Ephesians 4

1 Matan haratu, enau prisoner matea non Moli, na lo usia rÌilangi vara ha hahau na malele mo tataholo na nahon God usuri mauri atu mo tovi kamim matana. 2 Ha rÌomatano, ha rÌuhu isana tinapua, ha rÌomperavu isamim hatehateahi, na opoia ha rÌomrÌomi purongo na hinau sei tinapua la jovi hinira. 3 Tanume Tapu mo sorÌotahi kamim moiso, ale ha hahau na tamata matan vara ha pa matea. 4 EnrÌa mo isoiso rÌa epe matea, ale enrÌa mo isoiso rÌa lavi na Tanume Tapu matelete purongo, ale enrÌa mo isoiso God mo tovirÌa matan mauri rÌuhurÌuhu atu na rani mo lo mai. 5 Moli enia matelete purongo, rasua matea, paptijo matea, 6 ale God matelete purongo, enia TamarÌa sei enia mo aulu hinirÌa mo isoiso, ale mo lo toho hinirÌa mo isoiso, ale mo lo vavahinau hinirÌa mo isoiso. 7 Pani KrÌisto mo silerÌa hatehateahi na vavahinau rÌuhu usuri na masalona rÌuhurÌuhu. 8 Matan Retitapu mo verea tuai moiso vara, ‘Rani atu mo sahe aulu na tuka, mo tiroma na vao matea mo terira, ale mo sile na otori isana nona tamlohi.’ Psa 68.18 9 Reti sei ‘mo sahe aulu’ mo lo rÌarami na sava? Mo rÌaramia vara enia mo sivo na lolo varama tiroma. 10 Haratu sei mo lo sivo atano na lolo varama enia haratu sei mo sahe aulu vara i aulu na hinau tari na tuka. 11 Enia haratu sei mo sile na tamlohi hai isana vao kalesia sohena vaharÌule, hai sohena prÌovet, hai la evangelist, hai la tavui kalesia, ale hai la tamlohi vujangi. 12 Nora vavahinau enia matan vara la pa erÌi vujangi mamahuni na tapuhi, matan vara la erÌi vai na vavahinau non God, ale enia vara la vai na epen KrÌisto sei enrÌa kalesia tari, la ulua i rÌilangi, 13 vavano i tikeli na rani enrÌa mo isoiso rÌa matea na rasua peresi na lelevosahi hin Natun God. Ale rÌa mai tamlohi jea na rÌomrÌomi, ale rÌa ulua rÌa sohen KrÌisto vevuhi. 14 Moiso rÌa pa sopo mele sohena natuvarihi sei tarea rÌomira la sopo levosahi mamahuni na sava la lo rasua. Ale la rÌomkaka matan tea mo vere te hinau tinapua isara teni te reti nona tamlohi vujangi haluhalu sei mo vai halu atu la rongoa sohena retivararÌuhu matea isara. 15 RÌa pa sopo sohera pani rÌa lo taurilati na retivararÌuhu na opoia, ale na hinau tari rÌa pa ulua hin KrÌisto sei enia patu epena. 16 Epena tari la lo ulua na limana purongo, la lo sorÌotahi mo rÌuhu matan manmanina tari la lo taurilatira jara matea. Vara kalesia hatehateahi la vai na rÌungara vavahinau, pa epena mo ulua na opoia. 17 Ale na lo verea rÌilangi isamim na hijan Moli vara ha sopo mele hahau sohena tamlohi rÌorÌoha sei nora rÌomrÌomi mo rongorongo vono. 18 Nora rÌomrÌomi rÌorÌoha, mo lo toho asau rÌove na maurin God matan mapura mo rÌilangi ale mo horora vara la sopo erÌi lelevosahi. 19 Matan la sopo erÌi mele mahanuhanu hin te nora hehe, la pute na nora mauri maji, ale la lo rÌomrÌomjea vara la vai na posposi lumiha sasati tari. 20 Pani hin rani atu ka tau na nomim rasua hin KrÌisto, la sopo vujangia vara ha mauri sohena, 21 na levosahia mo rÌuhu vara ka pete rongo te hinau matana moiso, ale ka sorÌotahi peresi Iesu usuri na retivararÌuhu sei la vujangia isamim moiso. 22 La vujangia isamim tiroma moiso vara ha tau narÌihi na nomim mauri tuai mata hehe sei la posposi lumiha sasati sei mata halu la vaia mo lo ranga jea, 23 ale ha tinarÌihia vara Tanumen God i posi na rÌomimim peresi na nomim kilakilau la paro. 24 La vujangia isamim vara ha ru na mauri paro sei God mo vaia usuri na masalona, mo tataholo, mo tapu ale mo vararÌuhu. 25 Matan haratu, ha isoiso na halu sohen prÌovet matea mo verea mara, ‘kamim hatehateahi ha retireti tataholo isana tahisamim’ Zec 8.16 matan enrÌa rÌa norÌa hatehateahi. 26 ‘Vara ka lolokoru, ha sopo hehe!’ Psa 4.4 Ha sopo tinarÌihia vara pulo nomim lolokoru i aulu hin kamim i peravu, 27 vara i vono, ha pa sile na masapa isan Tiapolo vara i aulu hin kamim. 28 Vara engko tamlohi vavanaho matea, o isoiso na vavanaho. O tapulo hani na masumasum, ale o hansohai isan la haratu la vejuveju. 29 Ha sopo tinarÌihia vara te reti sasati hatea i malue na jingomim, pani ha pa lo vere na reti rÌuhu purongo matan vara la erÌi tueni la haratu la lo rongora. 30 Ale ha sopo vai na Tanume Tapu non God i rongo i sati na sava ka lo vaia, matan enia natu mo tapuhi kamim moiso matan rani atu God i pa juri kamim hinia. 31 Ha pulahi narÌihi na nomim posposi hohona, lolokoru sati, lolokoru, ngaruhi na tinapua, retirÌerÌesi na tinapua, ale ha pulahi narÌihi na posposi sasati tari la sopo toho na maurimim. 32 Pani ha vai na posposi rÌuhu isamim hatehateahi, ha rÌomopoi, ha rÌomi kamim hatehateahi sohen God hin KrÌisto mo rÌomi kamim.