Colossians 1

1 Enau Paul, enau vaharÌule matea non KrÌisto Iesu na masalon God, peresi Timothy, enia vorairÌa, 2 enau na lo uli leta nike isana tapuhi non God la vorai kalesia sei la rÌomturu rÌilangi hin KrÌisto atu Colossae, rÌomrÌuhu isamim peresi na tamata mo tai isan God TamarÌa. 3 Tarea kama lo vere meje isan God, Taman norÌa Moli Iesu KrÌisto na rani kama lo usiusi matamim, 4 mo tapulo na rani kama rongo na sorasora mata nomim rasua hin KrÌisto Iesu peresi na nomim opoia isana tapuhi non God, 5 ka lo vaia sohena matan ka rÌomtoho na hinau God mo taua na tuka matamim, hara sei ka rongoa moiso na retivararÌuhu na RetirÌuhu, 6 RetirÌuhu sei mo mai isamim, enia mo vano rÌalihi na varama, mo lo vua mo posi na tamlohi, ale mo talulu, sohen mo vaia isamim mo tapulo hin rani atu ka rongoa, ale ka levosahi mamahuni na rÌomrÌuhu non God, 7 sohen ka hitevosahia moiso isan Epaphras, vorairÌa volitusi tinapua sei na nona vujangi na RetirÌuhu isamim, enia mo lo rÌomturu rÌilangi na vavahinau non KrÌisto matamim, 8 ale mo verea isamam sohena sava opoia non Tanumen God mo lo toho isamim. 9 Ale matana, mo tapulo hin rani atu kama rongoa, kama lo usiusi tarea matamim, kama lo usia vara, Tanumen God i sile kamim, na lelevosahi peresi na levosahi tari, matan vara ha pa levosahi mamahuni na masalon God, 10 matan vara ha pa hahau na mauri rÌuhu, sohena God mo avulahi hinia, ale ha vua na nomim vavahinau rÌuhu tari, moiso matana, ha pa levosahi God i mele rÌuhu jea. 11 Kama lo usiusi vara ha pa rÌilangi na suiha tari na nona suiha tavera rÌuhurÌuhu jea matan vara ha pa turu rÌilangi na nomim rÌomperavu peresi na nomim rani rÌilangi, ale na posposi mo avulahi rÌuhu, 12 ha vere meje isan Tama matan enia mo vai kamim ka tataholo vara ha lavi hinau atu God mo taua moiso mata nona tapuhi, haratu la mauri hin malarani atu retivararÌuhu mo lo silea, 13 God enia mo jurirÌa na suihan rÌorÌoha, ale mo lavirÌa rÌa mai hin mauri atu non Natuna sei God mo aulu hinia, 14 Ale hinia, God mo volituhurÌa, mo rÌomi na norÌa hina sasati. 15 Natun God enia niniun God, haratu rÌa sopo erÌi hitea, enia mo vora tiroma non God, ale mo aulu na vavahinau tari non God, 16 matan KrÌisto mo vai na hinau tari la pala, hinau tari na tuka peresi na varama, la haratu rÌa erÌi hitera peresi la haratu rÌa sopo erÌi hitera, suihan supe aulu teni suihan moli, teni tamlohi aulu, teni la haratu la lo tauri na suiha, hin Natuna, hinau tari la pala na nona suiha matan vara la oloolo hinia, 17 ale enia mo tiroma na hinau tari, ale hinia, hinau tari la lo toho la sorÌotahi mo rÌuhu. 18 Enia patu epena, epena enia vao kalesia tari, enia mo tiroma, enia mo tiroma hin la haratu la pa turu na mateia, matan vara enia i pa tiroma i aulu na hinau tari, 19 matan God mo avulahi vara enia i lo toho vevuhi hin Natuna, 20 ale hinia, God mo sari tamata na hinau tari na tuka peresi na varama na rÌaena na nona talopeilopei matan vara la pa toho na ruhuruhuna. 21 Ale tiroma moiso kamim ka vinano isan God, ale ka nona meresahi mata rÌomimim la vai kamim ka vai na vavahinau sasati, 22 ale nake natu, mo sari tamata na epena na nona mateia, ale mo vai kamim ka tapu ka vokevoke, ale tea i sopo erÌi tuvai kamim na nahon God, 23 vara tarea ha lo tauri rÌilangi na nomim rasua, vara ha sopo tinarÌihi na nomim rÌomtoho na retitauhi mata RetirÌuhu sei ka rongoa moiso, hara sei la lo retivujavujangia isana tamlohi tari na varama, hara sei enau na mai na volitusi matana. 24 Nake na lo avulahi matan vara na epeku a lavi na rani rÌilangi matamim, na lo marÌivisi na sava mo vejuveju na rongohaji non KrÌisto na noku vavahinau na lo vaia mata epena, epena enia vao kalesia tari, 25 hara sei God mo tauau vara a mai nona volitusi matana, mo virÌoniau matamim vara a vereuli vevuhi na Reti non God isamim, 26 ale rÌomrÌomi luhu atu God mo jarohia tuai tuai isana mahapi tamlohi, pani nake mo vujangia isana nona tapuhi, 27 isana tapuhi natu, God mo hatihia vara i vujangi na nona rÌomrÌomi luhu mata nona rÌomrÌuhu i malue na jara tavera matan vara tamlohi rÌorÌoha la pa levosahia vara mo rÌuhurÌuhu jea sohena sava, rÌomrÌomi luhu sei enia harihi: KrÌisto mo lo toho hin kamim, enia pulo rÌomtoho atu mo verea vara ha pa lavi na oloolo tavera jea peresia, 28 na lelevosahi atu Tanumena mo lo silea, kama lo retivujavujangi hin KrÌisto, ale kama lo retirÌoarÌoahai isana tamlohi tari, ale kama lo vujangi na tamlohi tari, matan kama opoia vara kama pa sile na tamlohi tari isan God la jea hin KrÌisto. 29 Matan harihi, enau na lo vavahinau rÌilangi na malele tari a erÌi vaia, pani na lo vaia na suihan KrÌisto mo lo vavahinau rÌilangi hiniau.