1 Thessalonians 2

1 Kamim ka levosahia mo rÌuhu la voraiku peresi na vevoraiku rÌuhurÌuhu, vara nomam mai isamim mo sopo vano hina purongo. 2 Pani hina purongo vara kama lavi na rongohaji moiso na nora vailejleji hin kamam Philippi, sohen ka levosahia, pani kama lo turu rÌilangi hin norÌa God vara kama lo vereuli na RetirÌuhu non God isamim na livuha rani rÌilangi. 3 Matan nomam ngurunguru matamim, mo sopo malue na hinau mo sopo tataholo teni na hina lumiha, teni vara kama vaihitea vara kama halu, 4 pani matan kama lo retireti sohena vaharÌule sei God mo majinga hin kamam vara kama lavi na RetirÌuhu. Kama sopo vaia matan vara tamlohi la pa avulahi hin kamam, pani vara God i avulahi, enia natu, haratu mo lo arirÌa vara rÌa lo vai te vavahinau mata sava. 5 Matan kama sopo mai isamim mata haruharu sohen ka levosahia, teni vara kama tapala peresi kamim mata mania, haratu God mo levosahia, 6 ale kama sopo ale na hasohaso nona tamlohi, mo sopo isamim teni isan te tinapua, 7 hina purongo vara mo tataholo vara kama usi te hinau isamim matan kamam kama vaharÌule non KrÌisto. Pani kama mai isamim na posposi malum sohena harÌai vasusu matea mo lo susui na natuna, ale mo lo kilaura. 8 Ale matan kama opoi kamim mo tavera, mo vai kamam kama avulahi vara kama sile kamim na RetirÌuhu non God, ale maurimam sohena, kama silera isamim, matan ka mai ka vorai rÌuhurÌuhu isamam. 9 Matan ka levosahia la voraiku peresi na vevoraiku rÌuhurÌuhu, vara na rani kama lo retivujavujangi isamim, kama voko rÌilangi na rani peresi na vutepongi mata mania matan vara kama sopo tau te tetehi isan te vonamim. 10 Kamim ka levosahia, ale God mo levosahia vara nomam posposi mo tapu isamim sei ka rasua, ale mo tataholo sohena sava, ale mo sopo te hinau i sati vara tea i pa erÌi pisuhi kamam hinia. 11 Matan ka levosahia vara mo sohena sava isana tata matea peresi natuna, 12 kama lo ngurunguru hin kamim, ale kama lo retituetueni kamim, ale kama lo verea rÌilangi vara ha hahau na mauri sei God i pa avulahi hin kamim hinia, enia natu, mo tovi kamim vara ha mai hin nona mauri atu enia mo supe hinia peresi na hasohasona. 13 Ale kama lo vere meje isan God tarea matan hin rani atu ka lavi na reti non God isamam, ka sopo lavia sohena retireti nona tamlohi purongo, pani reti non God vararÌuhu, ale mo lo vai na nona vavahinau hin kamim sei ka rasua. 14 Matan kamim ka vorai kalesia rÌuhurÌuhu, ka tovongi na vao kalesia tinatinapu hin KrÌisto Iesu non God hin Judea, matan ka lavi na rani rÌilangi isana tahisamim mo sohena tamlohi rasua Judea la lo lavia isana Jew. 15 Enira la haratu sei la vilimatei Moli Iesu peresi na prÌovet, la levuti narÌihi kamam, ale God mo sopo avulahi hinira, ale enira la lo turuleji na tamlohi tari, 16 matan la turuhoro kamam vara kama sopo retireti isana tamlohi rÌorÌoha matan vara la pa juri. Hin posposi akerihi tarea la lo takonahi na nora hehe mo sahe vara i marÌivi, pani talai lolokoru non God mata hehe i pa jovi vevuhi isara. 17 Pani la vorai peresi na vevorai rÌuhurÌuhu, mo tapulo hin rani atu la lavi narÌihi kamam isamim mata makomo rani â ka sopo mele hite na nahomam, pani mapumam la lo toho isamim. Ale matan kama opoia mo tavera vara kama erÌi mele mai isamim, kama vaihitea mo rÌilangi matan vara kama mele mai. 18 Matan kamam kama opoia vara kama mele mai isamim, vararÌuhu enau, Paul na opoia vaha visa, pani Setan mo lo turuhoro kamam. 19 Matan sava natu, enia nomam rÌomtoho teni avulahi teni rÌongorÌongo nona supe kama pa avulahi tavera hinia na nahon Moli Iesu hin rani atu vara i pala? Enia kamim. 20 VararÌuhu, kamim ka nomam hasohaso peresi na nomam avulahi.