2 Peter 1

1 Enau Simon Peter, volitusi matea, ale vaharÌule non Iesu KrÌisto. Na lo uliuli isan la haratu sei la lavi na rasua rÌuhurÌuhu sohen kamam. Iesu KrÌisto sei mo sile rasua sei isarÌa, enia norÌa God, norÌa Jujuri, enia natu, mo vairÌa rÌa tataholo na nahon God, 2 noku usiusi vara God i pa lerÌuhu hin kamim na nona rÌomrÌuhu peresi na nona tamata vara la pa tueni kamim vara ha ulua na nomim levosahi hin God peresi Iesu norÌa Moli. 3 Suihan God mo silerÌa na hinau tari mata mauri, la tuenirÌa na norÌa hahau na mauri sei sohen God mo opoia, la mai isarÌa na malele levosahi hin Iesu, ale enia haratu mo tovirÌa matan vara rÌa pa lavi na nona hasohaso peresi na nona posposi rÌuhurÌuhu. 4 Hin nona suiha tavera atu, mo silerÌa na nona retitauhi tavera matuvana, la rÌuhurÌuhu jea. Mo retitauhi vara rÌa pa hitevosahia vara maurin God sei mo lo mauri na maurirÌa mo sohena sava, ale rÌa pete jelu moiso na varama peresi na nona posposi lumiha sei mo lo komo na mauri tamlohi hinia. 5 Ale matana, ha vaihitea rÌilangi vara ha sorÌotahi na nomim rasua peresi na posposi rÌuhu, ale nomim posposi rÌuhu peresi na levosahi, 6 ale nomim levosahi peresi na posposi mata hase taurilati kamim, ale nomim posposi mata hase taurilati kamim peresi na posposi turu rÌilangi, ale nomim posposi turu rÌilangi peresi na posposi sei God mo opoia, 7 ale nomim posposi sei God mo opoia peresi na nomim opoiopoi kamim, ale nomim opoiopoi kamim peresi na rÌomopoia vararÌuhu. 8 Vara ka lo ulua hin la posposi akerihi, ale la lo vua rÌuhu jea, i pa vujangia vara ka sopo toho purongo, ale nomim vavahinau mo lo ulua matan ka lo tutungui na lelevosahi isan norÌa Moli Iesu KrÌisto. 9 Pani vara tea mo sopo ulua hin la posposi rÌuhu sei, enia mo matavuso, ale mo sopo kilau vano rÌove, matan mo rÌomaliho vara God mo hoje narÌihi na nona hehe mata maurina tuai moiso. 10 Ale matana, la voraiku peresi na vevoraiku, ha vujangi mamahunia i memera vara God mo tovi kamim, ale vara mo virÌoni kamim vararÌuhu, matan vara ha lo vai la hinau rÌuhurÌuhu sei ha sopo erÌi tialahalaha hin te rani. 11 Matan hin malele sei God i pa vai na malele i roi i tavera jea vara ha pa unu hin mauri atu God mo aulu hinia sei mo lo toho jejeu, enia norÌa Moli, norÌa Jujuri Iesu KrÌisto. 12 Matana, tarea enau na opoia vara a lo vere rÌoharÌohai kamim hin la hinau rÌuhurÌuhu sei. Hina purongo vara ka pete levosahira moiso, ale ka lo turu rÌilangi na retivararÌuhu sei ka pete lavia moiso. 13 Pani na lo rÌomrÌomia vara mo tataholo vara a lo vere rÌoharÌohai kamim hinia nake na pa lo mauri, 14 matan na levosahia vara a pa mate i pa sopo tuai sohen norÌa Moli Iesu KrÌisto mo vujangi mo mera isaku. 15 Na opoia rÌilangi vara hitahu hin rani atu vara na vano, ha pa erÌi mele rÌomrÌomi la hinau sei. 16 Matan kamam kama sopo usuri te sorasora la vere mamahunia mata halu sei tamlohi la opoia vara la rongora hin rani atu kama lo vere mamahuni kamim na suiha peresi na mele mai non norÌa Moli Iesu KrÌisto, ale kamam kama hitea na matamam epena sei mo memera tavera hin rani atu. 17 Matan God Tama mo sile na oloolo peresi na hasohaso tavera isana, ale leo matea mo tai isan God na masapa mo memera tavera atu, ale leo sei mo mai isana mara, “Harihi enia Natuku na opoia mo tavera jea, ale enau na avulahi tavera hinia." 18 Kamam sohena, kama rongo leo atu mo tai na tuka, matan kamam kama lo toho peresia hin vutivuti tapu atu. 19 Matana, kama erÌi mele rÌomrÌilangi na retisohai nona prÌovet. Ha kilau mamahuni na sava la ulia matan nora reti la sohena lamu mo lo memera na jara rÌorÌoha i tikeli rani atu KrÌisto i mele pala hinia, ale sohena majou matea, merana rÌilangi i pa merasahi na mapumim. 20 Tiroma hinau mo aulu, enia vara ha lo levosahia vara mo sopo te retimangovi hatea i tai isana prÌovet na rÌomira hasera, 21 matan mo sopo te retimangovi hatea na Retitapu i malue na masalon te tamlohi, pani tamlohi la retireti sohena God mo opoia. Ale la retireti matan Tanume Tapu mo mangovira na retireti.