2 Corinthians 13

1 Harihi enia noku hatolu mai vara a rohi kamim. Ale sohena Retitapu mo verea vara, ‘Ha pa turu na retireti non te tupra rua teni te tupu tolu matan te hinau tea mo vaia mo sati’. Deut 19.15 2 Na pete retirÌoarÌoahai la haratu la lo hehe na harua noku rohi sei moiso. Ale nakerihi, na lo mele retirÌoarÌoahaira peresi na tamlohi tari, sohen na pete vaia tiroma moiso, vara hin harakerihi, a pa sopo rÌom tea vara i sopo lavi na talai mata nona hehe, 3 matan ka lo opoia vara ha levosahia vara vararÌuhu, KrÌisto mo lo retireti hiniau. KrÌisto mo sopo kilau purongoi na sava ka lo vaira, pani hin kamam, enia suiha tavera jea matea na livuhamim. 4 Hina purongo vara mo mate na talopeilopei sohena mo sopo te suihana, pani nake mo lo mauri mata suihan God. Ale, kamam sohena mo sopo te suihamam, pani kama pa toho peresi kamim na suihan God. Suiha atu sei kama lo vavahinau hinia matamim. 5 Ha hase vaihite kamim hasemim vara vararÌuhu nomim rasua mo vararÌuhu. Ha hase kilau usuri kamim hasemim! Vara ha sopo erÌi hitevosahia vara Iesu KrÌisto mo lo mauri hin kamim, mo rÌaramia vara ka jovi na nomim vaihite. 6 Ale na lo rÌomtau vara kamim ka hitevosahia vara kamam kama jeu vaihite nike moiso. 7 Ale kama lo usiusi isan God vara ha pa sopo vai te hinau sasati. Mo sopo matan vara tamlohi la pa hitea vara kama jeu vaihite atu moiso, pani matan vara ha pa vai na hinau tataholo, hina purongo vara ka lo rÌomrÌomia vara kama sopo lo jeu vaihite atu. 8 Matan kama sopo erÌi vai te hinau vara i turuleji na retivararÌuhu, pani kama pa lo turu rÌilangi mata retivararÌuhu tarea. 9 Matan enia hina purongo vara mo sopo mele te suihamam, pani kama pa avulahi vara kamim ka rÌilangi vararÌuhu. Nomam usiusi enia vara ha jea i rÌuhu na mauri rasua. 10 Matan haratu, na lo uli la hinau nike Macedonia isamim vara ha lo vai tatalohoi na maurimim, matan vara na rani vara a pala, a pa sopo vai na posposi rÌilangi hajavua na noku suiha sei Moli mo sileau hinia mata vai na kalesia la ulua, pani mo sopo mata vilijovjovira. 11 Ale isoiso hinau la vorai peresi na vevorai, enia vara ha avulahi, ha mele vai mamahuni na maurimim la tataholo, ha rÌomrÌilangi, ha turu jara matea na rÌomimim hatehateahi, ha toho na tamata, ale God mata opoia peresi na tamata i pa toho peresi kamim. 12 Ha tapatapai kamim na posposi mo tataholo mata kalesia. Tapuhi tari nike la sile na nora retioloolo isamim. 13 RÌomrÌuhu non Moli Iesu KrÌisto peresi na opoia non God peresi na tapala rÌuhu nona Tanume Tapu i pa toho peresi kamim mo isoiso. Amen.