti moiso ale matea, matan vara kamim mo isoiso ha erÌi lavi te lelevosahi atu, ale ha ulua na nomim rasua. 32 Ha levosahia vara la haratu la lo vere na retimangovi God mo silea isara, enira la erÌi hase taurilatira, la sasaovi mata masapa vara la erÌi retireti hinia, 33 matan God enia mo sopo God mata kojokojohi, mo vono, enia God mata tamata, ale posposi tataholo akerihi sei la lo vaia na vao kalesia mata tapuhi tari non God. 34 HarÌai la pa toho malum na lolo ima lotu, matan mo tapu isara vara la erÌi retireti ea, ale la pa tapurongo sohena leu mo verea. 35 Vara la opoia vara la levosahi mamahuni te hinau, la pa usi na tuara hinia na imara, matan mo sopo tataholo vara te harÌai i retireti na naho vao kalesia. 36 Ka rÌomi vara lelevosahi mata reti non God mo tapulo isamim, ale ka rÌomi vara mo isoiso isamim purongo? 37 Vara tea mo lo rÌomrÌomia vara enia prÌovet matea, teni enia mo tapu, enia i pa rÌomrÌomi mamahuni na sava na lo ulia isamim vara enira retileu non Moli. 38 Vara tea mo lo kilau purongoi hinau nike, tamlohi atu mo sopo rÌuhu matan te hinau. 39 Ale matan hinau tari atu la voraiku peresi na vevoraiku, ha opoia jea vara ha erÌi vere na retimangovi God mo silea isamim. Ale ha sopo horo na retireti na leo tinapua sei Tanume Tapu mo silera. 40 Pani ha vai na hinau tari usuri na posposi tataholo na malelera tataholo.