2 Timothy 1

1 Enau Paul, vaharÌule non KrÌisto Iesu usuri na masalon God mo usuri na retitauhi mata mauri sei mo lo toho hin KrÌisto Iesu. 2 Na lo uliuli isam Timothy natuku rÌuhurÌuhu; God Tama peresi KrÌisto Iesu norÌa Moli la sile na nora rÌomrÌuhu, rÌomopoia peresi na tamata isam tarea. 3 Timothy, na vere meje isan God matam. Enia God sei na lo volitusi isana sohen piku tuai la lo vaia, na vaia, ale rÌomiku mo sopo tuvaiau hin te hinau, ale tarea na lo rÌomrÌomiho na noku usiusi vara na rani teni na vutepongi. 4 Na opoia mo tavera vara a mele hiteho, matan na lo rÌomrÌomi rani atu ko lo tangisiau, ale a pa avulahi tavera hin rani atu vara rÌa mele tapatapairÌa. 5 Na levosahi na nom rasua vararÌuhu, mo lo usuri na rasua non nom pua Lois peresi non nom nana Eunice. 6 Matan haratu, na lo mele vereho hin pa silesilea atu God mo lo silea isam hin rani atu na tau na limaku hiniho na lo verea vara o iriiria vara i lo pepe, 7 matan tanume atu God mo silerÌa hinia mo sopo mata matahu, pani mata suiha, opoia peresi na posposi mata hase taurilatiho. 8 Ale matana, o sopo mahanuhanu na vereulia non norÌa Moli, teni hiniau, matan na lo toho na ima rÌilangi, pani o pa tatamahu vara o lavi na rani rÌilangi mata RetirÌuhu hin suiha atu God mo silea. 9 Enia mo jurirÌa moiso, mo virÌonirÌa vara rÌa hahau na mauri tapu tarea. Mo sopo mata norÌa vavahinau, pani mata masalona peresi na nona rÌomrÌuhu mo silea isarÌa hin KrÌisto Iesu tiroma moiso, varama mo pa tapulo, 10 pani nake masalon God atu, mo mera na maurin norÌa Jujuri, KrÌisto Iesu, enia mo komo na suihan mateia, ale mo vuhesi mauri atu i pa sopo erÌi tihai hin te rani, sohena RetirÌuhu mo verea, 11 God mo virÌoniau matan vara a mai tamlohi retivujavujangi matea, a vaharÌule, ale a tamlohi vujangi matan RetirÌuhu atu. 12 Matana, na lo lavi na rani rÌilangi nike na ima rÌilangi. Pani enau na sopo mahanuhanu matana, matan na levosahi haratu na lo rasua, ale na levosahi mamahunia vara enia i pa erÌi tau mamahuni na sava mo retitauhi vara a pa lavia, i tikeli rani tavera atu a pa lavia. 13 O usuri mamahuni tovongi rÌuhu atu mata noku vujangi sei ko lo rongora isaku, mo usuri na tovongi mata rasua peresi na opoia hin KrÌisto Iesu. 14 na suihan Tanume Tapu atu mo lo toho hinirÌa, o matahi mamahuni retivararÌuhu rÌuhurÌuhu atu God mo silea isam. 15 Timothy ko levosahia moiso vara tamlohi tari nike na province matan Asia la vaharÌi hiniau, ale Phygelus peresi Hermogenes enira tatuara. 16 Na lo usi God vara i pa rÌomopoi na vao iman Onesiphorus, matan tarea mo lo vai na rÌomiku mo avulahi, ale matan mo sopo matahu vara i mai isaku na ima rÌilangi, 17 ale hin rani atu mo pala Rome mo lo aleau vavano mo pa tapaiau, 18 na lo usi Moli vara i rÌomopoia hin rani tavera atu. Ale ko levosahi mamahuni na nona vavahinau tari sei mo lo vaira mataku sei Ephesus.