1 Peter 5

1 Ale matan haratu, na opoia vara a sile na retituetueni isana patu tamlohi rasua isamim. Enau patu tamlohi rasua matea sohemim, na hitea sohena sava KrÌisto mo lavi nona rongohaji, ale enau sohena a pa lavi na hasohaso tavera atu God i pa vujangia i pa sopo tuai, 2 ha tavui rÌuhu mata sipsip non God sei enia mo taura na limamim, ha kilau mamahunira na rÌomavulahi sohen God mo opoia, mo sopo matan vara tea mo ngurunguru hin kamim matana; mo sopo mata mania, pani mata nomim rÌomavulahi, 3 ha sopo vaia i rÌilangi isan la haratu la lo toho na ruhuruhu limamim, pani ha vai na tovongi rÌuhu isana sipsip. 4 Ale hitahu vara Patu Tavui sipsip i pala, ha pa lavi na rÌongorÌongo nona supe sei rÌuhurÌuhuna i pa sopo erÌi tihai. 5 Ale kamim uluvou, ha oloolo hin la haratu la kalesia vajiaha. Kamim mo isoiso ha ruru na posposi rÌomatano, matan ‘God mo lo turuleji hin la haratu la lo mangisi, pani mo lo tueni la haratu la lo rÌomatano.’ Prov 3.34 6 Ale matana, ha rÌomatano, ha toho na ruhuruhu suiha tavera liman God matan vara na rani tataholo i pa tahe kamim aulu. 7 Ha sile vevuhi na nomim rÌomkaka isana matan enia mo lo kilau kamim. 8 Ha tatamahu, ha lo kilau matan nomim meresahi Tiapolo, enia mo lo rÌalihi sohena paheu matea mo lo aleale tamlohi vara i hanira. 9 Ha turuhoroa, ale ha turu rÌilangi na nomim rasua. Ha levosahia vara voraimim rÌalihi na varama sohena la lo lavi na rani rÌilangi tinatinapua sohen harihi. 10 Ale ha pa lavi na rani rÌilangi mata makomo rani purongo, ale hitahuna, God mata rÌomrÌuhu tari, haratu sei mo tovi kamim ka mai na lolo hasohaso tavera non Iesu KrÌisto mata rani tui tui, enia hasena i pa vai mamahuni kamim, ale i pa vai kamim ha turu rÌilangi na nomim rasua, ale i pa vai kamim ha rÌilarÌilangi na mapumim, ale i pa vai kamim ha sopo erÌi juha na nomim rasua. 11 I pa tauri na suiha mata rani tui tui tarea, amen. 12 Silas , vorai sei mo sopo lo tope na nona retitauhi hin te rani na noku kilakilau, mo tueniau vara a uliuli isamim vara a pa vere vujavujangi kamim, ale vara a vereulia vara rÌomrÌuhu vararÌuhu non God mo sohen harihi. Ha turu rÌilangi hinia. 13 Ale la haratu la rasu nike Rome, harasei God mo virÌonia sohemim, enira sohena la sohai na retioloolo isamim, ale natuku Mark sohena, mo sohaia isamim. 14 Ha tapatapai kamim hatehateahi na retioloolo mata opoia. Tamata isamim tari sei ka tamlohi non KrÌisto.