Acts 22

1 Ale Paul mara, “La vorai peresi na vajiaha, ha tapurongo na sava a pa verea mata noku vavahinau." 2 Lara la rongoa vara mo lo retireti isara na leon tavtavuin Israel, la mele toho malum jea, ale mo verea mara, 3 “Enau Jew matea, na vora Tarsus hin Cilicia, pani na ulua hin taon tavera nike, na lavi na noku lelevosahi isan Gamaliel usuri na posposi tataholo mata leu nona norÌa pua, ale na lo rÌilangi hin God sohen kamim nahapani. 4 Na lo tipahi na tamlohi hin rasua sei, hai la mate na noku vavahinau, na liho na lamane peresi na harÌai na taura na ima rÌilangi, 5 sohen prÌis aulu peresi na tamlohi tari mata council la erÌi verea mataku. Na lavi na leta isara matan vara a lavia i vano isana vorairÌa Jew, Damascus. Ale na pa lo vano na maleleku matan vara a taurilatira ale a tiroma hinira la mai Jerusalem vara la lavi na talai nike, 6 ale na pa lo vano mariviti Damascus, korong alo mo posi moiso, ale vahatea purongo, memera tavera matea mo sasari rÌalihiau. 7 Ale na jovi sivo na lepa na rongo na leo matea mo verea isaku mara, ‘Saul, Saul, mata sava ko lo tipahiau?’ 8 Ale na rÌaramia nara, ‘Tamlohi tavera, engko hare?’ Ale mo verea isaku mara, ‘Enau Iesu pa mara Nazareth atu sei ko lo tipahia!’ 9 La haratu la lo toho peresiau la hite memera atu, pani la sopo rongovosahi na leon haratu mo lo retireti isaku. 10 Ale na usia nara, ‘A pa vai na sava Moli?’ Ale Moli mo verea isaku mara, ‘O turu o vano Damascus, hin jara atu la pa vereho na hinau tari sei na virÌoniho vara o pa vaira.’ 11 Ale matan na sopo mele erÌi kilau matan memera tavera atu, la haratu la lo toho peresiau la tiroma hiniau na vano Damascus. 12 Tamlohi matea hijana Ananias, mo lo lotu God tarea usuri na leu, ale Jew Damascus la verea vara enia tamlohi rÌuhu matea, 13 mo mai isaku, mo turu na pahisaku ale mo verea isaku mara, ‘Vorai Saul, o mele kilau!’ Ale vahatea purongo na kilau sahe na hitea. 14 Moiso mo verea mara, ‘God nona norÌa pua mo virÌoniho moiso, vara o pa levosahi na masalona vara o pa hite haratu mo Tataholo Jea, ale vara o pa erÌi rongo na retileu matea na jingona, 15 matan engko, o pa nona tuetueni isana tamlohi tari na sava ko hitea ale sava ko rongoa. 16 Ale nakerihi, ko lo saovi na sava? O turu, o lavi na paptijo, ale God i pa hoje narÌihi na nom hehe, o tau na nom rasua na hijan Moli.’ 17 Na rani na mele mai Jerusalem, ale na lo usiusi na lolo Temple, na hite na hinau matea sohena mavuho matea, 18 ale na hite Moli mo lo verea isaku mara, ‘O vila, o malue Jerusalem vila matan la pa sopo erÌi lavi na nom vereulia mataku.’ 19 Na verea isana nara, ‘Pani Moli, enira hasera la erÌi verea vara enau natu, na lo tau la haratu la rasuho na ima rÌilangi, ale na lo hamajira na ima lotu nona Jew tari. 20 Ale na rani nom tuetueni Stephen mo mate, na lo turu atu na majinga hinia, ale na lo kilau mamahuni na ruru non la haratu la lo vilia.’ 21 Ale mo verea isaku mara, ‘O malue Jerusalem, matan a pa rÌuleho o vano asau rÌove isana tamlohi rÌorÌoha!’" 22 Vao atu la lo tapurongo hinia mo tikeli reti sei Paul mo verea mara, ‘La haratu la tamlohi rÌorÌoha.’ Ale la ngaruhia lara, “Ha vilimateia! Mo sopo tataholo vara i lo mauri!" 23 La ngara ngara, ale la lo lanarÌihi na nora ruru peravu, ale la lo pulahi na tangotango aulu na masapa, 24 ale pa commander atu mo retileu vara la lavia i unu hin patu ima mata vuro atu. Mo vere na nona tamlohi vara la pa rupia na asi maja mata lavi na rÌarami nona retiusia, matan mo opoia vara i levosahia vara vao atu mo lo ngarahia mata sava. 25 Lara la rÌirahi Paul na jara mata tamaji na tamlohi moiso, Paul mo verea isana captain mata tamlohi vuro matea mo lo turu na pahisana mara, “Mo tataholo vara ha rupi na mara Rome matea na asi maja matea, pani ka sopo lo aria?" 26 Pa captain atu mara mo rongoa sohena, mo vano isan nona commander, ale mo verea isana mara, “Ko levosahi na sava ko lo tatamahu vara o vaia? Matan tamlohi nike enia mara Rome matea!" 27 Pa commander atu mo mai mo usia isan Paul mara, “O to verea isaku, vararÌuhu vara engko mara Rome matea?” Ale Paul mo rÌaramia mara, “He’e." 28 Ale commander atu mo rÌaramia mara, “Enau na jalahi na mania tavera matan vara a erÌi mai mara Rome matea.” Paul mara, “Pani enau, na vora mara Rome matea." 29 Ale la haratu sei la lo tatamahu vara la pa rupia na asi maja, la turu juha hinia vahatea. Pa patu tamlohi vuro aulu atu mo matahu matan mo levosahia vara Paul enia mara Rome tataholo matea, ale enia natu mo verea vara la lihoa. 30 Mo mele rani sahe, ale matan pa patu tamlohi vuro aulu atu mo opoia vara i levosahia i rÌuhu vara Jew la lo tuvai Paul mata sava, mo uli narÌihia ale mo retileu vara moli nona prÌis peresi na tamlohi tari mata council matan Jerusalem la mai jara matea. Ale mo lavi Paul ale mo vaia mo turu na nahora.