Hebrews 12

1 Ale matan rÌa erÌi hite vao tavera atu matan tuai sei la tovongi rÌuhu mata rasua, la lo turu rÌalihirÌa mata vujangi mauri atu mata rasua isarÌa nake. Ale matana, mo rÌuhu vara rÌa pulahi narÌihi na hinau tari sei la lo puhonirÌa ale la vairÌa rÌa sopo erÌi maro rÌilangi, rÌa pulahi narÌihira peresi na hehe sei la lo kaluti hinirÌa, matan vara rÌa erÌi maro peravu hin maro matan mauri nike mo lo toho na nahorÌa. 2 Ale rÌa erÌi vaia vara rÌa lo kilau isan Iesu sei enia pulo norÌa rasua na tapulona mo tikeli na isoisona. Matan enia mo avulahi vara i lavi na mateia mata mahanuhanu na talopeilopei, matan mo levosahia vara hitahunia i pa avulahi tavera matana. Nake mo lo sakele na jara oloolo tavera mo jeu na tinapua na pahisa jara sakele mata supe non God na tuka. 3 Ha to rÌomrÌomi na rani rÌilangi tari mo lavira sei hin rani atu tamlohi hehe la vai na hina sasati jea isana, ha rÌomrÌomia matan vara ha sopo malokoloko, ale ha tinarÌihi taleu na nomim rasua hinia. 4 Ale kamim ka sopo lo tikeli jara atu vara ha pa mate matan ka lo valum peresi na hehe na nomim turu rÌilangi mata turuhoroa. 5 Ale ka pete rÌomaliho moiso na retituetueni non God isamim, la natuna? Mo verea mara, ‘Natuku, o sopo kilau purongoi vara Moli mo vujangiho matan te hinau ko vaia mo sopo rÌuhu. Teni rÌomim i sopo sati matana, 6 matan Moli mo lo vujangi la haratu mo opoira, ale mo lo reti tataholo isana natuna tari sei mo lavira.’ Prov 3.11â12 7 Vara God mo lo vujangi kamim matan te hinau ka vaia mo sati, ha lo rÌomrÌomia vara God mo lo vaia sohena matan kamim ka natuna tataholo. Sava natirihi mo vai na hina sati matea, pani la sopo vujangia matana? 8 Vara God mo sopo vujangi kamim matan te hinau ka vaia mo sati sohen mo lo vaia isana natuna tari, mo rÌaramia vara kamim natu malele, ale kamim ka sopo natuna tataholo. 9 Vara tarea rÌa lo oloolo na tamarÌa mata varama sei la lo vujangirÌa matan te hinau rÌa vaia mo sati, i pa mele rÌuhu jea vara rÌa avulahi mata lavi na vujangi sei TamarÌa na tuka mo lo silea matan te hinau rÌa vaia mo sati matan vara rÌa pa toho jejeu. 10 Matan tamarÌa mata varama la vujangirÌa matan norÌa hina sati mata tauni mo visalete purongo usuri na nora lelevosahi. Pani vujangi non God matan te hina sati isarÌa, enia tarea mo tataholo, ale enia mo rÌuhu matan mo vaia matan vara rÌa pa lavi maurina atu sei mo tapu. 11 Na rani rÌa lo lavi na vujangi matan te hinau rÌa vaia mo sati, mo sopo rani matea mata avulahi pani rÌa rongo mo sati matana. Pani hitahu, vuana enia tamata peresi na mauri tataholo isan la haratu la ulua hinia. 12 Ale matana, ha vai na limamim sei la malokoloko sati moiso vara la mele tautauri i rÌilangi, ale ha turu tataholo i rÌilangi na jaramim, hina purongo vara palomim la lo savaravara. 13 Ha hahau na malele tataholo, matan vara la haratu la lo usuri kamim, hina purongo vara la malokoloko, teni la pakajangjang moiso, la pa sopo erÌi tialahalaha vara la jovi, pani la pa mele rÌilangi. Prov 4.26 14 Ha vaihitea vara ha toho na tamata peresi na tamlohi tari, ale ha alea vara ha toho na mauri vokevoke sei mo tapu, matan la haratu sei la sopo tapu, la pa sopo erÌi hite Moli. 15 Ha kilau mamahuni kamim hatehateahi, matan vara te vonamim i pa sopo erÌi jovi narÌihi na rÌomrÌuhu non God. Ha sopo tinarÌihia vara te rÌomrÌomi sasati mata vaharÌi na rasua i malue hin kamim, vara i vono, i pa komo na vao tavera na honana, ale la pa jovi matana. 16 Ha sopo tinarÌihia vara tea i vai na posposi maji, teni i usuri na posposi varama sohen Esau. Enia mo sile na korun tamana tataholo isan tasina mata peleti hanhani matelete purongo. 17 Ale hitahuna, mara mo opoia vara i lavi na lerÌuhu non tamana, tamana mo rÌohu hinia. Hina purongo vara mo tangisia, pani i sopo erÌi mele posi na sava mo lo toho moiso. 18 Matan kamim ka sopo mai isan God sohena tavtavuin Israel tuai la lo vaia hin rani atu la lavi na leu isan God na vutivuti Sinai sei mo tapu vara la tikelia, teni na pepe hapu tavera sei mo lo hani aulu hin vutivuti atu, teni na rÌorÌoha tavera jea ea, teni na langi poripori tavera ea. 19 Matan la rongo na roroa trumpet tavera matea peresi na leo matea sei mo lo sile na retisohai matea. Ale mo vaira la tangi vara God i pa sopo mele retireti! 20 La rongoa vara nona retileu mo rÌilangi jea matan mo verea mara, ‘Hina purongo vara te maji palo vati purongo hatea, i tikeli pulon vutivuti nike, ha pa parumateia’. Exo 19.12â13 21 Moses sohena, matahu tavera mo sohonia na sava mo hitea ale mara, ‘Na matahu tavera, ale na savaravara’. Deut 9.19 22 Pani kamim ka mai na Vutin Zion, taon tavera non God mauri, Jerusalem matan tuka, ale ka mai isana vao angelo tavera sei la lo pulutahi na nora avulahi tavera. 23 Kamim ka mai na pulutahi nona vora tiroma non God sei hijara la ulia na tuka. Kamim ka mai isan God, hara sei i pa ari na tamlohi tari. Ale ka lo mai isana tanumen la haratu na tuka sei God mo volituhura moiso, ale mo vaira la tataholo rÌuhu na nahona. 24 Ka mai isan Iesu, hara sei mo lo turu na livuhan God peresi na tamlohi matan retitauhi paro nike, ale ka mai na rÌaena sei la turusia mata rÌomi na hehe, mo sopo sohena rÌaen Abel sei mo lo tangi isan God vara i sile na talai matana. 25 Ha lo kilau mamahunia vara ha oloolo hin God, hara sei mo lo retireti isamim. Matan, vara tavtavuin Israel la sopo erÌi rovo hin rani atu la rÌohu vara la tapurongo hin Moses sei vaharÌule matea enia tamlohi purongo, i pa mele sati jea vara rÌa rÌohu hin haratu mo lo retireti isarÌa sei mo tai na tuka! 26 Hin rani atu God mo retireti isara na vutin Sinai, leona mo hisuhi na varama. Pani nake mo mele vai na retitauhi tinapua matea mara, ‘Mele vahatea, a pa sopo hisuhi na varama purongo, pani a pa hisuhi na tuka peresia’. Hag 2.6 27 Haratu mo rÌaramia vara hinau tari na varama la pa hutehutehi, matan vara hinau matan tui tui purongo, la pa lo toho jejeu. 28 Ale matan rÌa pa lavi mauri atu God mo aulu hinia sei i pa sopo erÌi rÌovo, mo rÌuhu vara rÌa vere meje isana, ale rÌa vai God i avulahi na norÌa lotua na oloolo sei mo vairÌa rÌa sile na oloolo tavera jea isana. 29 Matan norÌa God enia hapu tavera jea matea mata suli vevuhi na hinau tari. Deut 4.24