1 Timothy 1

1 Enau Paul, vaharÌule matea non KrÌisto Iesu God mo virÌoniau na nona suiha, KrÌisto Iesu norÌa Jujuri enia norÌa rÌomtoho. 2 Timothy, natuku hin norÌa mauri rasua, na lo usiusi matam vara God TamarÌa enia KrÌisto Iesu norÌa Moli, la sileho na rÌomrÌuhu, na rÌomopoia peresi na tamata. 3 Sohen na verea rÌilangi isam hin rani atu na tauho Ephesus vara a vano Macedonia, na verea vara o pa toho vara o sile na reti isan la tamlohi atu vara la sopo vujangi te vujangi tinapua, 4 teni vara la sopo usuri te sorasora halu teni te sorasora vono mata sava pina tuai la tataholo hinira, vuana enia rÌomrÌomi vono purongo, la hinau sei la sopo tueni te tamlohi na mauri mata rasua hin God. 5 Pani norÌa rÌomrÌomi tavera hinia, enia opoia, opoia mo tai isana mapu vokevoke peresi na rongovosahi na hinau tataholo, peresi na rasua vararÌuhu. 6 Tamlohi hai, la jalio, la posi la usuri na sorasora vono, 7 la opoia vara la mai tamlohi vujangi mata leu, pani la sopo levosahi na sava la lo verea teni na hinau sei la verea vara la levosahira mo rÌuhu vara la tataholo teni mo vono. 8 Ale rÌa levosahia vara Leu mo rÌuhu, pani vara tea mo lavia na posposi tataholo purongo, 9 ha levosahi harihi: God mo sopo sile na leu mata tamlohi tataholo, pani isan la haratu la lo vaivaileu, la haratu la sopo oloolo hin te tamlohi hatea, la haratu la lo usuri na posposi varama, la haratu la lo hehe, la haratu la sopo sile na oloolo isan te hinau mata oloolo, la haratu la lo vilimatei na tamara teni tinara, la haratu la lo vilimatei na tamlohi tinapua, 10 ale la haratu la lo vai na posposi lumiha, tamlohi la vaivaileu peresi na tamlohi, harÌai la vaivaileu peresi na harÌai, la haratu la lo tauri vanaho na tamlohi mata la harÌehira, ale la haratu la lo retihalu tarea, la haratu la lo taviti halu na lolo court, ale na posposi lejileji tari sei la lo turuleji na vujangi rÌuhu sei, 11 mo lo usuri na RetirÌuhu rÌuhurÌuhu non God sei enia avulahi tavera, ale RetirÌuhu sei mo taua isaku. 12 Na vere meje isan KrÌisto Iesu norÌa Moli, mo sile na rÌilarÌilangi isaku, matan mo hitea sohena vara a erÌi vai na masalona, ale mo virÌoniau vara a volitusi isana, 13 hina purongo vara tiroma na lo verelejleji KrÌisto, na lo unuhi na nona tamlohi vara a komora, ale na kerekerera, pani God mo rÌomopoiau mata na sopo lo levosahi na sava na lo vaia matan na sopo rasua, 14 Ale rÌomrÌuhu non norÌa Moli mo marÌivi savulevule mataku na rasua peresi na opoia hin KrÌisto Iesu. 15 Reti nike, o erÌi rasua mo tataholo vara o lavi vevuhia vara: KrÌisto Iesu mo mai na varama vara i juri na tamlohi hehe. Enau na sasati jea hinira. 16 Pani God mo rÌomopoiau matan hinau sei, matan enau na sasati jea hinira, ale Iesu KrÌisto mo tauau vara a mai tovongi matea vara i vujangi na nona rÌomperavu isan la haratu la pa rasua mata mauri tui. 17 Nake, isan Supe mata tauni tari, i sopo erÌi tihai, tea i sopo erÌi hitea, enia God matelete, rÌa pa silea na oloolo tavera peresi na hasohaso na rani tui tui tarea. Amen. 18 Timothy natuku, reti nike na lo verea isam, mo lo usuri na retimangovi sei la verea matam moiso, la pa tueniho vara o erÌi vai na vuro rÌuhu, 19 tarea o tauri rÌilangi na nom rasua peresi na nom rongovosahi na hinau mo tataholo, ale tamlohi hai la tau narÌihira, la komo na nora rasua sohena boti mo vujahi kosahia na paranga. 20 Tatuara sei, Hymenaeus enia Alexander, enau na taura la vano na liman Setan vara i pa vujangira vara la pa sopo mele turuleji hin God na nora vujangi haluhalu.