Hebrews 7

1 Melchizedek nike enia supe mata taon tavera matan Salem, ale enia PrÌis Aulu non God sei mo aulu jea. Hin rani atu Abraham mo lo mele mule na vuro tavera matea mo vaia peresi na supe matuvana, ale matan mo jeua, Melchizedek mo malue mo vano vara i tapaia ale mo lerÌuhu hinia. 2 Ale Abraham mo sile na sangavulu hinau tari sei mo lavira na vuro isan Melchizedek. RÌarami hijana enia ‘Supe Mata Ari Tataholo’. Ale enia sohena mo supe mata tamata matan rÌaramin Salem enia ’tamata’. 3 Tea mo sopo levosahi tamana teni tinana teni te tahisana, mo sopo te tapulo teni isoiso maurina. Enia mo lo toho jejeu sohena prÌis matea, mo sohen Natun God. 4 Ha to rÌomrÌomia vara Melchizedek mo aulu sohena sava, matan Abraham hina purongo vara enia mo pulo vaon Israel, mo hitevosahia sohena sava Melchizedek mo mele aulu hinia, ale Abraham mo silea na sangavulu hinahinau sei mo lavira na vuro isan Melchizedek. 5 Ale prÌis matan Israel la tai na vaon Levi, Leu non Moses mo retileu vara la pa lavi na sangavulu hinau isana tahisara, hina purongo vara la mahapin Abraham sohera. 6 Pani Melchizedek, hina purongo mo sopo tahisan Levi, mo lavi na sangavulu hinahinau isan Abraham. Ale Melchizedek mo tau na lerÌuhu matea isan Abraham, Abraham mo pete lavi na retitauhi isan God moiso. 7 Ale mo sopo te retiusia hatea vara hare mo mele aulu: haratu mo lo sile na lerÌuhu enia mo aulu mo jeu haratu mo lo lavi na lerÌuhu. 8 RÌa levosahia vara tamlohi la lo sile na sangavulu hinahinau isana prÌis nona tavtavuin Israel sei la tamlohi purongo ale la pa mate hin te pongi. Pani Melchizedek mo mele aulu mo jeura matan rÌa rasua vara mo pa lo mauri. 9 Ale aulu hin haratu rÌa erÌi verea vara mahapin Levi, la haratu sei la lo lavi na sangavulu hinahinau, la lo sile na sangavulu nora hinahinau isan Melchizedek hin nora pua Abraham. 10 Hina purongo vara Levi mo sopo lo vora hin rani atu, enia mo lo toho na epen Abraham moiso hin rani atu sei Melchizedek mo lo lavi na sangavulu hinahinau isan Abraham. 11 Ale vara prÌis na vaon Levi la erÌi vai vevuhi na masalon God, ale enira la prÌis usuri na leu, mata sava natu God mo mele sohai na prÌis tinapua matea mo sohen Melchizedek, ale mo sopo lavia isana mahapin Levi sohen Aaron sei tasin Moses? 12 Ale vara la haratu la lo tauri na vavahinau nona prÌis la sopo mele tauria matan God mo mele virÌoni na tinapua, leu sohena i pa posi matan vara i majinga hinia. 13 Matan haratu sei rÌa lo retireti hinia, enia mo malue na tavtavui tinapua matea, mo sopo isan Levi sei la lo volitusi na votavota na lolo Temple. 14 Ale mo memera vara norÌa Moli Iesu enia tavtavuin Judah matea, pani rÌa levosahia vara Moses mo sopo verea vara te tavtavuin Judah matea i erÌi mai prÌis matea. 15 Ale nakerihi mo memera vara KrÌisto enia natu prÌis tinapua atu i pa pala mo sohen Melchizedek. 16 Mo mai prÌis matea mo sopo tai na tavtavuin Levi usuri na Leu, pani mo usuri na suihan mauri atu non God sei i pa sopo erÌi mate hin te rani. 17 Ale David sei mo lo uli na psalm mo pisuhia hin rani atu God mo lo retireti hin KrÌisto mara, ‘Engko o pa prÌis matea tui tui, sohen Melchizedek.’ Psa 110.4 18 Enjora, leu atu matan tuai mata prÌis, God mo tau pahipahia matan i sopo erÌi mele vai te hinau matan mo sopo mele rÌuhu matan te hinau hatelete. 19 Matan leu mo sopo erÌi vai tea i mai i tataholo na nahon God, ale nake rÌomtoho matea mo mele rÌuhu jea mo pete lavi na jarana moiso, matan hin KrÌisto rÌa erÌi mai mariviti isan God. 20 God mo retitauhi na hijana hasena vara KrÌisto i pa prÌis jejeu, pani mo sopo verea isan te prÌis tinapua. 21 Pani isan Iesu hasena purongo God mo verea mara, ‘Moli God mo vai na retitauhi matea na hijana hasena, ale i pa sopo erÌi tope na nona retitauhi nike: Engko o pa prÌis matea matan tui tui.’ Psa 110.4 22 Matan God mo vai retitauhi atu na hijana hasena, ale matan Iesu mo lo toho hinia, retitauhi rÌuhu nike mo mele rÌuhu mo jeu retitauhi tuai atu mata Leu, matan i pa vai na sava God mo taua matana. 23 Ale mele hinau tinapua matea hin hinau nike, enia vara tuai prÌis mo marÌivi, ale vara matea mo mate nona vavahinau mo hilu atu, ale tinapua i pa mele lavi na jarana. 24 Pani Iesu i pa lo toho sohena prÌis jejeu; matan nona vavahinau mata prÌis i pa sopo isoiso hin te rani. 25 Matan haratu enia i erÌi juri na tamlohi tari sei la lo mai isan God mo vaia vahatelete purongo matan tui tui. Enia mo lo mauri jejeu matan vara i pa lo turu na nahon God mata i usiusi matara. 26 Iesu enia PrÌis Aulu tataholo sei rÌa opoia matan enia mo tapu ale tea i sopo erÌi tuvaia hin te hinau, mo sopo te hehe isana. Nake God mo tauhasehia isana tamlohi hehe, ale mo silea na jara aulu mata oloolo mo jeu na tinapua na tuka. 27 Ale enia i pa sopo sile na malamalai na rani hatehateahi sohena prÌis aulu tinapua la lo vaia. Enira la vaia mata nora hehe tiroma moiso la pa vaia mata hehe nona tamlohi tinapua. Pani Iesu mo vaia vahatelete purongo matan tui tui hin rani sei mo hasena silea sohena malamalai na talopeilopei. 28 La haratu la lo prÌis aulu na ruhuruhu leu non Moses, la sopo erÌi vai na tatua hinau tinapua, matan enira la tamlohi purongo. Pani hitahu hin rani atu haratu sei God mo sile na leu, God mo virÌoni Natuna na retitauhi na hijana hasena, ale God mo vai natuna mo tataholo tui tui.