2 John 1

1 Leta nike, enau patu tamlohi rasua sei John, na ulia isan harÌai sei God mo virÌonia peresi na natuna. Enau peresi la haratu la levosahi na retivararÌuhu, kama opoi kamim mo isoiso. 2 Kama opoi kamim mata retivararÌuhu mo lo toho na mapurÌa, ale i pa toho atu na pongi tui. 3 Moiso na usiusi vara God Tama peresi Natuna Iesu KrÌisto vara la pa rÌomrÌuhu hinirÌa, ale la rÌomopoirÌa, moiso vara la pa silerÌa na nora tamata, na nora retivararÌuhu, ale na nora opoia. 4 Enau na avulahi tavera matan na rongoa vara te natum la lo oloolo na retivararÌuhu sohen God Tama mo retileu hinia isarÌa moiso. 5 Vetasiku rÌuhurÌuhu, na sopo uliuli vara a vereho vara o pa oloolo hin te retileu paro hatea, mo vono, pani na lo uli haratu mo verea tiroma moiso vara rÌa opoiopoirÌa. 6 Opoia vararÌuhu enia vara rÌa vai na sava God mo retileu hinia moiso, ale haratu ka rongoa moiso na tapulo rani, vara rÌa pa hahau hinia. 7 Matan ka levosahia vara tamlohi haluhalu matuvana la vano na varama moiso. La tamlohi haluhalu atu la retihalu vara Iesu KrÌisto mo sopo mai tamlohi vararÌuhu. La tamlohi haluhalu atu enira meresahi non KrÌisto. 8 Ha lo kilau matara! Mo sopo rÌuhu vara sava kama voko rÌilangi matana matamim i vano hina purongo, pani ha vaihitea vara ha lavi vevuhi na nomim otori isana. 9 Haratu rÌomina mo lo vano asau na hinau la vujangia hin KrÌisto moiso, ale mo sopo turu hinia, haratu natu, God Tama mo sopo lo toho peresia. Pani vara tea mo toho jejeu na sava hinau la vujangia moiso, God Tama peresi Natuna la pa lo toho peresia. 10 Vara tea i mai, pani mo lavi na vujangi tinapua, ha sopo tinarÌihia vara i unu na imamim, ha sopo silea na retioloolo, 11 matan, vara haratu mo sile na retioloolo isara, enia mo lo tuenira na nora hehe. 12 VararÌuhu na opoia vara a mele vere kamim na hinau matuvana, pani na sopo opoia vara a uli na leta purongo. I pa mele rÌuhu vara a mai vara enrÌa tolu rÌa pa sorasora, ale rÌa pa avulahi tavera matana. 13 Reti oloolo mo lo mai isamim mo tai isan la natun vetasimim nike God mo virÌonia.