2 Thessalonians 2

1 Ale nake, mata mele mai non norÌa Moli Iesu KrÌisto peresi na norÌa pulutahi isana, la vorai peresi na vevorai, kama lo usi kamim 2 vara ha sopo hisuhisu na rÌomimim teni ha matahu matan ka rongo te reti non te tanume, teni te sorasora, teni te leta la verea vara mo tai isamam, mo lo verea vara rani non Moli mo mai moiso. 3 Ha sopo tinarÌihira vara tea i halu kamim hin te malele, matan rani atu i pa sopo erÌi mai, i tiroma hin rani tavera atu tamlohi la pa vaharÌi hin God hinia, ale rani pala nona tamlohi vaivaileu atu i pa usuria. Tamlohi atu, God i pa vaikomokomoa. 4 Enia i pa hase tahea aulu, ale i pa turuleji isana hinau tari sei tamlohi la tovira vara God teni te hinau mata lotu. Enia i pa sakele na lolo Temple, ale i verea vara enia God. Dan 11.36; Ezek 28.2 5 Ka rÌomaliho vara na vere kamim hin la hinau atu hin rani atu na pa lo toho peresi kamim? 6 Ale nake natu, ka levosahi na sava mo lo turuhoroa matan i pa sopo erÌi malue na jara tavera i tikeli rani atu God mo virÌonia matana. 7 Matan, suiha luhu atu mata vaivaileu mo pete voko moiso, pani i pa lo luhu i tikeli rani atu God i pa lavi narÌihi haratu sei mo lo turuhoroa nake. 8 Ale nake natu, haratu sei mo lo vaivaileu i pa pala, ale Moli Iesu i pa vilimateia na maromarona purongo, ale i pa vaikomokomoa na sasarami tavera hin rani atu vara i mele mai. Isa 11.4 9 Rani non tamlohi vaivaileu atu i pa pala na vavahinau non Setan, i pa pala na suiha tavera peresi na matamata halu tavera peresi na hina marÌurahi, 10 ale enia i pa vai na hina halu sasati tari matan vara i erÌi halu la haratu la lo vano na nora komokomo matan la rÌohu vara la rasu na retivararÌuhu sei i erÌi jurira. 11 Matana, God i pa sohai na hina haluhalu isara, matan vara la pa rasu la hinau haluhalu atu. 12 Matan vara enira mo isoiso la pa lavi na talai matan la sopo rasu na retivararÌuhu, pani matan la lo avulahi na hehe la lo vaira. 13 Pani mo tataholo vara tarea kama lo vere meje isan God matamim vorai peresi na vevorai sei Moli mo opoi kamim, matan God mo virÌoni kamim vara kamim ha pa juri tiroma hin malele sei Tanume Tapu mo lo vairÌa rÌa tapu hinia, ale matan ka lo rasu na retivararÌuhu. 14 God mo tovi kamim hin na nomam RetirÌuhu matan vara ha pa lavi na hasohason norÌa Moli Iesu KrÌisto. 15 Ale matana, la vorai peresi na vevorai, ha turu rÌilangi, ale ha taurilati vujangi sei kama lo vujangi kamim hinia moiso, na retireti teni hin te nomam leta. 16 Ale norÌa Moli Iesu KrÌisto hasena, God TamarÌa sei mo opoirÌa, ale na nona rÌomrÌuhu mo silerÌa na nanau matan tui tui peresi na rÌomtoho rÌuhu, 17 i pa nanau na mapumim, ale i turuhi rÌilangi kamim na vavahinau tari peresi na retireti rÌuhu.