1 Corinthians 9

1 Enau mo sopo tamlohi materi matea? Teni enau mo sopo vaharÌule matea? Enau mo sopo haratu sei mo hite Iesu norÌa Moli na mataku? Kamim mo sopo noku vua vavahinau hin Moli? 2 Vara isana tinapua enau mo sopo vaharÌule matea, pani isamim, enau vaharÌule matea, matan kamim ka mai kalesia mata noku vua vavahinau, ale mo vujangia vara enau tamlohi vaharÌule non Moli. 3 Hinau sei enia noku rÌarami isan la haratu la lo aleau mata noku vavahinau. 4 Ka rÌomi vara mo sopo tataholo vara ha vahani kamam? 5 Ka rÌomi vara mo sopo tataholo vara kama lavi na naroumam sei la kalesia la usuri kamam, sohen la vaharÌule tinapua sei la lo vaia, ale sohen tasin Moli peresi Peter la lo vaia? 6 Teni, enia matan enau Barnabas purongo vara mo sopo tataholo vara kama isoiso na nomam voko mata mania? 7 Sava tamlohi vuro mo lo hasena volia? Sava tamlohi isa mo lavo na isa matea, ale mo sopo hani te vuana? Teni hare mo lo korohi te nani pani mo sopo inu te wai susuna? 8 Ka rÌomi vara na lo vere la hinau nike usuri na noku rÌomrÌomi purongo? Ka rÌomi vara leu mo sopo verea sohena? 9 Matan la ulia na Leu non Moses moiso, vara ‘O sopo pesihoro na jingo buluk vara mo lo varasi narÌihi na piri wit’. Deut 25.4 Ka rÌomi vara God mo lo rÌomrÌomi na buluk purongo? 10 Ka rÌomi vara mo sopo vere reti sei matarÌa? La ulia matarÌa, matan haratu mo lo rÌule na lepa mo lo rÌule na nona rÌomtau, ale haratu mo lo pete na piri wit mo lo petera na nona rÌomtau vara i pa lavi na rÌungana hin la piri wit atu? 11 Vara kamam vaharÌule kama lo lavo na piri rÌuhu mata mauri isamim, ka rÌomi vara mo sopo tataholo vara kama lavi te hinau mata i tueni na maurimam nake isamim? 12 Vara tinapua la opoia vara la lavi na oloolo isamim, ka rÌomi vara kamam mo sopo tataholo vara kama lavia i jeu na vaharÌule tinapua? Hina purongo, kama sopo ngurunguru hin kamim vara ha sile na oloolo isamam, pani kama hitea vara i pa mele rÌuhu jea vara kama sopo mele tau te hinau i vai kamim ha tialahalaha hinia, ale ha rÌohu na RetirÌuhu non KrÌisto matana. 13 Kamim ka sopo levosahia vara la prÌis atu la lo kilau na Temple nona Jew, la lo lavi na hara hinau na hanhani mata silesilea nona tamlohi? Ale ka sopo levosahia vara prÌis sei la lo volitusi na votavota mata malamalai atu la lo asease na silesilea mata malamalai? 14 Hin malele akerihi natu, Moli mo retileu hinia vara la haratu la lo vereuli na RetirÌuhu non KrÌisto la pa lavi na hara hinau mata nora vavahinau na RetirÌuhu. 15 Mo tataholo vara a usi kamim vara ha tueniau, pani na sopo usia. Na sopo uliuli isamim nake vara a usia isamim. Mo vono. I pa mele rÌuhu isaku vara a mate i jeua vara a usi kamim mata nomim tuetueni! 16 Vara a lo retivujavujangi na RetirÌuhu, mo sopo sile te masapa isaku vara a pa mangisi matana. Matan God mo taua na limaku vara a pa vaia. Rani sati i pa mai isaku vara a sopo retivujavujangi na RetirÌuhu. 17 Vara na lo vaia usuri na masaloku a pa lavi na noku otori matana, pani God mo virÌoniau, ale mo sileau hin voko tapu nike, ale enau, a sopo erÌi vai te hinau tinapua. 18 Sava natu enia noku otori? Enia masapa vara a retivujavujangi purongoi na RetirÌuhu, ale na sopo usi na sava sei mo tataholo mata tamlohi retivujavujangi na RetirÌuhu matea i erÌi lavia. 19 Matan hina purongo vara enau tamlohi materi, na sopo toho na ruhuruhun tea, pani na hase vaiau vara a volitusi isana tamlohi tari vara a pa erÌi lavi te vaora isara la mai isan KrÌisto. 20 Isana Jew, na mai sohena Jew matea matan vara a lavi na Jew la mai isan KrÌisto. Isan la haratu la lo toho na ruhuruhu leu, na mai isara sohena tamlohi matea sei mo lo toho na ruhuruhu leu, pani na sopo toho na ruhuruhu leu matan vara a lavi la haratu la lo toho na ruhuruhu leu la mai isana. 21 Isan la haratu la sopo toho na ruhuruhun te leu, na mai sohena tamlohi matea mo sopo toho na ruhuruhun te leu, mo sopo vara na sopo toho na ruhuruhu leu non God, pani na lo toho na ruhuruhu leu non KrÌisto, matan vara a erÌi lavi la haratu la sopo toho na ruhuruhun te leu la mai isan KrÌisto. 22 Isan la haratu la sopo lo rÌomrÌilangi na retivararÌuhu, na mai sohera, matan vara a lavi la haratu la sopo lo rÌomrÌilangi la mai. Isana tamlohi tari tinatinapua na mai sohera na malelera tari matan vara a erÌi juri tea. 23 Na lo vai la hinau tari sei mata RetirÌuhu purongo, matan vara hinira enau peresira a pa erÌi lavi na hina rÌuhurÌuhu sei RetirÌuhu mo retitauhi hinira. 24 Korong ka levosahia vara na rani maromaro matea, tamlohi maromaro tari la maro, pani tamlohi matelete purongo i pa mai tiroma. Ale matana, ha maro matan vara ha erÌi mai tiroma. 25 Tamlohi maromaro hatehateahi tari, la tau na rÌomira vara la hase taurilatira na hinahinau matuvana. La lo vaia matan vara la erÌi lavi na rÌongorÌongo rau vipahai purongo sei i pa rÌovo. Pani enrÌa, rÌa lo vaia matan vara rÌa pa lavi na hinau i pa sopo erÌi rÌovo. 26 Matan hinau sei, enau na sopo maromaro purongo; na sopo tutuhi sohen tamlohi matea mo lo tutuhi purongoi na masapa. 27 Pani na lo taurilati na epeku, ale na aulu hinia matan vara i vono, hitahu na noku retivujavujangi isana tinapua, enau haseku purongo na mele tau narÌihiau na noku vujangi.