Acts 4

1 Ale Peter enia John la pa lo retireti isana tamlohi, prÌis peresi na patu tamlohi nona police mata Temple peresi na Sadducee hai la mai isara. 2 La lolokoru tavera hinira matan la lo vujangi na tamlohi, ale matan la lo retivujavujangia vara God mo sauteterahi Iesu na mateia. 3 Ale la taurilatira, la taura na ima rÌilangi mo tikeli na rani tinapua matan mo pete ravravi moiso. 4 Pani tamlohi matuvana hin la haratu la lo tapurongo isara, la rasua. Ale evin la tamlohi atu mariviti i tari vaha lima (5000). 5 Ale mo mele rani sahe, nora tamlohi aulu peresi na vajiahara peresi na tamlohi vujangi mata leu, la matavuhi jara matea Jerusalem, 6 peresi Annas sei prÌis aulu, ale Caiaphas, John, Alexander ale tamlohi tari sei la tai na vaon prÌis aulu. 7 Ale la vaira la turu na livuhara, ale la tapulo usira lara, “Ka vai hinau atu na sava suiha teni na hijan hare?" 8 Ale Tanume Tapu mo sohoni Peter mo verea isara mara, “Tamlohi aulu peresi na vajiaha; 9 vara ka lo usi kamam vara kama vai na hina rÌuhu isan tamlohi hariju nike sohena sava, 10 ale a pa verea i mera i rÌuhu isamim tari, ale isana tamlohi tari Israel, vara tamlohi nike mo rÌuhu na hija peresi na suihan Iesu KrÌisto mara Nazareth sei ka lo vosaea na talopeilopei, pani God mo sauteterahia na mateia. 11 Iesu akerihi natu enia, ‘Vatu atu kamim tamlohi voro ima ka tipahia, enia mo mai pulo vatu mata ima.’ Psa 118.22 12 Ale mo sopo mele te malele tinapua vara tea i erÌi juri hinia matan mo sopo mele te hija tinapua na varama vara God mo silea vara tamlohi la pa juri hinia." 13 Ale lara la hite na turu rÌilangi non Peter enia John, la marÌurahi tavera matan la levosahia vara la tamlohi nike la sopo lavi te lelevosahi isara, ale la vara enira la tamlohi purongo purongo, ale la pa hitevosahia vara enira la lo toho peresi Iesu tiroma. 14 Pani lara la hite tamlohi atu sei mo mele rÌuhu mo lo turu na pahisara, la sopo erÌi mele vere te hinau sati vano isara. 15 Ale lara la retileu vara la malue na nora matavuhi, ale la tapulo sorasorahia isara â 16 lara, “RÌa pa vai na sava isan la tamlohi nike? Matan la vai na matamata tavera matea na naho tamlohi tari Jerusalem, ale rÌa sopo erÌi vunvunia. 17 Pani matan vara rÌa opoia vara rÌa horora vara la sopo mele retivujavujangia isana tamlohi, rÌa pa retirÌoarÌoahaira vara la sopo mele vujangi hin Iesu isan tea." 18 Ale la tovira la mele mai la turu na nahora, ale la silera na reti rÌilangi matea vara la sopo mele retireti teni la vujangi na hijan Iesu. 19 Pani Peter peresi John la rÌaramira lara, “Vara ka hitea mo tataholo vara kama oloolo hin kamim, pani mo sopo hin God, ha to kilausuria; 20 matan kama sopo erÌi isoiso na nomam retireti na sava hina rÌuhu kama hitea, ale na sava kama rongoa moiso." 21 Matavuhi atu la mele sile na reti rÌilangi tinapua hai isara, pani la tinarÌihira la malue matan la sopo levosahia vara la pa sile na talai isara sohena sava matan vara la vaia vao tamlohi atu la pa lolokoru matan la lo hasohaso God matan matamata tavera atu. 22 Matan matamata tavera atu mo masese hin tamlohi atu mo hariju mata tauni mo jeu mo ngavulu vati moiso. 23 Peter enia John lara la malue isara, la mele vano na vaora mata tamlohi rasua, ale la verera na hinau tari sei la prÌis aulu atu peresi na vajiahara la verea isara. 24 Lara la rongo la hinau atu, enira mo isoiso la tahe na leora, la usiusi isan God na rÌomrÌomi matea purongo ale lara, “Moli aulu na hinau tari, engko ko vai na tuka peresi na varama, na tasi ale hinau tari sei la lo toho na lolora. 25 ko verea tuai na Tanume Tapu na retireti non nom volitusi supe David nomam pua vara, ‘Mata sava tamlohi rÌorÌoha la lo lolokoru patura, ale mata sava tamlohi la lo hatihia vara la pa vai na hinau rongorongo vono? 26 Matan supe mata varama la turu jara matea, ale tamlohi aulu la matavuhi jara matea, matan vara la turuleji hin Moli God peresi na nona KrÌisto.’ Psa 2.1â2 27 Matan Herod enia Pontius Pilate, peresi na tamlohi rÌorÌoha, peresi na tavtavuin Israel la matavuhi jara matea hin taon tavera nike, la turuleji hin nom volitusi tapu Iesu, haratu ko virÌonia mata juri na tamlohi. 28 VararÌuhu hinau tari la masese usuri na masalom, peresi na nom rÌomrÌomi tavera sei ko taua vara i pa sohena tiroma moiso. 29 Ale nake Moli, o tapurongo na nora retireti leji, ale o vai na nom volitusi la vere na nom retisohai i sopo te matahu hinira, 30 ale o sohai na suiha mata vai na rojoa i tihai, ale vara matamata tavera peresi na hinau marÌurahi la pala na hijan nom volitusi tapu Iesu." 31 La usiusi mo isoiso, ale jara atu sei la lo matavuhi ea mo hutehi, ale enira mo isoiso Tanume Tapu mo sohonira, ale mo tapulo hin rani atu mo vano, la retivujavujangi na retisohai non God, ale mo sopo te matahu hinira. 32 Vao tamlohi rasua atu rÌomira mo matea purongo, ale mo sopo tea isara i erÌi verea vara nona hinau enia nona hasena, pani nora hinau tari enira nora mo isoiso. 33 Retivujavujangi non la vaharÌule atu mata sauteterahi non Moli Iesu mo suiha. Ale God mo lerÌuhu hinira mo isoiso mo tavera jea 34 matan mo sopo tea isara i vejuveju hin te hinau, matan la haratu sei nora lepa teni imara, la arÌehira ale la lavi na volira, 35 moiso la taura na lima vaharÌule, moiso la asera isan la haratu la vejuveju hin te hinau. 36 Ale vonara matea enia Joseph, tapala hijana vaharÌule la silea isana enia Barnabas, rÌaramin hija sei enia ‘Tamlohi mata Retituetueni’, enia mara Cyprus matea mo tai na vao Levi na tavtavuin Israel. 37 Ale mo arÌehi na nona lepa matea, ale mo lavi na volina mo mai mo silea isana vaharÌule.