2 Corinthians 2

1 Ale mo vaia na tau na rÌomiku vara a pa sopo rohi kamim ale ha mele rongo i sati matana. 2 Matan, vara a vai kamim ha rongo i sati, hare natu i pa vaiau a avulahi pani la haratu sei na lo vaira la rongo mo sati? 3 Ale na uli hinau akerihi isamim matan vara a mai, a pa sopo rongo i sati hin la haratu sei mo tataholo vara la vai na noku avulahi i tavera jea. Ka sopo levosahia vara noku avulahi mo lo turu na nomim avulahi? 4 Na rongo mo sati hajavua hin rani atu na uli leta atu isamim, rÌomiku mo jovi tavera ale na tangi matana. Na sopo opoia vara a vai kamim ha rÌom sasati, pani na opoia vara ha levosahia sohena sava na lo opoi kamim. 5 Vara tamlohi atu mo vaiau na rongo mo sati, mo sopo vaiau haseku vara a rongo i sati, pani na malele tinapua mo vai kamim mo isoiso ka rongo mo sati. 6 Enia mo lavi na rani rÌilangi tavera mata talai atu sei ka lo silea isana moiso hin rani atu kamim mo isoiso ka pulutahi jara matea mata aria. 7 Ale nake mo tataholo vara ha rÌomia, ale ha mele tahe na rÌomina, vara i vono, rÌomina i pa sati jea ale i jovi narÌihi na nona rasua vevuhi. 8 Ale nakerihi, i pa rÌuhu jea vara ha vujangia vara ka pa lo opoia. 9 Hin rani atu na lo uliuli sohena isamim matan vara a pa hitea vara ha pa oloolo hiniau i tikeli epu. 10 Vara ha rÌomi tamlohi akerihi hin te hinau, enau sohena a pa rÌomia vara te hinau mata rÌomia mo lo toho mo tikeli nake, ale na vaia na suihan KrÌisto matamim, 11 matan vara Setan i pa sopo jeurÌa, matan enrÌa rÌa levosahi mamahuni na malelen Setan. 12 Hin rani atu nara na pala Troas vara a retivujavujangi na RetirÌuhu hin KrÌisto, hina purongo vara Moli mo sileau na masapa tavera matea, 13 rÌomiku mo sopo sakele matan na sopo lo hite voraiku Titus ea matan vara i vereau vara kamim ka lo toho sohena sava. Ale matana, na enrÌa vuho isara Troas ale na malue na vano Macedonia. 14 Pani rÌa vere meje tavera isan God sei hin KrÌisto, mo lo tiromarÌa rÌa lo jeu na norÌa meresahi tarea. Ale na sava jara rÌa lo vano hinira, enia mo vairÌa rÌa lo vere na tinapua hin Moli, ale rÌa lo sohai na RetirÌuhu sohena hasori ponaha rÌuhu matea. 15 Matan enrÌa rÌa hasori ponaha rÌuhu non KrÌisto isan God isan la haratu sei God mo lo jurira, ale isan la haratu sei la pa tihai â 16 enrÌa hasori ponaha ranga matea mata i sile na mate isara, pani isan vao atu la rasua enrÌa hasori ponaha rÌuhu matea mata i sile na mauri. Ale hare natu mo tataholo mata i vai la vavahinau nike? 17 Matan kamam kama sopo sohen la vao tamlohi vujangi tinapua sei la lo vere na reti non God na nora halu mata lavi na mania. Mo vono, kamam kama lo retivujavujangi na retisohai non God mo sopo te halu hinia na nahon God, ale peresi na suihan KrÌisto usuri na posposi tataholo nona vaharÌule non God.