James 1

1 Enau James, slev non God enia Moli Iesu KrÌisto, na uli leta nike mo vano isamim Jew ka kalesia, ka lo toho hatehateahi hin varama nike. 2 La voraiku peresi na vevoraiku rÌuhurÌuhu, vara vaihite la mai isamim, ha avulahi matara, 3 matan ka levosahia vara te hinau mo vaihite na nomim rasua, enia i pa vai na nomim rasua i mele rÌilangi jea, matan vara ha pa turu rÌilangi tarea. 4 Ale vara ha turu rÌilangi sohena, enia i pa erÌi vai na maurimim i jejea rÌuhu, i pa marÌivi na hinau rÌuhu tari, moiso ha pa sopo vejuveju hin te hinau na mauri kalesia. 5 Pani vara te vonamim mo levosahia vara nona lelevosahi mo rihirihi purongo, enia i pa usia isan God, enia haratu mo hansohai isana tamlohi tari, mo sopo hitesatihi tea, ale enia i pa silea isana. 6 Pani i pa usia isana na rasua moiso i sopo rÌomkaka matana, matan vara tea mo lo rÌomkaka, enia mo sohena suhusuhu na tasi, langi mo lo serea mo lo pulahia. 7 Matan tamlohi atu i pa sopo rÌomrÌomia vara i pa lavi te hinau isan Moli, 8 matan enia tamlohi rÌom rua matea, enia rÌomina mo sopo matea na posina tari. 9 Ale vorai atu na rasua sei mo tamlohi purongo i pa erÌi retihapahapa matan God mo tahea aulu, 10 ale haratu mo tavtav i pa erÌi retihapahapa matan God mo taua atano, matan enia mo sohena vira rÌuvu matea, enia i pa tihai. Isa 40.6â7 11 Matan alo mo vele peresi na langina tutuni, ale mo vai na rÌuvurÌuvu peresi na virana la mahoa, la jovi, ale majhira rÌuhurÌuhu la tihai, ale i pa sohena isana tamlohi tavtav sei la lo tutungui na nora tavtav, la pa tihai. 12 Avulahi isana tamlohi mo turu rÌilangi tarea na rani vaihite, matan vara i jeu la vaihite atu, God i pa silea na volina sei enia mauri tui mo usuri na nona retitauhi isan la haratu la lo opoia. 13 I pa sopo tea mo lo toho na vaihite i erÌi verea vara, “God mo lo vaihiteau!” Matan mo sopo te hina sasati hatea i erÌi vaihite God, ale God mo sopo vaihite te tamlohi. 14 Pani vaihite la vora usuri na masalon tamlohi hasena purongo, la lo reve narÌihia, ale la lo haluhalua, 15 moiso, masalona atu mo ulua na lolona, ale hehe mo vora hinia, ale na rani hehe atu mo tavera mo rÌuhu, mo vasusui na mateia. 16 La voraiku peresi na vevoraiku rÌuhurÌuhu, ha sopo jalio na rÌomimim. 17 Ha lo levosahia vara otori rÌuhurÌuhu tari peresi na otori la tataholo rÌuhu tari, la tai na tuka, la tai isan Tama memera aulu, la sinai atano. Ale enia mo sopo sohera matan mo sopo posposi, ale mo sopo te rÌorÌona. 18 Ale na masalona, mo vairÌa rÌa vora na retivararÌuhu matan vara rÌa pa mai sohena vora tiroma na nona vavahinau tari mo lo vaira. 19 La voraiku peresi na vevoraiku rÌuhurÌuhu, ha levosahi harihi; ha tatamahu i rÌuhu vara ha tapurongo, pani ha sopo vilavila mata retireti teni lolokoru. 20 Matan posposi tataholo atu God mo opoia, mo sopo vora na lolokoru nona tamlohi. 21 Matan haratu, ha pulahi narÌihi na posposi lumiha peresi na posposi sasati tari na maurimim, ale na rÌomatano, ha lavi reti atu God mo lavoa na mapumim moiso sei i erÌi juri na maurimim. 22 Ale nake, ha mai tamlohi mata vai na sava reti mo verea, ale ha sopo tamlohi mata tapurongo purongo sei la lo hase halura. 23 Matan vara tea enia mata tapurongo na reti purongo, ale mo sopo mata vaia, enia mo sohena tamlohi matea mo lo kilau na nahona na titiro, 24 matan enia mo lo kilau na niniuna, ale vara mo mele malue, ale vahatea purongo, mo rÌomaliho vara enia mo sohena sava. 25 Pani haratu mo lo kilakilau usuri na Leu rÌuhurÌuhu non God mo rÌuhu, leu atu mo vaia mo materi, ale vara i lo vai na sava leu mo lo verea, ale i sopo rÌomaliho na sava mo rongoa, God i pa lerÌuhu hinia na nona vavahinau. 26 Vara tea mo rÌomrÌomia vara mo lo usuri na mauri tataholo, pani mo sopo vaitataholoi na memena, enia mo lo halu na mapuna, rÌomrÌomi mata mauri tataholo non tamlohi nike, mo sopo rÌuhu hin te hinau hatea. 27 Mauri tataholo vararÌuhu sei mo vokevoke na nahon God Tama, enia mo sohen harihi: vara o kilau mamahuni na natu marÌua peresi na malepu na nora rani rÌilangi, ale vara o toho asau na posposi varama.