1 Corinthians 3

1 Pani, la vorai peresi na vevorai, hin rani atu enau na lo toho peresi kamim, na sopo retireti isamim sohena tamlohi rasua la jea. Mo vono. Na lo retireti isamim sohena natuvarihi matan ka pa lo usuri na posi tamlohi varama, ka pa lo pipi na maurin KrÌisto. 2 Na vahani kamim na wai susu, mo sopo na hanhani rÌilangi, ale mo tikeli nake, ka sopo lo tatamahu matana, 3 matan ka pa lo toho na suiha masalomim. Matan ka mereimerei hin kamim hatehateahi, ale ka lo vasvas hin kamim hatehateahi. Matan posposi sei mo vujangia vara kamim ka pa lo toho na suiha masalomim. Ka lo hahau sohena tamlohi varama. 4 Matan vonamim matea mara, ‘Enau na usuri Paul!’ moiso tinapua mo verea mara, ‘Enau na usuri Apollos!’ mo vujangia vara ka lo hahau sohena tamlohi purongo. 5 Apollos enia mo rÌuhu mata sava? Paul mo rÌuhu mata sava? Kamam volitusi, ale hin kamam kamim ka mai na rasua, sohena Moli mo taua moiso vara hare i pa vai na sava. 6 Enau na lavo, Apollos mo tau na wai, pani God natu, mo vaia mo ulua. 7 Haratu mo lo lavo teni haratu mo lo tau na wai, mo sopo te hinau rÌuhu hinia, pani God purongo sei mo lo vaia mo ulua. 8 Haratu mo lo lavo, ale haratu mo lo tau na wai, enira la matea, ale la pa lavi na volira i tataholo na sava la lo vaira hatehateahi. 9 Matan kamam kama tapala na vavahinau non God. Kamim lovuhai non God, ale ka iman God. 10 Enau tamlohi tavera mata voro ima usuri na rÌomrÌuhu non God, ale na tau na pulo ima, ale tamlohi tinapua matea mo lo voro aulu hinia. Mo rÌuhu vara tamlohi hatehateahi i kilau mamahunia vara sohena sava i pa voro na ima hinia. 11 Matan mo sopo tea i erÌi tau te pulona tinapua hin haratu mo lo toho moiso. Enia sei, Iesu KrÌisto. 12 Vara tea i voro hin pulona atu na gold teni silver, teni vatu angiangi rÌuhu, teni mo lo voro hin te vipahai teni rato teni ere, 13 voko nona tamlohi hatehateahi, i pa mera purongo matan rani aria i pa vaia i mera, matan suiha hapu i pa vaihite na voko nona tamlohi hatehateahi vara mo sohena sava. 14 Vara te voko atu sei tea mo voro aulu hin pulo ima atu mo jeu na hapu, enia i pa lavi na nona otori matana. 15 Vara hapu mo hani vevuhi na voko non tea, nona otori i pa tihai, ale tamlohi atu i pa juri, pani i pa sohena tamlohi matea la juri narÌihia na hapu mo lo turu lekoleko purongo. 16 Ka sopo levosahia vara kamim ka temple non God, ale Tanumen God mo lo toho na lolomim? 17 Vara tea i komo na temple non God, God i pa komoa, matan temple non God enia mo tapu, ale kamim natu, ka temple atu. 18 Tea i sopo erÌi hase halua hasena. Vara te vonamim mo lo rÌomrÌomia vara enia tamlohi lelevosahi matea hin varama nike nake, i pa mele rÌuhu jea isana vara i mai tamlohi rongorongo vono, matan vara i pa mai tamlohi lelevosahi vararÌuhu. 19 Matan lelevosahi matan varama nike, enia rongorongo vono isan God matan la ulia mo verea vara, ‘Enia mo vunai na tamlohi lelevosahi na nora posposi mata lelevosahi.’ Job 5.13 20 Ale mo mele verea vara, ‘Moli mo levosahia vara rÌomrÌomi nona tamlohi lelevosahi la sopo rÌuhu matan te hinau hatea.’ Psa 94.11 21 Matan mo sohena, i pa sopo tea i erÌi hapahapa hin te hinau nona tamlohi. Matan hinau tari enira mata tueni kamim, 22 vara Paul, teni Apollos, teni Peter, teni varama, teni mauri, teni mateia, teni hinau nake, teni hinau la pa mai, enira mo isoiso nomim, 23 ale kamim non KrÌisto, ale KrÌisto enia non God.