Hebrews 9

1 Ale hin retitauhi atu tiroma God mo vaia peresi Israel, mo tau na retileu mata lotu peresi na nona tent tapu mata lotu matea na varama. 2 Vara la turuhi tent atu, la pa viliroto na jara mo rua na lolon tent atu. Na tiroma jara, peri lamu matea, ale tep matea sei la lo tau na pereti tapu hinia. Tiroma jara nike la tovia Jara Tapu. 3 Ale tavalu ruru matea mo kehohoro na harua jara sei la tovia Jara Tapu Jea. 4 Hin jara atu, la tau na votavota mata suli na hasori matea la vaia na gold, peresi na puhoro matea la evea na gold la tovia ‘Puhoro Mata Retitauhi’. Ale na lolon puhoro atu, potele matea la vaia na gold, manna mo lo toho na lolona, tihonin Aaron sei mo lo juliha, peresi la vatu atu Moses mo lo uli la retileu atu mo sangavulu hinira. 5 La vai na tovongi angelo mo rua na gold la tovira cherubim na pusan puhoro atu. La rÌirahi na hapara vara la tavuni na pusan puhoro atu, jara tataholo atu natu prÌis aulu mo lo turusi na rÌae mata malamalai hinia. Pani nakerihi kama sopo erÌi vereuli vevuhi la hinau nike. 6 Vara la tau mamahuni la hinau atu mata lotu moiso, prÌis la erÌi tapulo unu ale la lo malue mata vai na nora vavahinau hin Jara Tapu atu. 7 Pani prÌis aulu hasena i erÌi unu hin jara atu mo tapu jea, ale vahatelete purongo na tauni matea, ale tarea peresi na rÌae sei mo lo silea isan God matan vara i tavuni na nona hehe peresi na hehe nona tamlohi tinapua sei la lo vaira pani la sopo levosahira. 8 Tanume Tapu mo vaia mo memera isarÌa nake vara malele atu sei God mo lo tinarÌihia vara tamlohi purongo la erÌi mai mariviti isana hin jara atu sei mo tapu jea mo sopo lo pala hin rani atu tent atu mo lo turu. 9 Hinau nike enia tovongi matea mo lo pisuhi rani nike nahapani. Matan la otori atu peresi na malamalai sei prÌis la lo silera, la sopo erÌi vai na rÌomi tamlohi sei la lo lavira la mai mata lotua la vokevoke. 10 Matan retileu matan tuai usuri na leu, enia mata hanhani peresi na wai, ale hoje na hinau tinatinapua peresi la hinau sei tamlohi la lo vaira na limara purongo, enira la lo toho vavano malele paro mata mai mariviti isan God mo pala. 11 Pani nakerihi KrÌisto mo mai PrÌis Aulu mo aulu na hinahinau rÌuhu tari sei la mai moiso, ale mo unu hin Jara Tapu atu na tuka sei mo tataholo jea, hara sei lima tamlohi la sopo vaia, mo sopo sopesopen varama nike, 12 ale mo unu hin Jara Tapu Jea atu vahatea mata rani tari, pani mo sopo unu peresi na rÌae nani teni natu buluk, pani mo unu peresi na rÌaena hasena. Ale na rÌaena mo vai tataholoi na malele mata norÌa juri matan tui tui. 13 Matan vara posposi tuai mata turusi na rÌae nani peresi na rÌae buluk peresi na patmakovi mata natu buluk mo erÌi vai na epe tamlohi la vokevoke mata nora posposi mata tope na leu sei mo vaira la lumiha, 14 ale ha to rÌomrÌomia sohena sava rÌaen KrÌisto i erÌi onehi na mapurÌa na norÌa rasua na norÌa vavahinau purongo, matan vara i vairÌa rÌa erÌi lotu God sei mo mauri usuri na masalona. KrÌisto na suihan Tanumen God sei mata tui tui, mo hasena silea isan God sohena malamalai tataholo matea mata hehe. 15 Ale matan haratu, enia natu mo vai na malele matan vara retitauhi paro atu i erÌi mai, matan vara la haratu sei God mo lo tovira la erÌi lavi na koruna sei la sopo erÌi tihai God mo retitauhi hinira. Matan KrÌisto mo mate vara i vaira la materi na talai mata hehe sei la vaira na ruhuruhun retitauhi atu tiroma. 16 Ale vara tea mo sile na nona reti matan te koruna ale hitahu i pa mate, i pa sopo tea i erÌi lavi te koruna i tikeli rani atu la levosahia mo rÌuhu vara mo mate. 17 Nona reti atu mata koruna i pa lo turu i tikeli rani atu tamlohi atu mo lo ulia mo mate. Vara mo pa lo mauri, tea i sopo erÌi lavi te koruna sei mo retitauhi hinia isara. 18 Matan hinau atu natu, retitauhi atu tuai mo tapulo peresi na rÌae. 19 Matan Moses mara mo sile na retileu isana tamlohi tari usuri na hinau tari na leu, mo lavi na rÌae natu buluk peresi na nani, ale wai peresi na vulu sipsip hahara peresi na bras rihirihi matea la vaia na ranga hyssop vipahai matea, ale mo turusi na puku leu peresi na tamlohi tari na rÌae, 20 ale mo lo verea mara, ‘Harihi enia rÌae mata retitauhi sei God mo retileu hinia vara ha lo turu hinia’. Exo 24.8 21 Ale hin malele atu purongo mo turusi na tent peresi na hinau tari sei la lo vavahinau peresira mata lotu God. 22 VararÌuhu, rÌa erÌi verea usuri na leu non Moses, mariviti hinau tari la mai la vokevoke na malele turusi na rÌae, ale God i pa sopo rÌomi na hehe vara rÌae i sopo roro. 23 Ale la hinau atu la lo masese na lolo tent, la lo tovongi na hinau na tuka, ale prÌis mo vaira la vokevoke na rÌae maji purongo. Pani hinau atu na tuka, God mo vaira la vokevoke na malamalai rÌuhurÌuhu jea matea, mo jeu na rÌae maji. 24 Matan KrÌisto mo unu na tuka tataholo vara i turu na nahon God sohena norÌa tuetueni. Enia mo sopo unu na tent mata lotu nona tamlohi varama matan haratu na varama enia tovongi matea hin Temple atu na tuka. 25 Mo sopo unu na tuka matan vara i mele hasena silea tarea sohena prÌis aulu matea mo lo vaia hin rani atu mo lo unu na Jara Tapu Jea na tent hin varama nike na tauni hatehateahi vara i lo sile na rÌae maji. 26 Vara i sohena KrÌisto i pa lo mate vaha visa, i tapulo hin rani atu varama mo tapulo, pani mo vono. Mo mai vahatea mata rani tari hin rani hitahu nike vara i lavi narÌihi na suiha hehe jejeu na nona malamalai sei mo mate matarÌa. 27 Ale God mo taua vara tamlohi hatehateahi la pa mate vahatea, ale hitahuna la pa turu na aria, 28 ale mo sohena purongo, KrÌisto mo mate vahatelete purongo sohena malamalai matea mata lavi narÌihi na hehe nona tamlohi matuvana. I pa mele mai, pani mo sopo mata norÌa hehe. Hin rani atu i pa lavi na juri non la haratu sei la lo kilau matana.