Ephesians 2

1 Tiroma ka mate mata nomim lejileji peresi na hehe sei 2 ka lo toho hinira usuri na malelen varama nike nake, usuri na masalon Setan, enia supe rihirihi rÌilangi atu sei mo aulu na masapa, natu mo lo voko na mapun la haratu sei la rÌohu vara la oloolo hin God. 3 EnrÌa rÌa sohera tiroma, rÌa lo hahau usuri na masalorÌa, ale rÌa loloso na masalorÌa sei mata eperÌa peresi na rÌomirÌa, ale rÌa vora rÌa natu talai lolokoru non God mata hehe sohena tamlohi tari tinapua. 4 Pani God, na nona rÌomopoia tavera jea, mo opoirÌa mo tavera jea, 5 mo sorÌotahirÌa peresi KrÌisto ale mo silerÌa na mauri paro, hina purongo vara enrÌa rÌa pa lo toho na mate mata norÌa lejileji â God mo juri kamim usuri na nona rÌomrÌuhu. 6 Matan God mo sauteterahirÌa na mateia peresi KrÌisto, ale mo sakelehirÌa peresia na tuka matan enrÌa rÌa matea peresi KrÌisto Iesu, 7 mo vaia matan vara hin la pongi sei la pa mai, i pa vujangia vara nona rÌomrÌuhu mo tavera jea sohena sava isarÌa usuri na nona rÌomrÌuhu tari hinirÌa hin KrÌisto Iesu. 8 Matan kamim ka lo juri usuri na nona rÌomrÌuhu na rasua, kamim hasemim ka sopo vaia, God sei mo sile purongoi otori nike isarÌa; 9 mo sopo juri kamim mata nomim vavahinau, mo vono matan vara tea i sopo erÌi mangisi matana. 10 Matan enrÌa vavahinau non God, mo vairÌa rÌa mai hina paro matea hin KrÌisto Iesu matan vara rÌa pa vai na vavahinau rÌuhu sei God mo tatamahunira tiroma moiso matan vara rÌa pa hahau hinira. 11 Matan haratu, na opoia vara kamim sei ka vora tamlohi rÌorÌoha, ha to rÌomrÌomia sohena sava ka lo toho tiroma, ale Jew la lo verea vara kamim ka sopo tatuara matan ka sopo tairÌalihi sohera, hinau sei tamlohi la lo vaia na epera purongo pani mo sopo tueni na mapura, 12 ale ha sopo rÌomaliho vara hin la rani atu ka lo toho pani mo sopo te nomim KrÌisto, ka lo toho ka sopo tatua vao tavtavuin Israel, ale ka vinano na nora retitauhi mata lerÌuhu non God, ale mo sopo te nomim rÌomtoho, ka lo toho na varama pani ka sopo levosahi God. 13 Pani nake hin KrÌisto Iesu, kamim sei tiroma ka lo toho asau rÌove isan God, God mo lavi kamim ka mai mariviti isana na rÌaen KrÌisto Iesu. 14 Matan KrÌisto natu, mo tau na tamata isamam Jew peresi kamim tamlohi rÌorÌoha, mo vairÌa rÌa mai vao matea. Nona mateia mo vilijojovi vorÌa tavera mata hitesatihi na tinapua sei mo lo turu na livuharÌa, ale mo lo vairÌa rÌa lo meresahi, 15 na nona mateia mo vai na leu tari nona Jew la isoiso. Mo vaia matan vara i vai na vao tamlohi paro matea i malue hin la haratu mo rua mata nona sari tamata, 16 ale KrÌisto mo vaira la epe matea, mo sorÌotahira jara matea isan God na nona mateia, ale hinia, mo vilimatei na norÌa hitesatisatihirÌa. 17 Ale mo mai ale mo retivujavujangi na tamata isamim sei tiroma ka lo toho asau rÌove hin God, ale tamata isan la haratu la lo toho mariviti, 18 matan vara hin KrÌisto enrÌa tolu rÌa pa erÌi mai isan God Tama na Tanumena sei mo matelete purongo. 19 Ale nake ka sopo mele vinano teni tamlohi mata jara tinapua. Pani ka tamlohi hin jara atu tolu na nona tapuhi, ka tamlohi lolo iman God. 20 EnrÌa rÌa imana, rÌa lo turu na pulon ima sei God mo vaia na nona vaharÌule peresi na prÌovet matan nake, ale KrÌisto Iesu natu enia pulo vatu matan ima atu. 21 Hinia, ima tari la lo sorÌotahi mamahu mo rÌuhu, la ulua la mai temple tapu matea hin Moli sei 22 kamim sohena, God mo lo voro kamim ka mai jara matea vara ha mai jara toho matea non Tanumen God.